Amazon Great Indian Festival: ಹಬ್ಬದ ಋತುವಿನಲ್ಲಿ ಪ್ರಮುಖ ಇ-ಕಾಮರ್ಸ್ ಕಂಪನಿ ಅಮೆಜಾನ್ ಈ ಸಲವೂ ದೊಡ್ಡ ಆಫರ್ ನೀಡುವ ಮೂಲಕ ಮಾರಾಟಕ್ಕೆ ಸಿದ್ಧವಾಗಿದೆ. ವಾರ್ಷಿಕ ಗ್ರೇಟ್ ಇಂಡಿಯನ್ ಫೆಸ್ಟಿವಲ್ ಸೇಲ್ ಸೆಪ್ಟೆಂಬರ್ 27 ರಿಂದ ಆರಂಭವಾಗಲಿದೆ. ಪ್ರೈಮ್ ಸದಸ್ಯರಿಗೆ ಒಂದು ದಿನ ಮುಂಚಿತವಾಗಿ ಸೇಲ್ ಲಭ್ಯವಿರುತ್ತದೆ. ಅಂದರೆ ಸೆಪ್ಟೆಂಬರ್ 26 ರಿಂದಲೇ ಈ ಸೇಲ್ ಆರಂಭವಾಗಲಿದೆ.
ಈ ಬಾರಿ ಗ್ರೇಟ್ ಇಂಡಿಯನ್ ಫೆಸ್ಟಿವಲ್ ಸೇಲ್ನಲ್ಲಿ ಎಸ್ಬಿಐ ಕಾರ್ಡ್ ಬಳಕೆದಾರರಿಗೆ ಉತ್ತಮ ರಿಯಾಯಿತಿಗಳು ದೊರೆಯಲಿವೆ. ಕ್ರೆಡಿಟ್ ಕಾರ್ಡ್ ಮತ್ತು ಡೆಬಿಟ್ ಕಾರ್ಡ್ ಮೂಲಕ ಖರೀದಿಸುವ ಗ್ರಾಹಕರು ಶೇ 10ರಷ್ಟು ರಿಯಾಯಿತಿ ಪಡೆಯಬಹುದು. Amazon Pay UPI ಜೊತೆಗೆ 1000 ರೂಪಾಯಿಗಿಂತ ಹೆಚ್ಚಿನ ಖರೀದಿಗೆ 100ರೂ. ರಿಯಾಯಿತಿ ನೀಡುವುದಾಗಿ Amazon ಹೇಳಿದೆ. ಮಾರಾಟದ ಭಾಗವಾಗಿ, ಮೊಬೈಲ್ಗಳ ಮೇಲೆ ಶೇಕಡಾ 40, ಎಲೆಕ್ಟ್ರಾನಿಕ್ಸ್ಗಳ ಮೇಲೆ ಶೇಕಡಾ 75, ಗೃಹೋಪಯೋಗಿ ವಸ್ತುಗಳ ಮೇಲೆ ಶೇಕಡಾ 50, ಫ್ಯಾಷನ್ ಉತ್ಪನ್ನಗಳ ಮೇಲೆ ಶೇ 50 - 80ರವರೆಗೆ ರಿಯಾಯಿತಿಗಳು ಸಿಗಲಿವೆ. ಅಮೆಜಾನ್ ಅಲೆಕ್ಸಾ ಉತ್ಪನ್ನಗಳ ಮೇಲೆ ಶೇಕಡಾ 55 ರಷ್ಟು ರಿಯಾಯಿತಿಯನ್ನು ಘೋಷಿಸಲಾಗಿದೆ. ಆದರೆ ಯಾವುದರ ಮೇಲೆ ಎಷ್ಟು ರಿಯಾಯಿತಿ ನೀಡಲಾಗಿದೆ ಎಂಬುದನ್ನು ಅಮೆಜಾನ್ ಇನ್ನೂ ಬಹಿರಂಗಪಡಿಸಿಲ್ಲ.
