ಉಪಚುನಾವಣೆಗೆ ತಡೆ: ಸುಪ್ರೀಂ ತೀರ್ಪು ಸ್ವಾಗತಿಸಿದ ಬಿ.ಸಿ. ಪಾಟೀಲ್​

ಸುಪ್ರೀಂಕೋರ್ಟ್​ ಉಪಚುನಾವಣೆಗೆ ತಡೆ ನೀಡಿರೋದು ಸ್ವಾಗತಾರ್ಹ ಎಂದು ಅನರ್ಹ ಶಾಸಕ ಬಿ.ಸಿ.ಪಾಟೀಲ್​ ಹಾವೇರಿ ಜಿಲ್ಲೆಯ ಹಿರೇಕೆರೂರ ಪಟ್ಟಣದ ತಮ್ಮ ನಿವಾಸದಲ್ಲಿ ಹೇಳಿಕೆ ನೀಡಿದ್ದಾರೆ. ಸ್ಪೀಕರ್ ನಿರ್ಧಾರದ ವಿರುದ್ಧ ಕೋರ್ಟ್​ಗೆ ಹೋಗಿದ್ದು, ನಾವು ತಡೆಯಾಜ್ಞೆ ಕೋರಿದ್ದೆವು. ಇದೀಗ ಚುನಾವಣಾ ಆಯೋಗದ ನಿರ್ಧಾರಕ್ಕೆ ಸುಪ್ರೀಂ ತಡೆ ನೀಡಿದೆ. ಅನರ್ಹತೆ ಕುರಿತು ತೀರ್ಪು ಬರದೇ ಚುನಾವಣೆ ಆಗಿದ್ದರೆ, ಇಬ್ಬರು ಶಾಸಕರಾಗುವ ಸಂಭವವಿತ್ತು. ಹೀಗಾಗಿ ಸುಪ್ರೀಂ ತೀರ್ಪು ಸ್ವಾಗತಾರ್ಹ ಎಂದು ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದರು.