ಹೈದರಾಬಾದ್: ರಾಮೋಜಿ ರಾವ್ ಅವರ ದೂರದೃಷ್ಟಿಯಿಂದ ಅರಳಿದ, ಕಲ್ಪನೆಗೂ ಮೀರಿದ ಅದ್ಭುತವೊಂದು ಹೈದರಾಬಾದ್ನ ಹೃದಯಭಾಗದಲ್ಲಿದೆ. ಅದೇ ರಾಮೋಜಿ ಫಿಲ್ಮ್ ಸಿಟಿ. ಈ ವಿಸ್ತೀರ್ಣವಾದ ಸಂಕೀರ್ಣವು ಸೃಜನಶೀಲತೆ, ನಾವೀನ್ಯತೆ ಮತ್ತು ಅಪ್ರತಿಮ ಭವ್ಯತೆಗೆ ಸಾಕ್ಷಿಯಾಗಿದೆ.
ಸಿನಿಮಾ ಇತಿಹಾಸದಲ್ಲೇ ರಾಮೋಜಿ ಫಿಲ್ಮ್ ಸಿಟಿ, ವಿಶ್ವದ ಅತಿದೊಡ್ಡ ಸಿನಿಮಾ ನಗರಿಯಾಗಿ ತನ್ನ ಹೆಸರನ್ನು ಅಚ್ಚು ಮೂಡಿಸುವಲ್ಲಿ ರಾಮೋಜಿ ರಾವ್ ಅವರ ಸಾಧನೆ ಮಹತ್ತರವಾಗಿದೆ. ದೂರದೃಷ್ಟಿಯ ಉದ್ಯಮಿ ರಾಮೋಜಿ ರಾವ್ ನೇತೃತ್ವದಲ್ಲಿ, ಈ ವಿಸ್ತಾರವಾದ ಸಂಕೀರ್ಣವು ಚಲನಚಿತ್ರ ನಿರ್ಮಾಣದ ಆಯಾಮವನ್ನೇ ಮರುವ್ಯಾಖ್ಯಾನಿಸಿದೆ. ಶ್ರೇಷ್ಠತೆ ಮತ್ತು ನಾವೀನ್ಯತೆಯ ಹೊಸ ಮಾನದಂಡಗಳನ್ನು ಸಿನಿಮಾ ಕ್ಷೇತ್ರಕ್ಕೆ ನೀಡಿದೆ ಎಂದರೂ ತಪ್ಪಾಗಲಾರದು.
ರಾಮೋಜಿ ರಾವ್ (ETV Bharat) ಬೆಟ್ಟಗಳು, ದಿಬ್ಬಗಳು, ಬಂಡೆಗಳು ಮತ್ತು ಬಂಜರು ಭೂಮಿಗೆ ಅದ್ಭುತ ಸಿನಿಮಾಟಿಕ್ ಟಚ್ ನೀಡಲಾಗಿದೆ. ಅಲ್ಲಿನ ಪ್ರತಿಯೊಂದು ಮೂಲೆಯೂ ಕಥೆಯನ್ನು ಹೇಳುತ್ತದೆ. ಒಂದು ಕಾಲದಲ್ಲಿ ಕೃಷಿಕರಾಗಿದ್ದ ರಾಮೋಜಿ ರಾವ್ ಅವರು ಚಲನಚಿತ್ರ ನಿರ್ಮಾಪಕರಿಗೆ ಮತ್ತು ಪ್ರವಾಸಿಗರಿಗೆ ಸ್ವರ್ಗವನ್ನೇ ಸೃಷ್ಟಿಸಲು ಸಂಕಲ್ಪ ತೊಟ್ಟು, ಕನಸಿನಬೀಜ ಬಿತ್ತಿದರು. ಅದರ ಫಲವಾಗಿಯೇ ಇಂದು ರಾಮೋಜಿ ಫಿಲ್ಮ್ ಸಿಟಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಒಂದು ವಿಸ್ಮಯವಾಗಿ ಬೆಳೆದು, ವಿಶ್ವದ ಅತಿದೊಡ್ಡ ಸಿನಿಮಾ ನಗರಿಯಾಗಿ ಗಿನ್ನೆಸ್ ವಿಶ್ವ ದಾಖಲೆಯಲ್ಲಿ ಸ್ಥಾನ ಪಡೆದಿದೆ.
