ನ್ಯಾಕ್​ ಕಮಿಟಿಯಿಂದ ಕವಿವಿಗೆ ಎ ಗ್ರೇಡ್​.. ಕುಲಸಚಿವರ ಸಖತ್ ಡ್ಯಾನ್ಸ್​

ಧಾರವಾಡದ ಕರ್ನಾಟಕ ವಿಶ್ವ ವಿದ್ಯಾಲಯದ ಕುಲಸಚಿವ ಭರ್ಜರಿ ಡ್ಯಾನ್ಸ್ ಮಾಡಿದ ವಿಡಿಯೋ ಇದೀಗ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ. ಈ ವಿಡಿಯೋದಲ್ಲಿ ಕುಲಸಚಿವ ಯಶಪಾಲ್ ಕ್ಷೀರಸಾಗರ ಅವರು ಸಹ ಅದ್ಭುತ ಸ್ಟೆಪ್​ ಹಾಕುವ ಮೂಲಕ ಡ್ಯಾನ್ಸ್ ಮಾಡಿದ್ದಾರೆ. ನ್ಯಾಕ್ ಕಮಿಟಿಯಿಂದ ವಿವಿಗೆ ಎ ಗ್ರೇಡ್ ಸಿಕ್ಕಿರುವ ಹಿನ್ನೆಲೆಯಲ್ಲಿ ಶನಿವಾರ ಕವಿವಿಯು ಸಂಗೀತ ಕಾರ್ಯಕ್ರಮ ಆಯೋಜಿಸಿತ್ತು. ಕವಿವಿ ಕುಲಪತಿ ಗುಡಸಿ, ಸೇರಿದಂತೆ ಕವಿವಿಯ ಪ್ರೊಫೆಸರ್ ಗಳು, ಶಿಕ್ಷಕೇತರ ಸಿಬ್ಬಂದಿಯೂ ಸಹ ಪಾಲ್ಗೊಂಡಿದ್ದರು. ಈ ವೇಳೆ ಕುಲಸಚಿವ ಯಶಪಾಲ್ ಕ್ಷೀರಸಾಗರ ಜತೆಗೆ ಶಿಕ್ಷಕೇತರ ಸಿಬ್ಬಂದಿ, ವಿದ್ಯಾರ್ಥಿಗಳು ಸಹ ಖುಷಿಯಲ್ಲಿ ಹೆಜ್ಜೆ ಹಾಕಿದ್ದಾರೆ. ಈ ಕಾರ್ಯಕ್ರಮದ ಡ್ಯಾನ್ಸ್ ಸಂಪೂರ್ಣ ವಿಡಿಯೋ ಸೋಸಿಯಲ್ ಮೀಡಿಯಾದಲ್ಲಿ ಭಾರಿ ಸದ್ದು ಮಾಡುತ್ತಿದೆ.‌