ಜೇಮ್ಸ್​ ಚಿತ್ರ ಬಿಡುಗಡೆ ಹಿನ್ನೆಲೆ: ಥೀಯೇಟರ್​ಗಳಿಗೆ ಮದುವಣಗಿತ್ತಿಯಂತೆ ಶೃಂಗಾರ

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅಭಿನಯದ ಬಹುನಿರೀಕ್ಷಿತ ಕೊನೆಯ ಸಿನಿಮಾ ಇಂದು ಬಿಡುಗಡೆಯಾಗಿದ್ದು, ಥಿಯೇಟರ್ ಕಾಣದಷ್ಟು ಮುಂಭಾಗದಲ್ಲಿ ಕಟೌಟ್​ಗಳು ಫ್ಲೆಕ್ಸ್​ಗಳು ರಾಜಾಜಿಸುತ್ತಿದ್ದವು. ಕಟೌಟ್​ಗಳಿಗೆ ನಿಂಬೆ ಹಣ್ಣಿನ ಹಾರ, ಹೂವಿನ ಹಾರ ಮಂಗಳಾರತಿ ಮಾಡಿ, ಅಭಿಮಾನಿಗಳು ಪಟಾಕಿ ಹೊಡೆದು ಸಂಭ್ರಮಾಚಾರಣೆ ಮಾಡಿದ್ದಾರೆ. ಎಲ್ಲ ಥಿಯೇಟರ್​ಗಳನ್ನೂ ಅಭಿಮಾನಿಗಳು ಸೇರಿ ಮದುವಣಗಿತ್ತಿಯಂತೆ ಶೃಂಗಾರಗೊಳಿಸಿ ಅಪ್ಪು ಕೊನೆಯ ಸಿನಿಮಾವನ್ನು ಸಂಭ್ರಮಿಸಿದ್ದಾರೆ. ರಾಜ್ಯ ಅಲ್ಲದೇ ಹೊರ ರಾಜ್ಯ, ಸಾಗರದಾಚೆಗೂ ಸಿನಿಮಾ ಸದ್ದು ಮಾಡುತ್ತಿದ್ದು, ಚಿತ್ರದುರ್ಗದ ಆರು ಚಿತ್ರಮಂದಿರಗಳಲ್ಲಿ ಬಿಡುಗಡೆಗೊಂಡಿದ್ದು ಇದೇ ಮೊದಲ ಬಾರಿ.