ಕಳೆದ ಹತ್ತು ವರ್ಷಗಳಲ್ಲಿ ಭಾರತದಲ್ಲಿ ಬೈಕ್ ಬಾಡಿಗೆಗೆ ಪಡೆದು ಸಂಚಾರ ಮಾಡುವವರ ಸಂಖ್ಯೆ ಹೆಚ್ಚಿದೆ. ಸ್ವಂತ ಬೈಕ್ ಖರೀದಿಸಲಾಗದವರು, ತುರ್ತಾಗಿ ಪ್ರಯಾಣಿಸುವವರು ಬಾಡಿಗೆಗೆ ಬೈಕ್ ತೆಗೆದುಕೊಳ್ಳುತ್ತಿದ್ದಾರೆ. ಈ ಉದ್ದೇಶಕ್ಕಾಗಿ ಹಲವಾರು ಬೈಕ್ ಬಾಡಿಗೆ ಅಪ್ಲಿಕೇಶನ್‌ಗಳು ಲಭ್ಯವಿದೆ. ಅಂಥವುಗಳಲ್ಲಿ ಟಾಪ್ 5 ಅಪ್ಲಿಕೇಶನ್‌ಗಳ ಬಗ್ಗೆ ತಿಳಿಯೋಣ ಬನ್ನಿ.
ಈ ಅಪ್ಲಿಕೇಶನ್‌ಗಳಲ್ಲಿ, ನೀವು 24 ಗಂಟೆಗಳು, 48 ಗಂಟೆಗಳು, 72 ಗಂಟೆಗಳು, ಒಂದು ವಾರ, ಒಂದು ತಿಂಗಳು ಸೇರಿದಂತೆ ವಿವಿಧ ಅಧಿಯವರೆಗೆ ಬೈಕ್ ಬಾಡಿಗೆಗೆ ಪಡೆಯಬಹುದು.
ಆ್ಯಪ್ ಹೇಗೆ ಕೆಲಸ ಮಾಡುತ್ತದೆ?: ಬೈಕ್ ಬಾಡಿಗೆ ಅಪ್ಲಿಕೇಶನ್‌ಗಳನ್ನು ಬಳಸುವುದು ಸುಲಭ. ಈ ಅಪ್ಲಿಕೇಶನ್‌ಗಳು ಕಡಿಮೆ ಶುಲ್ಕದಲ್ಲಿ ಅತ್ಯುತ್ತಮ ಬೈಕ್ಗಳನ್ನು ಗ್ರಾಹಕರಿಗೆ ಒದಗಿಸುವ ಗುರಿ ಹೊಂದಿವೆ. ಬಳಕೆದಾರರಿಗೆ ತೊಂದರೆರಹಿತ ಮತ್ತು ಉತ್ತಮ ಅನುಭವ ಒದಗಿಸುತ್ತವೆ. ಹೆಚ್ಚಿನ ಅಪ್ಲಿಕೇಶನ್‌ಗಳು iOS ಮತ್ತು Android ಸ್ಮಾರ್ಟ್‌ಫೋನ್‌ಗಳನ್ನು ಬೆಂಬಲಿಸುತ್ತವೆ. ಮುಖ್ಯವಾಗಿ, ಈ ಅಪ್ಲಿಕೇಶನ್‌ಗಳ ಮೂಲಕ ಪಾವತಿಗಳನ್ನು ಸುರಕ್ಷಿತವಾಗಿ ಮಾಡಬಹುದು. ಆ್ಯಪ್ ಬಳಕೆ ಮಾಡೋದು ಹೇಗೆ ತಿಳಿಯೋಣ.
- ಹಂತ 1: ಅಪ್ಲಿಕೇಶನ್‌ನಲ್ಲಿ ನೋಂದಾಯಿಸಿ ಮತ್ತು ಲಾಗಿನ್ ಮಾಡಿ.
- ಹಂತ 2: ಬುಕಿಂಗ್ ದಿನಾಂಕ, ಪಿಕಪ್ ಸ್ಥಳ ನಮೂದಿಸಿ.
