ಕೆರಳಿದ ಗಜರಾಜ: ಯುವಕನನ್ನು ಸೊಂಡಿಲಲ್ಲಿ ಎತ್ತೊಯ್ದು ಎಸೆದ ಆನೆ - ವಿಡಿಯೋ

ರಾಂಚಿ: ಕಾಂಕೆ ಪ್ರದೇಶದ ಗ್ರಾಮೀಣ ಭಾಗದಲ್ಲಿ ಆನೆಯೊಂದು ಆತಂಕ ಮೂಡಿಸಿದೆ. ಆನೆಯನ್ನು ನೋಡಿದ ಯುವಕರು ಅದನ್ನು ಹಿಮ್ಮೆಟ್ಟಿಸಲು ಪ್ರಯತ್ನಿಸಿದ್ದಾರೆ. ಈ ವೇಳೆ ಯುವಕನೋರ್ವನನ್ನು ತನ್ನ ಸೊಂಡಿಲಲ್ಲಿ ಎತ್ತೊಯ್ದು ಆನೆ, ಸ್ವಲ್ಪ ದೂರದಲ್ಲಿ ಎಸೆದಿದೆ. ಗಂಭೀರವಾಗಿ ಗಾಯಗೊಂಡಿದ್ದ ಯುವಕನನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಘಟನೆಯಿಂದಾಗಿ ಗ್ರಾಮದಲ್ಲಿ ಭಯದ ವಾತಾವರಣ ಸೃಷ್ಟಿಯಾಗಿದೆ.