ಹಾಸನದಲ್ಲಿ ಉತ್ತಮ‌ ಮಳೆ: ಕೃಷಿಯತ್ತ ಹೆಚ್ಚಿದ ಒಲವು

ಹಾಸನ: ಜಿಲ್ಲೆಯಲ್ಲಿ ಉತ್ತಮ‌ ಮಳೆಯಾಗಿರುವುದರಿಂದ ಕೃಷಿಯತ್ತ ರೈತರು ಹೆಚ್ಚು ಒಲವು ತೋರಿದ್ದಾರೆ. ಹಾಗಾಗಿ ಜಿಲ್ಲೆಯಲ್ಲಿ ವಾರ್ಷಿಕ ಮುಂಗಾರಿಗೆ ಇಲಾಖೆಯು 2,32,000 ಹೆಕ್ಟೇರ್ ಗುರಿ ಹೊಂದಿದ್ದು, ಈ ಬಾರಿ 2,26,000 ಹೆಕ್ಟೇರ್ ಬಿತ್ತನೆಯಾಗಿದೆ. ಶೇ. 97ರಷ್ಟು ಬಿತ್ತನೆಯಾಗಿದೆ. ಅದರಲ್ಲೂ ಮೆಕ್ಕೆಜೋಳ 78 ಸಾವಿರ ಹೆಕ್ಟೇರ್ ಗುರಿ ಹೊಂದಿದ್ದು, ಈ ಬಾರಿ 96 ಸಾವಿರ ಹೆಕ್ಟೇರ್ ‌ಬಿತ್ತನೆಯಾಗಿದೆ. 62 ಸಾವಿರ ಹೆಕ್ಟೇರ್ ರಾಗಿ ಬೆಳೆ ಗುರಿ ಹೊಂದಿದ್ದು, ಈ ಬಾರಿ 56 ಸಾವಿರ ಹೆಕ್ಟೇರ್ ಬಿತ್ತನೆಯಾಗಿದೆ. ಆದರೆ ಹೆಚ್ಚಿನ ಮಳೆಯಿಂದ 5 ತಾಲೂಕುಗಳಲ್ಲಿ 4,460 ಹೆಕ್ಟೇರ್ ಬೆಳೆ ನಷ್ಟ ಸಂಭವಿಸಿದೆ ಎಂದು ಜಂಟಿ ಕೃಷಿ ನಿರ್ದೇಶಕ ರವಿ, ಈಟಿವಿ ಭಾರತಕ್ಕೆ ತಿಳಿಸಿದ್ದಾರೆ. ಜಿಲ್ಲೆಯಲ್ಲಿ ಹೆಚ್ಚಿನ ಯೂರಿಯಾ ರಸಗೊಬ್ಬರ ಬಳಸುತ್ತಿರುವುದರಿಂದ ಬೇಡಿಕೆ ಹೆಚ್ಚಿದ್ದು, 34.500 ಟನ್ ಅಂದಾಜು ಬೇಡಿಕೆಗಿಂತ 2500 ಟನ್ ಹೆಚ್ಚಿಗೆ ಗೋಬ್ಬರ ಪೂರೈಕೆಯಾಗಿದೆ. ಮುಸುಕಿನ ಜೋಳ ಹಾಗೂ ರಾಗಿ ಬೆಳೆಗಳು ಇರುವುದರಿಂದ ಬೇಡಿಕೆ ಇದೆ ಎಂದು ತಿಳಿಸಿದರು.