- ಹಂತ 3: ಬೈಕ್‌ಗಳ ಪಟ್ಟಿಯಿಂದ ನಿಮ್ಮ ಆಯ್ಕೆಯ ದ್ವಿಚಕ್ರ ವಾಹನವನ್ನು ಆಯ್ಕೆ ಮಾಡಿ.
- ಹಂತ 4: ನಿಮ್ಮ ಸ್ಥಳವನ್ನು ನಮೂದಿಸಿ ಮತ್ತು ಬೈಕ್ ಕಾಯ್ದಿರಿಸಿ.
- ಹಂತ 5: ಪಾವತಿ ಮಾಡುವ ಮೊದಲು, ರಿವ್ಯೂವ್ ಕಾರ್ಟ್ ಪುಟದಲ್ಲಿ ಎಲ್ಲಾ ಮಾಹಿತಿಯನ್ನು ಪರಿಶೀಲಿಸಿ.
- ಹಂತ 6: ಅಂತಿಮವಾಗಿ, ಕಾಯ್ದಿರಿಸುವಿಕೆಯನ್ನು ದೃಢೀಕರಿಸಿ.
- ಹಂತ 7: ಯಾವ ರೀತಿಯ ಬೈಕ್ ಬಾಡಿಗೆಗೆ ತೆಗೆದುಕೊಳ್ಳಬಹುದು.
- ಹಂತ 8: ಹೆಚ್ಚುವರಿ ಶುಲ್ಕಕ್ಕಾಗಿ ನಿಮ್ಮ ವಿಳಾಸಕ್ಕೆ ವಿತರಣೆ ಮಾಡುವ ವ್ಯವಸ್ಥೆ ಇದೆ.
- ಹಂತ 9: ನಿಮ್ಮ ಕೆಲಸ ಮುಗಿದ ನಂತರ, ನೀವು ಬಾಡಿಗೆ ಪಡೆದ ಬೈಕ್ ಅನ್ನು ಕಂಪನಿಗೆ ಹಸ್ತಾಂತರಿಸಿ.
ಟಾಪ್ 5 ಬೈಕ್ ಬಾಡಿಗೆ ಅಪ್ಲಿಕೇಶನ್‌ಗಳು:
1. Drivezy: ಸಣ್ಣ ಭದ್ರತಾ ಠೇವಣಿ ಪಾವತಿಸುವ ಮೂಲಕ ನೀವು Drivezyನಿಂದ ಬೈಕ್ ಬಾಡಿಗೆಗೆ ಪಡೆಯಬಹುದು. ಈ ಬೈಕ್ ಬಾಡಿಗೆ ಅಪ್ಲಿಕೇಶನ್ ಭಾರತದ 5 ಪ್ರಮುಖ ನಗರಗಳಾದ ಬೆಂಗಳೂರು, ಹೈದರಾಬಾದ್, ಪುಣೆ, ಮುಂಬೈ, ದೆಹಲಿಯಲ್ಲಿ ಸೇವೆ ಒದಗಿಸುತ್ತಿದೆ. ಅಪ್ಲಿಕೇಶನ್ ಎಲ್ಲಾ Android ಫೋನ್ ಬಳಕೆದಾರರಿಗೆ ಲಭ್ಯ.
ಸೇವೆಗಳೇನು?:
- ಹೋಮ್ ಪಿಕಪ್ ಮತ್ತು ಡ್ರಾಪ್ ಆಯ್ಕೆ.
- ಮೊದಲ ಬಾರಿಗೆ ಕಾರು, ಬೈಕು, ಸ್ಕೂಟರ್ - ನೀವು ಬುಕ್ ಮಾಡುವ ಯಾವುದಾದರೂ ಮೇಲೆ 10% ರಿಯಾಯಿತಿ.
