ವೃದ್ಧಾಪ್ಯ, ವಿಧವಾ ವೇತನ ಸಿಗದೇ ಕಂಗಾಲು: ಕಂದಾಯ ಇಲಾಖೆ ಕದ ತಟ್ಟಿದ ಫಲಾನುಭವಿಗಳು

ಬೆಂಗಳೂರು: ಮನೆ ಬಾಗಿಲಿಗೆ ಬರುತ್ತಿದ್ದ ವೃದ್ಧಾಪ್ಯ ಹಾಗೂ ವಿಧವಾ ವೇತನ ಲಾಕ್​​​​ಡೌನ್​​​ನಿಂದ ನಿಂತು ಹೋಗಿದೆ. ಇದರಿಂದಾಗಿ ಕಳೆದ ಐದು ತಿಂಗಳಿಂದ ಫಲಾನುಭವಿಗಳು ಪರದಾಡುತ್ತಿದ್ದಾರೆ‌. ಕೊರೊನಾ ಭೀತಿಯನ್ನು ಲೆಕ್ಕಿಸದೇ ಬಡ ಜನರು, ಕಂದಾಯ ಇಲಾಖೆಯ ಮುಂದೆ ಅರ್ಜಿ ಹಿಡಿದು ಮುಗಿಬಿದ್ದಿದ್ದಾರೆ. ಅನಾರೋಗ್ಯದಲ್ಲಿರುವ ಹಿರಿಯರು ಸಾಲಿನಲ್ಲಿ ನಿಂತು ಕಾದರೂ ಸಹ ಅವರ ಕೈಗೆ ಹಣ ಮಾತ್ರ ಇನ್ನು ಸಿಕ್ಕಿಲ್ಲ.