ಈ ವಿಸ್ಮಯ ನಗರಿಯೊಳಗೆ ಕಾಲಿಟ್ಟಿರೆಂದರೆ, ನೀವು ಸಿನಿಮಾ ಪ್ರಪಂಚದೊಳಗೆ ಕಾಲಿಟ್ಟಂತೆ. ಸಿನಿಮೀಯ ಅದ್ಭುತಗಳು ನಿಮ್ಮನ್ನು ಮಂತ್ರಮುಗ್ಧವಾಗಿಸುತ್ತವೆ. ಎರಡು ಸಾವಿರ ಎಕರೆಗೂ ಹೆಚ್ಚು ವಿಸ್ತಾರವಾದ ಪ್ರದೇಶವು ಸುಂದರವಾಗಿ ಭೂಪ್ರದೇಶದಿಂದ ಕೂಡಿದೆ. ಅತ್ಯಾಧುನಿಕ ಸೌಲಭ್ಯಗಳು ಮತ್ತು ಅಸಂಖ್ಯಾತ ಹಿನ್ನೆಲೆಗಳೊಂದಿಗೆ, ರಾಮೋಜಿ ಫಿಲ್ಮ್ ಸಿಟಿ ಭಾಷೆ ಅಥವಾ ಪ್ರಕಾರವನ್ನು ಲೆಕ್ಕಿಸದೆ ಪ್ರತಿಯೊಬ್ಬ ಚಲನಚಿತ್ರ ನಿರ್ಮಾಪಕರ ದೃಷ್ಟಿಯನ್ನು ಪೂರೈಸುತ್ತದೆ.
ಬಂಜರು ಭೂಮಿಯಿಂದ ರಾಮೋಜಿ ಫಿಲ್ಮ್ ಸಿಟಿ ಎಂಬ ಸೃಜನಶೀಲತೆಯ ಮಹಾನಗರವಾಗಿ ಹೊರಹೊಮ್ಮಿದೆ. ಚಲನಚಿತ್ರ ನಿರ್ಮಾಪಕರು ತಮ್ಮ ಸಿನಿಮೀಯ ದೃಷ್ಟಿಕೋನಗಳಿಗೆ ಜೀವ ತುಂಬಲು ಬೇಕಾಗುವಂತಹ ಎಲ್ಲಾ ಆಯ್ಕೆಗಳನ್ನು ಈ ಫಿಲ್ಮ್ ಸಿಟಿ ನೀಡುತ್ತದೆ. ಎರಡು ಸಾವಿರ ಎಕರೆಗಳಷ್ಟು ವಿಶಾಲವಾದ ವಿಸ್ತಾರ ಹೊಂದಿರುವ ಈ ಫಿಲ್ಮ್ ಸಿಟಿ, ಬೆಟ್ಟಗಳು ಮತ್ತು ದಿಬ್ಬಗಳಿಂದ ಹಿಡಿದು ವಿನ್ಯಾಸಗೊಳಿಸಲಾದ ಸ್ಟುಡಿಯೋ ಆವರಣದವರೆಗೆ ವೈವಿಧ್ಯಮಯ ಸೆಟ್ಟಿಂಗ್‌ಗಳನ್ನು ಹೊಂದಿದೆ. ನಿರ್ಮಾಪಕ, ನಿರ್ದೇಶಕ ಎಂತಹದೇ ರೀತಿಯ ಕಥೆಗಳನ್ನು ಹಿಡಿದು ಇಲ್ಲಿ ಬಂದರೂ, ಕಥೆಗೆ ಪರಿಪೂರ್ಣ ಹಿನ್ನೆಲೆಯನ್ನು ಈ ಫಿಲ್ಮ್ ಸಿಟಿ ಒದಗಿಸುತ್ತದೆ.
