ಯೋಗೇಶ್​ ಗೌಡ ಹತ್ಯೆ ಪ್ರಕರಣ: ವಿಜಯ್​​ ಕುಲಕರ್ಣಿಗೆ 2ನೇ ದಿನವೂ ಸಿಬಿಐ ಡ್ರಿಲ್​!

ಧಾರವಾಡ: ಯೋಗೇಶ್​ ಗೌಡ ಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಇಂದು ಸಹ ಸಿಬಿಐ ವಿಚಾರಣೆ ಮುಂದುವರಿಸಿದೆ. ಮಾಜಿ ಸಚಿವ ವಿನಯ್​ ಕುಲಕರ್ಣಿ ಸಹೋದರ ವಿಜಯ್​ ಕುಲಕರ್ಣಿ ವಿಚಾರಣೆಯನ್ನು ಸಿಬಿಐ ತಂಡ ನಡೆಸುತ್ತಿದೆ. ಈಗಾಗಲೇ ಧಾರವಾಡ ಉಪನಗರ ಠಾಣೆಗೆ ಸಿಬಿಐ ವಿಚಾರಣೆಗೆ ವಿಜಯ್​ ಕುಲಕರ್ಣಿ ಹಾಗೂ ವಿನಯ್​ ಕುಲಕರ್ಣಿ ಮಾವ ಚಂದ್ರಶೇಖರ ಇಂಡಿ ಸಹ ವಿಚಾರಣೆಗೆ ಆಗಮಿಸಿದ್ದಾರೆ. ವಿಜಯ್​ ಮತ್ತು ಚಂದ್ರಶೇಖರ ಒಂದೇ ವಾಹನದಲ್ಲಿ ವಿಚಾರಣೆಗೆ ಆಗಮಿಸಿದ್ದಾರೆ. ನಿನ್ನೆ ಕೂಡ ಇಡೀ ದಿನ ವಿಜಯ್​ ಮತ್ತು ಚಂದ್ರಶೇಖರ ಸಿಬಿಐ ವಿಚಾರಣೆ ಎದುರಿಸಿದ್ದರು. ಉಪನಗರ ಪೊಲೀಸ್ ಠಾಣೆಗೆ ಸಿಬಿಐ ಅಧಿಕಾರಿಗಳು ಸಹ ಆಗಮಿಸಿದ್ದು, ವಿಚಾರಣೆ ನಡೆಸಲಿದ್ದಾರೆ. ಇಂದು ಇನ್ನಷ್ಟು‌ ಜನರನ್ನು ಕರೆಯಿಸಿ ವಿಚಾರಣೆ ನಡೆಸುವ ಸಾಧ್ಯತೆಗಳು ದಟ್ಟವಾಗಿವೆ.