ಕನ್ನಡ ಕಿರುತೆರೆಯ ಜನಪ್ರಿಯ ಕಾರ್ಯಕ್ರಮ 'ಬಿಗ್ ಬಾಸ್ ಸೀಸನ್ 11'ರ ಐದನೇ ವಾರದಲ್ಲಿದೆ. ಶೋ ಮುಂದುವರಿದಂತೆ ವಾದ ವಿವಾದ, ಮನಸ್ತಾಪಗಳು ಮುಂದುವರಿದಿವೆ. ಅದರಂತೆ, ಇಂದಿನ ಸಂಚಿಕೆಯಲ್ಲೂ ಮಾತಿನ ಕಿಚ್ಚು ಹೊತ್ತುಕೊಂಡಿದೆ.
''ದೀಪಾವಳಿಗೂ ಮುನ್ನ ಮನೆಯಲ್ಲಿ ಹಾವಳಿಯೋ ಹಾವಳಿ!'' ಬಿಗ್ ಬಾಸ್ ಕನ್ನಡ ಸೀಸನ್ 11. ಸೋಮ-ಶುಕ್ರ ರಾತ್ರಿ 9:30ಕ್ಕೆ ಪ್ರಸಾರ ಎಂಬ ಕ್ಯಾಪ್ಷನ್ನೊಂದಿಗೆ ಇಂದಿನ ಸಂಚಿಕೆಯ ಪ್ರೋಮೋ ಅನಾವರಣಗೊಂಡಿದೆ. ಬಿಗ್ ಬಾಸ್ ಮನೆಯಲ್ಲಿ ಗುಣ, ಯೋಗ್ಯತೆ ಪ್ರಶ್ನೆ ಹುಟ್ಟಿಕೊಂಡಿದೆ. ಮಾತಿನ ಭರ ಜೋರಾಗೇ ಇದೆ. ಸಂಪೂರ್ಣ ಸಂಚಿಕೆ ವೀಕ್ಷಿಸಲು ಪ್ರೇಕ್ಷಕರು ಉತ್ಸುಕರಾಗಿದ್ದಾರೆ.
ಮನೆ ಮಂದಿಗೆ ಲಕ್ಷುರಿ ಬಜೆಟ್ ಗಳಿಸಲು ಟಾಸ್ಕ್ ಒಂದನ್ನು ಬಿಗ್ ಬಾಸ್ ನೀಡಿದ್ದಾರೆ. ಸ್ಪರ್ಧಿಯೋರ್ವರು ಚಿತ್ರವೊಂದನ್ನು ಬಿಡಿಸಬೇಕು, ಅದನ್ನು ಇತರೆ ಸ್ಪರ್ಧಿಗಳು ಕಂಡು ಹಿಡಿಯಬೇಕು. ಇದರಲ್ಲಿ ಗೌತಮಿ ಅವರ ತಂಡ ಗೆದ್ದು ಬೀಗಿದೆ. ನಂತರ ಮಂಜು ಅವರು ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದ್ದಾರೆ. ತ್ರಿವಿಕ್ರಮ್, ಭವ್ಯಾ ಅವರು ಮಂಜು ಬಳಿ ವಾದಕ್ಕಿಳಿದಿದ್ದಾರೆ. ಎಲ್ಲರ ನಂಬಿಕೆಯನ್ನು ಹಾಳು ಮಾಡಿಕೊಂಡ್ರಿ ಎಂದು ಮಂಜು ಬಗ್ಗೆ ತ್ರಿವಿಕ್ರಮ್ ಹೇಳಿದ್ರೆ, ನಿಮ್ಮ ಗುಣಾನೆ ಇದು ಅಂತಾ ಭವ್ಯಾ ತಿಳಿಸಿದ್ದಾರೆ. ಗುಣದ ಬಗ್ಗೆ ಬಂದ ಹಿನ್ನೆಲೆ, ಮಂಜು ದನಿ ಏರಿಸಿದ್ದಾರೆ. ಬೇರೆಯವರ ಆ್ಯಕ್ಟಿಂಗ್ ಬಗ್ಗೆ ಮಾತನಾಡುತ್ತಿದ್ರಲ್ವಾ? ನಿಮ್ಮ ಯೋಗ್ಯತೆ ಏನು ಎಂದು ಭವ್ಯಾ ಕಿಡಿ ಕಾರಿದ್ದಾರೆ. ಮಾತಿಗೆ ಮಾತು ಬೆಳೆದು ಜಗಳ ನಡೆದಂತೆ ತೋರುತ್ತಿದೆ.