- ಕಾರ್ಗಳಲ್ಲಿ ಏರ್‌ಬ್ಯಾಗ್‌ಗಳು ಮತ್ತು ABSನಂತಹ ಸುರಕ್ಷತಾ ವೈಶಿಷ್ಟ್ಯಗಳು
- ಈ ಅಪ್ಲಿಕೇಶನ್‌ನ ಪ್ರಸ್ತುತ ರೇಟಿಂಗ್- 2.4
2. Rent a Bike Howdy: ನೀವೇ ಬೈಕ್ ಓಡಿಸಲು ಬಯಸಿದರೆ, ಈ ರೆಂಟ್ ಎ ಬೈಕ್ ಹೌಡಿ ಅಪ್ಲಿಕೇಶನ್‌ನಲ್ಲಿ ದ್ವಿಚಕ್ರ ವಾಹನವನ್ನು ಬುಕ್ ಮಾಡಬಹುದು. ಈ ಅಪ್ಲಿಕೇಶನ್ನಿನ "ಕಮ್ಯೂಟ್ ಮೋಡ್ ಫಂಕ್ಷನ್" ಮೂಲಕ ನಿಮ್ಮ ಸಮಸ್ಯೆಗಳನ್ನು ಪರಿಹರಿಸಬಹುದು. ನೀವು ಬಯಸಿದ ಸ್ಥಳದಲ್ಲಿ ಕಾರ್ಟ್ ಅನ್ನು ಎತ್ತಿಕೊಂಡು ಇನ್ನೊಂದು ಸ್ಥಳದಲ್ಲಿ ಕಂಪನಿಗೆ ಹಿಂತಿರುಗಿಸಬಹುದು. ಪ್ರಯಾಣದ ದೂರ, ಖರ್ಚು ಮಾಡಿದ ಸಮಯ ಮತ್ತು ಮುಖ್ಯವಾಗಿ ಕೊಟ್ಟಿರುವ ವಾಹನಕ್ಕೆ ಹೆಲ್ಮೆಟ್ ನೀಡಲಾಗುತ್ತದೆ.
ಸೇವೆಗಳೇನು?:
- ಬೈಕ್ಗಳು ಮತ್ತು ಸ್ಕೂಟರ್‌ಗಳನ್ನು ದೈನಂದಿನ, ವಾರ ಅಥವಾ ಮಾಸಿಕ ಆಧಾರದ ಮೇಲೆ ಬಾಡಿಗೆಗೆ ಪಡೆಯಬಹುದು.
- ಪ್ರಸ್ತುತ ಈ ಅಪ್ಲಿಕೇಶನ್‌ನ ರೇಟಿಂಗ್: 3.1
3. Motorcycles ONN: ಈ ಅಪ್ಲಿಕೇಶನ್ ಮೂಲಕ ನಿಮ್ಮ ಆಯ್ಕೆಯ ಬೈಕ್ ಬಾಡಿಗೆಗೆ ಪಡೆಯಬಹುದು. ಇದು ಸಾಮಾನ್ಯ ಬೈಕ್ಗಳು, ಸ್ಕೂಟರ್‌ಗಳು, ಇ-ಸ್ಕೂಟರ್‌ಗಳು ಮತ್ತು ಎಲೆಕ್ಟ್ರಿಕ್ ಬೈಕ್‌ಗಳನ್ನೂ ಸಹ ಒಳಗೊಂಡಿದೆ. ಆದಾಗ್ಯೂ, ಎಲೆಕ್ಟ್ರಿಕ್ ವಾಹನ ಸೇವೆಗಳು ಪ್ರಸ್ತುತ ಪುಣೆ ಮತ್ತು ಉದಯಪುರದಲ್ಲಿ ಮಾತ್ರ ಲಭ್ಯ.
ಸೇವೆಗಳೇನು?:
- ಇದು ಭಾರತದ 6 ನಗರಗಳಲ್ಲಿ ಸೇವೆಗಳನ್ನು ಒದಗಿಸುತ್ತದೆ.
- ಪರಿಸರಸ್ನೇಹಿ ಅತ್ಯುತ್ತಮ ಎಲೆಕ್ಟ್ರಿಕ್ ಬೈಕ್ಗಳು
- ಬಾಡಿಗೆ ತುಂಬಾ ಕಡಿಮೆ.