5,999 ರೂಗೆ ಸಿಗಲಿವೆ ಮೊಬೈಲ್ಗಳು : ಗ್ರೇಟ್ ಇಂಡಿಯನ್ ಸೇಲ್ನ ಭಾಗವಾಗಿ, ಮೊಬೈಲ್ಗಳನ್ನು 5,999 ರಿಂದ ಮಾರಾಟ ಮಾಡಲಾಗುವುದು ಎಂದು ಅಮೆಜಾನ್ ತಿಳಿಸಿದೆ. ಮೊಬೈಲ್ ಬಿಡಿಭಾಗಗಳು ಕೇವಲ 89ರೂ. ದಿಂದ ಪ್ರಾರಂಭವಾಗಲಿದೆ ಎಂದು ಹೇಳಲಾಗಿದೆ. 24 ತಿಂಗಳ ನೋ-ಕಾಸ್ಟ್ EMI ಸೌಲಭ್ಯವನ್ನು ಸಹ ಈ ಬಾರಿ ನೀಡಲಾಗಿದೆ. ಸ್ಮಾರ್ಟ್ ಟಿವಿಗಳ ಬೆಲೆ 6,999ರೂ ದಿಂದ ಪ್ರಾರಂಭವಾಗಲಿದೆ. Amazon Alexa ಮತ್ತು FireTV Stick ಸಾಧನಗಳು 1,999 ರೂಗಳಿಂದ ಪ್ರಾರಂಭವಾಗುತ್ತದೆ. ಮಾರಾಟದ ಸಮಯದಲ್ಲಿ, ನೀವು ಪ್ರಯಾಣದ ಬುಕಿಂಗ್ನಲ್ಲಿ ರಿಯಾಯಿತಿಯನ್ನು ಪಡೆಯಬಹುದು ಎಂದು ಅಮೆಜಾನ್ ಹೇಳಿದೆ. ವಿನಿಮಯ ಕೊಡುಗೆಗಳ ಜೊತೆಗೆ ಕೂಪನ್ಗಳನ್ನು ಸಹ ನೀಡಲಾಗುತ್ತದೆ. ಆಫರ್ಗಳ ವಿವರಗಳನ್ನು ಶೀಘ್ರದಲ್ಲೇ ಬಹಿರಂಗಪಡಿಸಲಾಗುವುದು ಎಂದು ಅದು ಹೇಳಿದೆ.
ಮತ್ತೊಂದೆಡೆ ಫ್ಲಿಪ್ಕಾರ್ಟ್, ಹಬ್ಬದ ಸೀಸನ್ನಲ್ಲಿ ಆಫರ್ಗಳ ಹಬ್ಬವನ್ನು ಪ್ರಾರಂಭಿಸಿದೆ. ಫ್ಲಿಪ್ಕಾರ್ಟ್ ತನ್ನ ವಾರ್ಷಿಕ 'ಬಿಗ್ ಬಿಲಿಯನ್ ಡೇಸ್' ಮಾರಾಟದ ದಿನಾಂಕಗಳನ್ನು ಈಗಾಗಲೇ ಪ್ರಕಟಿಸಿದೆ. ಫ್ಲಿಪ್ಕಾರ್ಟ್ ಬಿಗ್ ಬಿಲಿಯನ್ ಡೇಸ್ ಮಾರಾಟವೂ ಸೆಪ್ಟೆಂಬರ್ 27 ರಿಂದ ಪ್ರಾರಂಭವಾಗಲಿದೆ. ಫ್ಲಿಪ್ಕಾರ್ಟ್ ಪ್ಲಸ್ ಸದಸ್ಯರಿಗೆ ಒಂದು ದಿನ ಮುಂಚಿತವಾಗಿ ಅಂದರೆ ಈ ತಿಂಗಳ 26 ರಿಂದ ಸೇಲ್ ಲಭ್ಯವಾಗಲಿದೆ ಎಂದು ಹೇಳಲಾಗಿದೆ. ಇದರೊಂದಿಗೆ ಗ್ರಾಹಕರು ಈ ಬಾರಿಯ ಮಾರಾಟದಲ್ಲಿ ಭಾರಿ ರಿಯಾಯಿತಿ ಮತ್ತು ಉತ್ತಮ ಕೊಡುಗೆಗಳನ್ನು ಪಡೆಯಲಿದ್ದಾರೆ.