ಜಗತ್ತಿನಾದ್ಯಂತ ಸಾಮಾಜಿಕ ಜಾಲತಾಣಗಳಾದ ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನೆಟ್ವರ್ಕ್ ಡೌನ್ ಆಗಿದ್ದು, ಬಳಕೆ ವೇಳೆ ವ್ಯತ್ಯಯ ಉಂಟಾಗಿದೆ. ರಾತ್ರಿ ಸುಮಾರು 8.50ರ ಬಳಿಕ ಎಫ್ಬಿ ಮತ್ತು ಇನ್ಸ್ಟಾ ಸೇವೆ ಸ್ಥಗಿತಗೊಂಡಿದೆ.
ಮೆಟಾದ ಸಾಮಾಜಿಕ ಜಾಲತಾಣಗಳಲ್ಲಿ ಡೌನ್ ಟೈಮ್ ಉಂಟಾಗಿರುವುದು ಬಳಕೆದಾರರ ಎಫ್ಬಿ ಮತ್ತು ಇನ್ಸ್ಟಾ ಸ್ವಯಂ ಲಾಗ್ಔಟ್ ಆಗಿದೆ. ಈ ಸಮಸ್ಯೆ ಆ್ಯಪ್ ಮತ್ತು ವೆಬ್ಸೈಟ್ ಎರಡರಲ್ಲೂ ಕಂಡುಬಂದಿದೆ. ಈ ವೇಳೆ ಬಳಕೆದಾರರು ಎರಡೂ ಜಾಲತಾಣಗಳನ್ನು ಉಪಯೋಗಿಸಲು ಪರದಾಡಿದರು. ಡೌನ್ ಟೈಮ್ಗೆ ಕಾರಣ ತಿಳಿದು ಬಂದಿಲ್ಲ.
ಇನ್ನು ಎಫ್ಬಿ ಮತ್ತು ಇನ್ಸ್ಟಾ ಡೌನ್ ಆದ ಬೆನ್ನಲ್ಲೇ ಮಾಲೀಕ ಮಾರ್ಕ್ ಜುಕರಬುರ್ಗ್ ಪೋಸ್ಟ್ ಮಾಡಿ, 'ಕೆಲವೇ ನಿಮಿಷಗಳಲ್ಲಿ ಸಮಸ್ಯೆಗೆ ಪರಿಹಾರ ಸಿಗಲಿದೆ, ಚಿಲ್ ಗೈಯ್ಸ್' ಅಂತಾ ಬರೆದುಕೊಂಡಿದ್ದಾರೆ.
ಬಳಕೆದಾರರು ಎಕ್ಸ್ನಲ್ಲಿ ಎಫ್ಬಿ ಮತ್ತು ಇನ್ಸ್ಟಾ ಡೌನ್ ಆಗಿರುವ ಬಗ್ಗೆ ಪೋಸ್ಟ್ ಮಾಡಿದ್ದಾರೆ. ಇನ್ಸ್ಟಾಗ್ರಾಂ ಮತ್ತು ಎಫ್ಬಿ ಆ್ಯಪ್ ಏಕಾಏಕಿ ಲಾಗೌಟ್ ಆಗಿದೆ ಅಂತಾ ಕೆಲವರು ಪೋಸ್ಟ್ ಮಾಡಿದ್ರೆ, ಇನ್ನು ಕೆಲವರು ಖಾತೆ ರಿಪ್ರೆಸ್ ಆಗುತ್ತಿಲ್ಲ ಎಂದು ದೂರಿದ್ದಾರೆ.
ಇನ್ನು ಕೆಲವರು ಹಾಸ್ಯಾಸ್ಪದವಾಗಿ, ಎಫ್ಬಿ ಮತ್ತು ಇನ್ಸ್ಟಾ ಹ್ಯಾಕ್ ಆಗಿದೆ ಅಂತಾ ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: ಗೂಗಲ್ನಿಂದ ಉಚಿತ AI ಕೋರ್ಸ್‌ಗಳು; ಕಲಿತರೆ ಉದ್ಯೋಗ ಪಡೆಯಲು ಹೆಚ್ಚು ಅನುಕೂಲ