ವಿಮಾನ ನಿಲ್ದಾಣದ ದೃಶ್ಯ ಬೇಕೇ? ಆಸ್ಪತ್ರೆಯ ಸೆಟ್ಟಿಂಗ್? ದೇವಸ್ಥಾನದ ಹಿನ್ನೆಲೆ? ನಿಮ್ಮ ಸಿನಿಮಾ ಕನಸುಗಳಿಗೆ ಜೀವ ತುಂಬಲು ರಾಮೋಜಿ ಫಿಲ್ಮ್ ಸಿಟಿ ಕೇವಲ ಒಂದು ಅಥವಾ ಎರಡು ಅಲ್ಲ.. ನೂರಾರು ಸ್ಥಳಗಳನ್ನು ಒಂದೇ ಜಾಗದಲ್ಲಿ ಒದಗಿಸುತ್ತದೆ. ಅತ್ಯಾಧುನಿಕ ಬೆಳಕಿನ ವ್ಯವಸ್ಥೆಗಳು, ಅಂತಾರಾಷ್ಟ್ರೀಯ ಮಟ್ಟದ ಕ್ಯಾಮೆರಾಗಳು ಮತ್ತು ಮೀಸಲಾದ ಅರ್ಥ್ ಸ್ಟೇಷನ್ ಸೇರಿದಂತೆ ಅತ್ಯಾಧುನಿಕ ಸೌಲಭ್ಯಗಳನ್ನು ಹೊಂದಿರುವ ನಗರವು ಚಲನಚಿತ್ರ ನಿರ್ಮಾಪಕರಿಗೆ ಅವರ ಕಲ್ಪನೆಯನ್ನು ಹೊರಹಾಕಲು ಸಾಟಿಯಿಲ್ಲದ ಸಂಪನ್ಮೂಲಗಳನ್ನು ನೀಡುತ್ತದೆ. ಎಲ್ಲವನ್ನೂ ಒಟ್ಟಿಗೆ ಒಂದೇ ಸ್ಥಳದಲ್ಲಿ ನೀಡುವುದು ಅತಿಶಯೋಕ್ತಿಯಲ್ಲ. ರಾಮೋಜಿ ರಾವ್ ಅವರು ಫಿಲ್ಮ್‌ಸಿಟಿಯನ್ನು ಆತ್ಮ ವಿಶ್ವಾಸದ ಶಕ್ತಿಯಾಗಿ ರೂಪಿಸಿದ್ದಾರೆ. ತೆಲುಗು, ಹಿಂದಿ, ಬೆಂಗಾಲಿ, ಒಡಿಯಾ, ಮಲಯಾಳಂ, ತಮಿಳು, ಕನ್ನಡ, ಮರಾಠಿ, ಅಸ್ಸಾಮಿ, ಬಾಂಗ್ಲಾ, ಇಂಗ್ಲಿಷ್ ಮುಂತಾದ ವಿವಿಧ ಭಾಷೆಗಳ ಸಾವಿರಾರು ಚಿತ್ರಗಳು ನಿರ್ಮಾಣವಾಗಿರುವ ಈ ಫಿಲ್ಮ್ ಸಿಟಿಯ ಬಗ್ಗೆ ಯಾವುದೇ ಸಿನಿಪ್ರಿಯರನ್ನು ಕೇಳಿ ಮತ್ತು ಅವರು ಒಂದೇ ಮಾತನ್ನು ಹೇಳುತ್ತಾರೆ. 'ರಾಮೋಜಿ ಫಿಲ್ಮ್ ಸಿಟಿಯಲ್ಲಿ ಸೌಲಭ್ಯಗಳ ಕೊರತೆ ಇಲ್ಲ' ಎನ್ನುತ್ತಾರೆ. ಇದು ಅಕ್ಷರಶಃ ಸತ್ಯ.
