ನದಿ ನೀರಿನ ಸೆಳೆತದಲ್ಲಿಯೇ ನಡೆದು ದಡ ಸೇರಿದ ವಿದ್ಯಾರ್ಥಿಗಳು: ವಿಡಿಯೋ

ಹಿಮಚ್ಛಾದಿತ ಪ್ರದೇಶದಲ್ಲಿರುವ ಉತ್ತರಾಖಂಡದ ಜನರಿಗೆ ಮಳೆಗಾಲ ಇನ್ನಿಲ್ಲದ ಸಂಕೋಲೆಗಳಿಗೆ ದೂಡುತ್ತದೆ. ಮಳೆಯಿಂದ ಭೋರ್ಗರೆಯುವ ನದಿಗಳ ಮಧ್ಯೆಯೇ ಜನರು ಸಾಗಿ ದಡ ಸೇರಬೇಕಿದೆ. ಕಲಾಧುಂಗಿಯ ಜಿಲ್ಲೆಯ ಧಾಪ್ಲಾ ಎಂಬ ಗ್ರಾಮಸ್ಥರು ನಿಹಾಲ್​ ನದಿ ಹರಿವಿನ ಮಧ್ಯೆಯೇ ನಡೆದು ಊರು ಸೇರಬೇಕಿದೆ. ಶಾಲಾ - ಕಾಲೇಜುಗಳ ಯುವಕರು, ಮಹಿಳೆಯರು ನೀರಿನ ಸೆಳೆತವನ್ನು ಮೀರಿ ದಡ ಸೇರುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ. ಪ್ರಾಣ ಪಣಕ್ಕಿಟ್ಟು ನದಿ ದಾಟಬೇಕಾದ ಜನರ ಸ್ಥಿತಿ ಕಂಡು ಜನರು ಮರುಗಿದ್ದಾರೆ.