ಕರ್ನೂಲ್, ಆಂಧ್ರಪ್ರದೇಶ: ಅಲ್ಲಿ ಒಂದು ಕಿಲೋ ಈರುಳ್ಳಿ ಕೇವಲ 15 ರೂ. ಆದರೆ ರಾಜ್ಯ, ದೇಶಾದ್ಯಂತ ಕೆಜಿ ಈರುಳ್ಳಿಗೆ 60 ರೂ.ಇದೆ. ಅದೇನಪ್ಪಾ ಇಲ್ಲಿ ಕೇವಲ ರೂ.15 ಕೊಡುತ್ತಿದ್ದಾರೆ ಎಂದು ಆಶ್ಚರ್ಯ ಪಡುತ್ತೀರಾ? ಈ ದರ ಪಕ್ಕದ ರಾಜ್ಯ ಆಂಧ್ರಪ್ರದೇಶದ ಕರ್ನೂಲ್ ಜಿಲ್ಲೆಯಲ್ಲಿದೆ. ನೀವು ಹೇಗೆ ಹೇಳುತ್ತೀರಿ ಇಷ್ಟೊಂದು ಕಡುಮೆ ಬೆಲೆ ಇದೆ ಎಂದು?. ಕರ್ನೂಲು ಕೃಷಿ ಮಾರುಕಟ್ಟೆಯಲ್ಲಿ ಕ್ವಿಂಟಲ್ ಈರುಳ್ಳಿಗೆ 1000 ರಿಂದ 1500 ರೂ. ಅಂದರೆ ಕೆಜಿಗೆ 15 ರೂ.ಗೆ ಖರೀದಿ ಆಗುತ್ತಿದೆ. ಈಗ ಇದು ಅಲ್ಲಿ ದೊಡ್ಡ ಸಮಸ್ಯೆಯಾಗಿ ಪರಿಣಮಿಸಿದೆ. ಕರ್ನೂಲ್ ಜಿಲ್ಲೆಯ ಈರುಳ್ಳಿ ಬೆಳೆಗಾರರು ಇದರಿಂದಾಗಿ ಕಂಗಾಲಾಗಿದ್ದಾರೆ. ಬೆಳೆದ ಬೆಳೆಗೆ ಕನಿಷ್ಠ ಬೆಂಬಲ ಬೆಲೆಯೂ ಸಿಗದೆ ಕೈ ಕೈ ಹಿಚುಕಿಕೊಳ್ಳುತ್ತಿದ್ದಾರೆ.
ಈರುಳ್ಳಿ ಸರಿಯಾಗಿ ನಿರ್ವಹಣೆ ಮಾಡದಿದ್ದರೆ ಬೇಗ ಕೊಳೆಯುತ್ತೆ: ಈರುಳ್ಳಿ ಸಾಮಾನ್ಯವಾಗಿ ಬೇಗ ಕೊಳೆಯುತ್ತದೆ. ಅದಕ್ಕಾಗಿಯೇ ಕಾಲಕಾಲಕ್ಕೆ ಗ್ರೇಡಿಂಗ್ ಮಾಡಬೇಕಾಗುತ್ತದೆ. ಆಗ ಮಾತ್ರ ವರ್ತಕರು ಖರೀದಿಗೆ ಮುಂದೆ ಬರುತ್ತಾರೆ. ಈ ರೀತಿ ಗ್ರೇಡಿಂಗ್ ಮಾಡಲು ಹೆಚ್ಚುವರಿ ಖರ್ಚು ಮಾಡಬೇಕಾಗುತ್ತದೆ. ನಿತ್ಯ ಈರುಳ್ಳಿ ವ್ಯಾಪಾರ ನಡೆಯದ ಕಾರಣ ಸವಕಳಿ ಹೆಸರಿನಲ್ಲಿ 5 ರಿಂದ 10 ಕ್ವಿಂಟಾಲ್ ಮಾಲನ್ನು ಬಿಸಾಡಬೇಕಾಗಿದೆ ಎಂದು ಈರುಳ್ಳಿ ರೈತರು ಅಳಲು ತೋಡಿಕೊಳ್ಳುತ್ತಿದ್ದಾರೆ.
