‘ಅಟಲ್​ ಸುರಂಗ’ ಉದ್ಘಾಟನೆ... 9 ಕಿ.ಮೀ​. ಉದ್ದದ​​ ಸುರಂಗಕ್ಕಾಗಿ 10 ವರ್ಷ ಶ್ರಮ! ವಿಡಿಯೋ

ರೋಹ್ಟಂಗ್​ನಲ್ಲಿ 2000ರ ಜೂನ್ 3ರಂದು ಅಟಲ್ ಬಿಹಾರಿ ವಾಜಪೇಯಿ ಅವರು ಅಡಿಪಾಯ ಹಾಕಿದ್ದ ವಿಶ್ವದ ಅತಿ ಉದ್ದದ ಹೆದ್ದಾರಿ 'ಅಟಲ್ ಸುರಂಗ' ಕಾಮಗಾರಿ ಪೂರ್ಣಗೊಂಡಿದೆ. ಪ್ರಧಾನಿ ನರೇಂದ್ರ ಮೋದಿ ‘ಅಟಲ್​ ಸುರಂಗ’ ಮಾರ್ಗವನ್ನು ಉದ್ಘಾಟಿಸಿದ್ದಾರೆ. 9.02 ಕಿ.ಮೀ ಉದ್ದದ ಸುರಂಗಕ್ಕಾಗಿ 10 ವರ್ಷಗಳ ಕಾಲ ಕೆಲಸ ಮಾಡಲಾಗಿದೆ. ಇದು ಮನಾಲಿ ಮತ್ತು ಲೇಹ್​ ನಡುವೆ ಸಂಪರ್ಕ ಕಲ್ಪಿಸಲಿದೆ. 3,200 ಕೋಟಿ ರೂಪಾಯಿ ವೆಚ್ಚದಲ್ಲಿ ಈ ಅಟಲ್​ ಸುರಂಗವನ್ನು ನಿರ್ಮಿಸಲಾಗಿದೆ. ಮನಾಲಿ-ಲೇಹ್​ ನಡುವಿನ ಅಂತರವನ್ನು 46 ಕಿ.ಮೀಗಳಷ್ಟು ಕಡಿಮೆ ಮಾಡಲಿದೆ. ಸಮುದ್ರಮಟ್ಟದಿಂದ ಈ ಸುರಂಗ 3 ಸಾವಿರ ಮೀಟರ್​ ಎತ್ತರದಲ್ಲಿದ್ದು, ಚಳಿಗಾಲದಲ್ಲಿ ಇಲ್ಲಿ ತಾಪಮಾನ -30ರಿಂದ -40ರವರೆಗೆ ಕುಸಿಯುತ್ತದೆ.