ರಾಮೋಜಿ ಫಿಲ್ಮ್ ಸಿಟಿ ಕೇವಲ ಚಲನಚಿತ್ರ ನಿರ್ಮಾಪಕರಿಗೆ ಮಾತ್ರವಲ್ಲ, ಇದು ಗ್ರ್ಯಾಂಡ್ ಆಚರಣೆಗಳು ಮತ್ತು ಕಾರ್ಪೊರೇಟ್ ಕಾರ್ಯಕ್ರಮಗಳಿಗೂ ಒಂದು ಉತ್ತಮ ತಾಣವಾಗಿದೆ. 20 ರಿಂದ 2 ಸಾವಿರ ಜನರಿಗೆ ಅವಕಾಶ ಕಲ್ಪಿಸುವ ಸಭಾಂಗಣಗಳು, ಜೊತೆಗೆ ಐಷಾರಾಮಿ ವಸತಿ ಮತ್ತು ವಿಶ್ವದರ್ಜೆಯ ಸೌಕರ್ಯಗಳೊಂದಿಗೆ ಮರೆಯಲಾಗದ ಅನುಭವಗಳನ್ನು ಇದು ನೀಡುತ್ತದೆ. ಇದರ ವಿಸ್ತಾರವಾದ ಮೀಟಿಂಗ್ ಹಾಲ್‌ಗಳು, ಐಷಾರಾಮಿ ವಸತಿಗಳು ಮತ್ತು ವಿಶ್ವ ದರ್ಜೆಯ ಸೌಕರ್ಯಗಳು ಯಾವುದೇ ಸಂದರ್ಭಕ್ಕೂ ಸೂಕ್ತ ಸ್ಥಳವಾಗಿದೆ.
ಬಹುಶಃ ರಾಮೋಜಿ ಫಿಲ್ಮ್ ಸಿಟಿಯ ಅತ್ಯಂತ ಮೋಡಿಮಾಡುವ ಅಂಶವೆಂದರೆ ಪ್ರವಾಸಿಗರನ್ನು ಅದ್ಭುತ ಮತ್ತು ಆನಂದದ ಜಗತ್ತಿನಲ್ಲಿ ಸಾಗಿಸುವ ಸಾಮರ್ಥ್ಯ. ಮಕ್ಕಳಿಗಾಗಿ ಮೋಜಿನ ಕೇಂದ್ರಗಳಿಂದ ಹಿಡಿದು ವಯಸ್ಕರವರೆಗೆ ಅದ್ಭುತ ಅನುಭವ ನೀಡುವ ಸೌಲಭ್ಯ ಇಲ್ಲಿದೆ. ರಾಮೋಜಿ ಫಿಲ್ಮ್ ಸಿಟಿಯಲ್ಲಿ, ಕನಸುಗಳು ನಿಜವಾಗುತ್ತವೆ ಮತ್ತು ಕಲ್ಪನೆಗೆ ಯಾವುದೇ ಮಿತಿಯಿಲ್ಲ. ಇದು ಕೇವಲ ಸಿನಿಮಾ ನಗರಿಯಲ್ಲ; ಎಲ್ಲವನ್ನೂ ಸಾಧ್ಯವಾಗಿಸುವೆಡೆಗೆ ಗೇಟ್‌ವೇ. ಇದು ದೃಷ್ಟಿಕೋನ, ನಾವೀನ್ಯತೆ ಮತ್ತು ಶ್ರೇಷ್ಠತೆಯ ನಿರಂತರ ಅನ್ವೇಷಣೆಯ ಶಕ್ತಿಗೆ ಸಾಕ್ಷಿಯಾಗಿದೆ. ಇದು ಚಲನಚಿತ್ರ ನಿರ್ಮಾಪಕರು, ಸಾಹಸಿಗಳು ಮತ್ತು ಕನಸುಗಾರರಿಗೆ ಅಂತಿಮ ತಾಣವಾಗಿದೆ.
ಇದನ್ನೂ ಓದಿ: ಮಾಧ್ಯಮ ಕ್ಷೇತ್ರದ ಬೆಳವಣಿಗೆಗೆ ಸರ್ವಸ್ವ ಅರ್ಪಿಸಿದ್ದ ರಾಮೋಜಿ ರಾವ್: ಯುವ ಪೀಳಿಗೆಗೆ ಸ್ಫೂರ್ತಿಯ ಸಾಧಕ - Ramoji Rao