ರಾಶಿ ರಾಶಿ ಈರುಳ್ಳಿ : ಕರ್ನೂಲು ಕೃಷಿ ಮಾರುಕಟ್ಟೆಯಲ್ಲಿ ಅನಿಯಮಿತ ಖರೀದಿಯಿಂದಾಗಿ ಈರುಳ್ಳಿ ಚೀಲಗಳು ರಾಶಿ ರಾಶಿಯಾಗಿ ಬಿದ್ದಿವೆ. ಕರ್ನೂಲ್‌ನಿಂದ ಕೋಲ್ಕತ್ತಾ, ಕೇರಳ, ಕಟಕ್, ತಮಿಳುನಾಡು, ಗುಜರಾತ್ ಮತ್ತು ಇತರ ಸ್ಥಳಗಳಿಗೆ ಈರುಳ್ಳಿ ರಫ್ತು ಮಾಡಲಾಗುತ್ತದೆ. ಆದರೆ, ವ್ಯಾಪಾರಸ್ಥರು ಖರೀದಿಸಿದ ಮಾಲನ್ನು ಮಾರುಕಟ್ಟೆಯಿಂದ ಹೊರಗೆ ತರಲು ತಡವಾಗುತ್ತಿದೆ. ಲಾರಿ ಸಿಗದ ಕಾರಣ ಲೋಡಿಂಗ್ ಕೂಡ ಸಮಸ್ಯೆಯಾಗುತ್ತದೆ. ಸುಮಾರು ಆರು ಸಾವಿರ ಟನ್ ಸರಕು ಇಲ್ಲಿನ ಮಾರುಕಟ್ಟೆಯಲ್ಲಿ ಸಂಗ್ರಹವಾಗಿದೆ.
ದಲ್ಲಾಳಿಗಳ ಕಿರುಕುಳ: ಕರ್ನೂಲು ಈರುಳ್ಳಿ ಮಾರುಕಟ್ಟೆಯಲ್ಲಿ ಖರೀದಿ ಸಮಸ್ಯೆ ಒಂದೆಡೆಯಾದರೆ, ದಲ್ಲಾಳಿಗಳ ಸಮಸ್ಯೆ ಮತ್ತೊಂದೆಡೆ ಹೆಚ್ಚಾಗುತ್ತಿದೆ. ದಲ್ಲಾಳಿಗಳು ರೈತರಿಂದ ಕಡಿಮೆ ಬೆಲೆಗೆ ಈರುಳ್ಳಿ ಖರೀದಿಸಿ ಮಾರುಕಟ್ಟೆಯಲ್ಲಿ ವ್ಯಾಪಾರ ಮಾಡಿ ಹೆಚ್ಚಿನ ಬೆಲೆಗೆ ಮಾರಾಟ ಮಾಡುತ್ತಾರೆ. ದಲ್ಲಾಳಿಗಳು ಮಾರುಕಟ್ಟೆಗೆ ಬರದಂತೆ ತಡೆಯಬೇಕಾದ ಅಧಿಕಾರಿಗಳು ಈ ಬ್ಗಗೆ ಮಾತ್ರ ತುಟಿ ಬಿಚ್ಚುತ್ತಿಲ್ಲ ಎನ್ನುತ್ತಿದ್ದಾರೆ ರೈತರು, ಬೆಳೆಗಾರರು.
ಕೆ.ಜಿ.ಗೆ ಈರುಳ್ಳಿ ಬೆಲೆ ರೂ.15 : ಕರ್ನೂಲು ಕೃಷಿ ಮಾರುಕಟ್ಟೆಯಲ್ಲಿ ಈನಾಮ್ ಪದ್ಧತಿಯಲ್ಲಿ ಬೆಳೆ ಖರೀದಿಸಲಾಗುತ್ತದೆ. ಸರ್ವರ್ ಕೆಲಸ ಮಾಡದ ಕಾರಣ ಎರಡು ದಿನಗಳಿಂದ ಟೆಂಡರ್ ಮೂಲಕ ಈರುಳ್ಳಿ ಖರೀದಿಸಲಾಗುತ್ತಿದೆ. ಆದರೆ, ಕೆಲವು ವ್ಯಾಪಾರಿಗಳು ಮತ್ತು ದಲ್ಲಾಳಿಗಳು ಶಾಮೀಲಾಗಿ ರೈತರಿಂದ ಕೆಲವು ಅನಧಿಕೃತ ಖರೀದಿ ಮತ್ತು ಮಾರಾಟ ಮಾಡುತ್ತಿದ್ದಾರೆ ಎಂಬ ಆರೋಪ ಇದೆ. ಮುಕ್ತ ಮಾರುಕಟ್ಟೆಯಲ್ಲಿ ಸರಾಸರಿ ಈರುಳ್ಳಿ ಬೆಲೆ ಕೆಜಿಗೆ 60 ರೂ.ವರೆಗೆ ಇದೆ. ಆದರೆ ಇಲ್ಲಿ ಮಾತ್ರ ಕ್ವಿಂಟಲ್ ಗೆ ರೈತರಿಂದ 1000 ರೂ.ನಿಂದ 1500 ರೂ.ವರೆಗೆ ಖರೀದಿಸಲಾಗುತ್ತಿದೆ. ಅಂದರೆ ಪ್ರತಿ ಕಿಲೋ ಈರುಳ್ಳಿಗೆ ಗರಿಷ್ಠ 15 ರೂ. ಆಗುತ್ತಿದೆ. ಹೀಗಾಗಿ ಈರುಳ್ಳಿ ಬೆಳೆದ ರೈತರು ಕಂಗಾಲಾಗಿದ್ದು, ಏನಪ್ಪ ಗತಿ ಎಂದು ಯೋಚಿಸುತ್ತಿದ್ದಾರೆ.
