ನಾನು ಕೂಡ ವೋಟ್​ ಮಾಡುವೆ, ನೀವು ಕೂಡ ತಪ್ಪದೇ ವೋಟ್​ ಮಾಡಿ: ಸೆಲೆಬ್ರಿಟಿಗಳ ಮನವಿ

ಬೆಂಗಳೂರು: ಇದೇ ಮೇ 10 ರಂದು ರಾಜ್ಯ ವಿಧಾನಸಭೆ ಚುನಾವಣೆ ಇದೆ. ಸ್ಯಾಂಡಲ್​ವುಡ್​ನ ಹಲವು ಸೆಲೆಬ್ರಿಟಿಗಳು ಮತದಾನದ ಬಗ್ಗೆ ಜಾಗೃತಿ ಮೂಡಿಸುವ ಕೆಲಸ ಮಾಡುತ್ತಿದ್ದಾರೆ. ನಟರಾದ ರಮೇಶ್​ ಅರವಿಂದ್, ವಿನಾಯಕ್​ ಜೋಶಿ, ನಟಿ ರಾಧಿಕಾ ನಾರಾಯಣ ಸೇರಿದಂತೆ ಹಲವರು ಪ್ರಜಾಪ್ರಭುತ್ವ ಬಲಪಡಿಸಲು ತಪ್ಪದೇ ಮತದಾನ ಮಾಡುವಂತೆ ಮನವಿ ಮಾಡಿಕೊಂಡಿದ್ದಾರೆ.

ವಿನಾಯಕ್​ ಜೋಶಿ: ಐದು ವರ್ಷದ ಬಳಿಕ ಚುನಾವಣೆ ಬಂದಿದೆ. ನಮಗೂ ನಿಮಗೂ ಇದೊಂದು ಒಳ್ಳೆಯ ಅವಕಾಶ. ಮೊದಲ ಬಾರಿ ಮತದಾನ ಮಾಡುವ ಯುವಕ ಮತ್ತು ಯುವತಿಗೆ ಅಭಿನಂದನೆ. ಮತ ಹಾಕುವುದು ನಮ್ಮ-ನಿಮ್ಮೆಲ್ಲ ಜನ್ಮ ಸಿದ್ಧ ಹಕ್ಕು. ಹಾಗಾಗಿ ಮರೆಯದೇ ಮತದಾನದ ದಿನ ಮತಗಟ್ಟೆಗೆ ತೆರಳಿ ಮತದಾನ ಮಾಡಿ. ಮತ ಹಾಕದಿದ್ದರೆ ಯಾರಿಂದಲೂ ಏನನ್ನು ಅಪೇಕ್ಷೆ ಪಡುವುದು ತಪ್ಪು. ಅಭ್ಯರ್ಥಿ ಇಷ್ಟವಾಗದಿದ್ದರೆ ನೋಟಾ ಕೂಡ ಬಳಸಬಹುದು. ಆದರೆ, ತಪ್ಪದೇ ವೋಟ್​ ಮಾಡಿ ಎಂದು ನಟ ವಿನಾಯಕ್​ ಜೋಶಿ ಮನವಿ ಮಾಡಿಕೊಂಡಿದ್ದಾರೆ. 

ರಾಧಿಕಾ ನಾರಾಯಣ: ಇದು ನಮಗೂ ಮತ್ತು ನಿಮಗೂ ಬಹಳ ಮಹತ್ವವಾದ ದಿನ. ಪ್ರತಿ 5 ವರ್ಷಕ್ಕೊಮ್ಮೆ ನಮ್ಮ ನಾಯಕರನ್ನು ಆರಿಸುವ ಸುದಿನ. ನಿಮ್ಮ ಅಮೂಲ್ಯವಾದ ಮತವನ್ನು ನೀಡುವ ಮೂಲಕ ನಿಮ್ಮಿಷ್ಟದ ಜನಪ್ರತಿನಿಧಿಯನ್ನು ಆಯ್ಕೆ ಮಾಡಬಹುದು. ನಾನು ಕೂಡ ವೋಟ್​ ಮಾಡುತ್ತೇನೆ. ನೀವು ಕೂಡ ತಪ್ಪದೇ ವೋಟ್​ ಮಾಡಿ. ಯಾರೂ ಕೂಡ ಮಿಸ್​ ಮಾಡಿಕೊಳ್ಳಬೇಡಿ. ಮತದಾನದ ದಿನ ಮತಗಟ್ಟೆಗೆ ತೆರಳಿ ದಯವಿಟ್ಟು ಮತದಾನ ಮಾಡಿ ಎಂದು ನಟಿ ರಾಧಿಕಾ ನಾರಾಯಣ ಮನವಿ ಮಾಡಿಕೊಂಡಿದ್ದಾರೆ.

ರಮೇಶ್​ ಅರವಿಂದ್: ಮೇ 10 ರಂದು ವಿಧಾನಸಭೆ ಚುನಾವಣೆ ಇದೆ. ಎಲ್ಲರೂ ತಪ್ಪದೇ ವೋಟ್​ ಮಾಡಿ. ನಾನೂ ಕೂಡ ವೋಟ್​ ಮಾಡುತ್ತೇನೆ. ಹಾಗೇ ನೀವೂ ಕೂಡ ಮತಗಟ್ಟೆಗೆ ತೆರಳಿ ಮತದಾನ ಮಾಡಿ ಎಂದು ನಟ ರಮೇಶ್​ ಅರವಿಂದ್ ಕೂಡ ಮನವಿ ಮಾಡಿಕೊಂಡಿದ್ದಾರೆ.

ಇದನ್ನೂ ಓದಿ: Karnataka Election: ಗಣ್ಯರ ಬೆಂಗಾವಲು ವಾಹನಗಳಲ್ಲಿ ಸೈರನ್ ಬಳಸುವಂತಿಲ್ಲ!