ಹಾನಗಲ್​​ನಲ್ಲಿ ಗಜಪಡೆ ದಾಳಿಗೆ ನೆಲಕಚ್ಚಿದ ಬೆಳೆ... ಎದ್ದುಬಿದ್ದು ಆನೆಗಳನ್ನು ಓಡಿಸಲು ಯತ್ನಿಸಿದ ಜನ!

ಹಾವೇರಿ: ಜಿಲ್ಲೆಯ ಹಾನಗಲ್ ತಾಲೂಕಿನ ಹಲವು ಗ್ರಾಮಗಳ ರೈತರಿಗೆ ಇದೀಗ ಆನೆಗಳ ಕಾಟ ಶುರುವಾಗಿದ್ದು, ತಾಲೂಕಿನ ತಿಳುವಳ್ಳಿ, ಕಾಮನಹಳ್ಳಿ, ಕರೇಕ್ಯಾತನಹಳ್ಳಿ, ಮಕರವಳ್ಳಿ, ಹೊಂಕಣ ಮತ್ತು ಶಿವಪುರ ಗ್ರಾಮಗಳ ರೈತರ ಬೆಳೆಗಳಿಗೆ ಹಿಂಡು-ಹಿಂಡಾಗಿ ಆನೆಗಳು ದಾಳಿ ಮಾಡುತ್ತಿವೆ. ಈ ಹಿನ್ನೆಲೆಯಲ್ಲಿ ಭತ್ತ, ಮೆಕ್ಕೆಜೋಳ, ಬಾಳೆ ಸೇರಿದಂತೆ ವಿವಿಧ ಬೆಳೆಗಳು ನೆಲಕಚ್ಚಿವೆ. ಕಂಗಾಲಾಗಿರುವ ರೈತರು ಅರಣ್ಯಾಧಿಕಾರಿಗಳ ಜೊತೆ ಸೇರಿ ಅವುಗಳನ್ನು ಓಡಿಸಲು ಸರ್ವ ಪ್ರಯತ್ನ ಮಾಡುತ್ತಿದ್ದಾರೆ.