ಕರ್ನೂಲಿನಲ್ಲಿ ಯಥೇಚ್ಚ ಈರುಳ್ಳಿ ಕೃಷಿ: ಕರ್ನೂಲು ಜಿಲ್ಲೆಯಲ್ಲಿ ಹೆಚ್ಚು ಈರುಳ್ಳಿ ಬೆಳೆಯಲಾಗುತ್ತದೆ. ಖಾರಿಪ್ ಮತ್ತು ರಬಿ ಹಂಗಾಮಿನಲ್ಲಿ 87500 ಎಕರೆ ಪ್ರದೇಶದಲ್ಲಿ ಈರುಳ್ಳಿ ಬೆಳೆಯಲಾಗುತ್ತದೆ. ಇದರಿಂದ ವಾರ್ಷಿಕ ಸರಾಸರಿ 5.25 ಲಕ್ಷ ಟನ್ ಈರುಳ್ಳಿ ಸಿಗುತ್ತದೆ. ಈ ವರ್ಷ ಈರುಳ್ಳಿ ಕೃಷಿ ಕಡಿಮೆಯಾಗಿದೆ, ಕೆನಾಲ್, ಬೋರ್ವೆಲ್, ಬಾವಿಗಳ ನೀರಿನಿಂದ ಈರುಳ್ಳಿ ಕೃಷಿ ಗಣನೀಯವಾಗಿ ಹೆಚ್ಚಾಗಿದೆ. ಅಧಿಕೃತ ಅಂಕಿ- ಅಂಶಗಳ ಪ್ರಕಾರ ಈ ಖಾರಿಫ್ ಹಂಗಾಮಿನಲ್ಲಿ 45 ಸಾವಿರ ಎಕರೆಯಲ್ಲಿ ಈರುಳ್ಳಿ ಬೆಳೆಯಲಾಗಿದೆ.
ಮಹಾರಾಷ್ಟ್ರದಿಂದ ತಗ್ಗಿದ ಆಮದು: ಜುಲೈ ಅಂತ್ಯದಲ್ಲಿ ಮಹಾರಾಷ್ಟ್ರದಲ್ಲಿ ಸುರಿದ ಭಾರಿ ಮಳೆಯಿಂದಾಗಿ ಈರುಳ್ಳಿ ಇಳುವರಿಯಲ್ಲಿ ತೀವ್ರ ಕುಸಿತವಾಗಿದೆ. ಕರ್ನೂಲ್ ಜಿಲ್ಲೆಯಲ್ಲಿ ಈರುಳ್ಳಿ ಬೆಲೆ ಗಗನಕ್ಕೇರಿದೆ. ರೈತರ ಮಾರುಕಟ್ಟೆಯಲ್ಲಿ ಒಂದು ಕಿಲೋ ಈರುಳ್ಳಿ ರೂ.40ರಿಂದ ರೂ.60ಕ್ಕೆ ಮಾರಾಟವಾದರೆ, ಮುಕ್ತ ಮಾರುಕಟ್ಟೆಯಲ್ಲಿ ರೂ.80ರವರೆಗೂ ದೊರೆಯುತ್ತಿದೆ. ಕರ್ನೂಲು ಮಾರುಕಟ್ಟೆಯಲ್ಲಿ ಕ್ವಿಂಟಾಲ್ ಈರುಳ್ಳಿ ಬೆಲೆ ರೂ.4,00-ರಿಂದ ರೂ.4,600 ಇದೆ. ಸರಾಸರಿ 1000 ರೂ.ನಿಂದ 1500 ರೂ.ಗೆ ಈರುಳ್ಳಿ ಖರೀದಿ ಮಾಡಲಾಗುತ್ತಿದೆ.
ಇದನ್ನು ಓದಿ:ಜನನ-ಮರಣ ನೋಂದಣಿಗಾಗಿ ಸಿವಿಲ್ ರಿಜಿಸ್ಟ್ರೇಶನ್ ಸಿಸ್ಟಮ್ ಆ್ಯಪ್ ಬಿಡುಗಡೆಗೊಳಿಸಿದ ಕೇಂದ್ರ