- ಪ್ರಸ್ತುತ ಅಪ್ಲಿಕೇಶನ್‌ನ ರೇಟಿಂಗ್: 3.2
4. Ride your bike: ಇದರ ಮೂಲಕ ನೀವು ಬೈಕ್ಗಳು, ಸ್ವಯಂಚಾಲಿತ ಕಾರ್ಗಳು, ಟ್ಯಾಕ್ಸಿಗಳನ್ನು ಕಾಯ್ದಿರಿಸಬಹುದು. ಇದು 4 ಸಮಯದ ಸ್ಲಾಟ್‌ಗಳನ್ನು ಹೊಂದಿದೆ. ಅಂದರೆ ನೀವು ಎಂಟು, ಹನ್ನೆರಡು, ಇಪ್ಪತ್ನಾಲ್ಕು, ನಲವತ್ತೆಂಟು ಗಂಟೆಗಳ ಕಾಲ ಬೈಕ್ಗಳನ್ನು ಬಾಡಿಗೆಗೆ ಪಡೆಯಬಹುದು.
ಸೇವೆಗಳೇನು?:
- ಇದರ ಸೇವೆಗಳು ದೇಶದ ಎಲ್ಲಾ ಪ್ರಮುಖ ನಗರಗಳಲ್ಲಿ ಲಭ್ಯವಿದೆ.
- ಅನೇಕ ಬೈಕ್ ಆಯ್ಕೆಗಳನ್ನು ಮಾಡಬಹುದು.
- ಉಚಿತ ಹೆಲ್ಮೆಟ್ ನೀಡಲಾಗುತ್ತದೆ.
- ಪ್ರಸ್ತುತ ಅಪ್ಲಿಕೇಶನ್‌ನ ರೇಟಿಂಗ್: 3.0
5. The Haunted Ride App: ನೀವು ಹಾರ್ಲೆ ಡೇವಿಡ್ಸನ್, ಅವೆಂಜರ್, ರಾಯಲ್ ಎನ್‌ಫೀಲ್ಡ್, ಕೆಟಿಎಂ ಡ್ಯೂಕ್, ಡುಕಾಟಿ ಮಾನ್‌ಸ್ಟರ್‌ನಂತಹ ಕ್ರೀಡಾ ಬೈಕ್ಗಳನ್ನು ಓಡಿಸಲು ಬಯಸಿದರೆ, ನೀವು ಈ ಹಾಂಟೆಡ್ ರೈಡ್ (The Haunted Ride) ಅಪ್ಲಿಕೇಶನ್ ಡೌನ್‌ಲೋಡ್ ಮಾಡಬೇಕು. ಈ ಅಪ್ಲಿಕೇಶನ್ ಬ್ರ್ಯಾಂಡೆಡ್ ಹೈ-ಎಂಡ್ ಬೈಕ್ಗಳನ್ನು ಬಾಡಿಗೆಗೆ ನೀಡುತ್ತದೆ.
ಸೇವೆಗಳೇನು?:
- ದೀರ್ಘ ಪ್ರಯಾಣ ಬೆಂಬಲ
- ವಿಮಾ ಸೌಲಭ್ಯ
- ಯಾವುದೇ ಡೌನ್ ಪೇಮೆಂಟ್ ಇಲ್ಲದೇ ಪ್ರಯಾಣದ ಸಾಹಸ
- Google Play Storeನಲ್ಲಿ ಈ ಅಪ್ಲಿಕೇಶನ್‌ನ ರೇಟಿಂಗ್: 2.7
ಇದನ್ನೂ ಓದಿ: ಕಡಿಮೆ ಬೆಲೆಯ ಕಾರು ಹುಡುಕುತ್ತಿದ್ದೀರಾ?: ಹಾಗಾದರೆ ಇವೇ ನೋಡಿ ಭಾರತದ ಟಾಪ್ 10 ಅಗ್ಗದ ಕಾರುಗಳು - Cheapest Cars In India
