ಶಿರಸಿಯಲ್ಲಿ ಈ ಬಳಗಕ್ಕೆ ಸಂಭ್ರಮ ಸಡಗರ... ಸಿಹಿ ಹಂಚಿ ಸಂಭ್ರಮೋತ್ಸವ

ಶಿರಸಿ: ಮೋದಿ ಮತ್ತೊಮ್ಮೆ ಪ್ರಧಾನಿಯಾಗಿ ಪ್ರಮಾಣ ವಚನ ಸ್ವೀಕರಿಸಿದ ಹಿನ್ನೆಲೆಯಲ್ಲಿ ಉತ್ತರ ಕನ್ನಡದ ಶಿರಸಿ ಸೇರಿದಂತೆ ವಿವಿಧ ತಾಲೂಕುಗಳಲ್ಲಿ ಬಿಜೆಪಿ ಅಭಿಮಾನಿಗಳು ಸಂಭ್ರಮಾಚರಣೆ ನಡೆಸಿದರು. ಶಿವಾಜಿ ಚೌಕ್​ ಗೆಳೆಯರ ಬಳಗದ ವತಿಯಿಂದ ಸಾರ್ವಜನಿಕರಿಗೆ ಸಿಹಿ ಹಾಗೂ ಹಾಲು ವಿತರಿಸಲಾಯಿತು. ಶಿರಸಿಯ ಶಿವಾಜಿ ಚೌಕದಲ್ಲಿ ಪೆಂಡಾಲ್ ಹಾಕಿ ಸಿಹಿ ಸಿಹಿಯಾದ ಶಿರಾ ಹಾಗೂ ಬಾದಾಮಿ ಹಾಲು ನೀಡಿ ಖುಷಿ ಪಟ್ಟರು. ಶಾಸಕ ವಿಶ್ವೇಶ್ವರ ಹೆಗಡೆ ಕಾಗೇರಿ ಕೂಡ ಸಂಭ್ರಮಾಚರಣೆಯಲ್ಲಿ ಭಾಗಿಯಾಗಿದ್ದರು.