ಕನ್ನಡ ಕಿರುತೆರೆಯಲ್ಲಿ ಪ್ರಸಾರವಾದ 'ಜೊತೆ ಜೊತೆಯಲಿ' ಧಾರಾವಾಹಿ ಖ್ಯಾತಿಯ ಮೇಘಾ ಶೆಟ್ಟಿ ಮನೆಯಲ್ಲಿ ಮದುವೆ ಸಂಭ್ರಮ. ಸೋಷಿಯಲ್ ಮೀಡಿಯಾದಲ್ಲಿ ಮದುವೆ ಕಾರ್ಯಕ್ರಮಗಳ ಫೋಟೋ ವಿಡಿಯೋಗಳು ವೈರಲ್ ಆಗಿವೆ. ಇದೀಗ ಸ್ವತಃ ನಟಿ ಮೇಘಾ ಶೆಟ್ಟಿ ಅವರೇ ವಿಡಿಯೋ ಒಂದನ್ನು ಹಂಚಿಕೊಂಡಿದ್ದು, ಸಖತ್ ಸದ್ದು ಮಾಡುತ್ತಿದೆ.
ಮೇಘಾ ಶೆಟ್ಟಿ ಅವರ ಅಕ್ಕ ನಿಶಾ ಶೆಟ್ಟಿ ಬೆಂಗಳೂರಿನ ಖಾಸಗಿ ಹೋಟೆಲ್ನಲ್ಲಿ ಮದುವೆ ಆಗಿದ್ದಾರೆ. ಅನು ಸಿರಿಮನೆ ಪಾತ್ರದ ಮೂಲಕವೇ ಮನೆ ಮಾತಾಗಿದ್ದ ಮೇಘಾ ಶೆಟ್ಟಿ ವಿಡಿಯೋ ಒಂದನ್ನು ಶೇರ್ ಮಾಡಿ, ಹ್ಯಾಪಿ ಮ್ಯಾರಿಡ್ ಲೈಫ್ ಮೈ ಲವ್ಸ್ ಎಂದು ಬರೆದುಕೊಂಡಿದ್ದಾರೆ.
2019ರ ಸೆಪ್ಟೆಂಬರ್ 9ರಂದು ಪ್ರಸಾರ ಪ್ರಾರಂಭಿಸಿದ 'ಜೊತೆ ಜೊತೆಯಲಿ' ಧಾರಾವಾಹಿ 2023ರ ಮೇ 19ರಂದು ಮುಕ್ತಾಯಗೊಂಡಿತು. ಕನ್ನಡ ಚಿತ್ರರಂಗದ ಖ್ಯಾತ ನಟ ಅನಿರುದ್ಧ್ ಜತ್ಕರ್ ಮುಖ್ಯಭೂಮಿಕೆಯಲ್ಲಿ ನಟಿಸಿದ್ದು, ನಾಯಕಿಯಾಗಿ ಮೇಘಾ ಶೆಟ್ಟಿ ಮಿಂಚು ಹರಿಸಿದ್ದರು. ತಮ್ಮ ಪಾತ್ರ 'ಅನು ಸಿರಿಮನೆ' ಹೆಸರಿನಲ್ಲೇ ಜನಪ್ರಿಯರಾದರು. ಸೀರಿಯಲ್ ಕಂಟೆಂಟ್, ಕಲಾವಿದರ ನಟನೆ ಜನಮನ ಗೆಲ್ಲುವಲ್ಲಿ ಯಶ ಕಂಡಿತು. ಕಿರುತೆರೆಯಲ್ಲೇ ಸಾಕಷ್ಟು ಜನಪ್ರಿಯರಾದ ಮೇಘಾ ಹಿರಿತೆರೆಯಲ್ಲೂ ಕಾಣಿಸಿಕೊಂಡಿದ್ದಾರೆ. ಅತಿ ಮಡಿಮೆ ಅವಧಿಯಲ್ಲಿ ಜನಪ್ರಿಯತೆ ಹೆಚ್ಚಿಸಿಕೊಂಡಿದ್ದಾರೆ. ತ್ರಿಬ್ಬಲ್ ರೈಡಿಂಗ್, ದಿಲ್ಪಸಂದ್, ಕೈವ ಸಿನಿಮಾಗಳಲ್ಲಿ ನಟಿಸಿದ್ದಾರೆ.
ಇದನ್ನೂ ಓದಿ: ಗೋಲ್ಡನ್ ಸ್ಟಾರ್ ಗಣೇಶ್ 'ದ್ವಾಪರ' ಸಾಂಗ್ ಟ್ರೆಂಡಿಂಗ್ನಲ್ಲಿ: ಸಿನಿಮಾ ನೋಡುವ ಕಾತರ ಹೆಚ್ಚಳ - Dwapara Song
