ವಿಡಿಯೋ: ರೋಡ್​ ರೋಲರ್​ ಹತ್ತಿಸಿ ಕೋಟ್ಯಂತರ ರೂ ಮೌಲ್ಯದ ಮದ್ಯ ನಾಶ ಪಡಿಸಿದ ಲೇಡಿ ಎಸ್​ಪಿ!

ಆಂಧ್ರಪ್ರದೇಶದ ಪ್ರಕಾಶಂ ಜಿಲ್ಲೆ ಒಂಗೋಲ್‌ನಲ್ಲಿ ಸ್ಪೇಷಲ್​ ಎನ್​ಫೋರ್ಸ್​ಮೆಂಟ್​ ಬ್ಯೂರೋ ಅಧಿಕಾರಿಗಳು ಸುಮಾರು 2 ಕೋಟಿ ಮೌಲ್ಯದ ಮದ್ಯವನ್ನು ನಾಶಪಡಿಸಿದ್ದಾರೆ. 2019 ರಿಂದ ಇಲ್ಲಿಯವರೆಗೆ ಜಿಲ್ಲೆಯಲ್ಲಿ ಅಕ್ರಮ ಸಾಗಣೆಯಿಂದ ವಶಪಡಿಸಿಕೊಂಡ ಮದ್ಯದ ಬಾಟಲಿಗಳ ಮೇಲೆ ಎಸ್​ಪಿ ಮಲಿಕಾ ಗರ್ಗ್​ ರೋಡ್ ರೋಲರ್​ ಹತ್ತಿಸಿ ನಾಶಪಡಿಸಿದರು. ಈ ಮದ್ಯವು ಗೋವಾ, ತೆಲಂಗಾಣ, ಮಹಾರಾಷ್ಟ್ರ ಮತ್ತಿತರ ರಾಜ್ಯಗಳಿಗೆ ಸೇರಿದ್ದಾಗಿದೆ. ಈ ವೇಳೆ, ಉಪಸ್ಥಿತರಿದ್ದ ಪ್ರಕಾಶಂ ಜಿಲ್ಲಾ ಎಸ್ಪಿ ಮಲಿಕಾ ಗರ್ಗ್, ಮದ್ಯ ಕಳ್ಳಸಾಗಣೆ ಮೇಲೆ ಉಕ್ಕಿನ ಹೆಜ್ಜೆ ಇಡುತ್ತಿದ್ದೇವೆ. ಅಕ್ರಮ ಎಸಗಿರುವುದರ ಬಗ್ಗೆ ಕಂಡು ಬಂದರೆ ನಿರ್ಲಕ್ಷಿಸುವುದಿಲ್ಲ ಎಂದು ಖಡಕ್​ ಆಗಿ ಹೇಳಿದರು.