ಇದನ್ನೂ ಓದಿ: ಹನುಮಾನ್ ಪಾತ್ರದಲ್ಲಿ ರಿಷಬ್ ಶೆಟ್ಟಿ: ಟಾಲಿವುಡ್ನಲ್ಲಿ ಛಾಪು ಮೂಡಿಸಲು ಕಾಂತಾರ ಸ್ಟಾರ್ ರೆಡಿ
ಇನ್ನೂ ಸತ್ಯ ಧಾರವಾಹಿ ಮೂಲಕ ಸಿಕ್ಕಾಪಟ್ಟೆ ಜನಪ್ರಿಯತೆ ಗಳಿಸಿರುವ ಗೌತಮಿ ಅವರು ಈ ಮನೆಯಲ್ಲಿ ಪಾಸಿಟಿವಿಟಿಯಿಂದಾಗಿ ಗುರುತಿಸಿಕೊಂಡಿದ್ದಾರೆ. ಆದ್ರೆ ಎಲ್ಲಾ ಸಂದರ್ಭಗಳಲ್ಲೂ ಇದು ಸಾಧ್ಯವಿಲ್ಲ. ಧನರಾಜ್ ಅವರ ವರ್ತನೆಯೊಂದನ್ನು ಖಂಡಿಸಿದ್ದು, ಇದೇ ಅವರು ಎಲಿಮಿನೇಶನ್ಗೆ ನಾಮಿನೇಟ್ ಆಗುವಂತೆ ಮಾಡಿದೆ.
ಇದನ್ನೂ ಓದಿ: ಯಶ್ ಪುತ್ರನ 5ನೇ ಜನ್ಮದಿನ: ಕುಟುಂಬದ ಸುಂದರ ಕ್ಷಣಗಳನ್ನು ಹಂಚಿಕೊಂಡ ರಾಧಿಕಾ ಪಂಡಿತ್
ಬಿಗ್ ಬಾಸ್ ಮನೆಯಲ್ಲಿ ಸಾಂಗ್ಸ್ ಅಲರಾಮ್ ಇದ್ದಂತೆ. ಬೆಳಗ್ಗೆ ಹಾಡು ಹಾಕಿದಾಗ ಹೆಚ್ಚಿನವರು ಸಖತ್ ಸ್ಟೆಪ್ ಹಾಕುತ್ತಾರೆ. ಆದ್ರೆ ಕಳೆದ ದಿನ ಗೌತಮಿ ಬೆಡ್ ಬಿಟ್ಟಿರಲಿಲ್ಲ. ಇನ್ನೇನು ಎದ್ದು ಬರಬೇಕು ಅನ್ನುವಷ್ಟರಲ್ಲಿ ಧನರಾಜ್ ಅವರು ಗೌತಮಿ ಅವರಿಗೆ ಪಿಲ್ಲೋ ಇಂದ ಹೊಡೆಯುತ್ತಾರೆ. ಇದು ಗೌತಮಿ ಅವರಿಗೆ ಕಿರಿಕಿರಿ ಉಂಟು ಮಾಡಿದೆ. ನನಗಿದು ಇಷ್ಟ ಆಗಲಿಲ್ಲ. ಮೊದಲ ಬಾರಿ ಅಂತಾ ಸುಮ್ಮನಿದ್ದೇನೆ. ದಯವಿಟ್ಟು ನನ್ನನ್ನು ಈ ರೀತಿ ಎಬ್ಬಿಸಬೇಡಿ. ಸಾಂಗ್ ಪ್ಲೇ ಆದಾಗ ಏಳಬೇಕೆಂಬುದು ನನಗೂ ಗೊತ್ತು ಎಂದು ತಿಳಿಸಿದ್ದಾರೆ. ಇದು ಧನರಾಜ್ಗೆ ಅಚ್ಚರಿ ಉಂಟುಮಾಡಿದೆ. ನಾಮಿನೇಷನ್ನಲ್ಲಿ ಇದೇ ಕಾರಣ ಕೊಟ್ಟು ಧನರಾಜ್ ಅವರು ಗೌತಮಿ ಅವರನ್ನು ನಾಮಿನೇಟ್ ಮಾಡಿದ್ದಾರೆ. ಇದರಿಂದ ಅಸಮಾಧಾನಗೊಂಡ ಗೌತಮಿ 'ನಾನು ಪಾಸಿಟಿವಿಟಿ' ಅನ್ನೋದನ್ನು ಮರೆತುಬಿಡಿ ಎಂದು ತಿಳಿಸಿದ್ದಾರೆ.
ಎಲಿಮಿನೇಷನ್ಗೆ ನಾಮಿನೇಷನ್ಸ್: ಮೋಕ್ಷಿತಾ, ಭವ್ಯಾ, ಮಂಜು, ಅನುಷಾ, ಧರ್ಮ, ಮಾನಸಾ, ಚೈತ್ರಾ, ಐಶ್ವರ್ಯಾ, ಧನರಾಜ್, ಶಿಶಿರ್, ಹನುಮಂತ, ಗೋಲ್ಡ್ ಸುರೇಶ.
