ವಿಶ್ವಸಂಸ್ಥೆ ಸಾಮಾನ್ಯ ಸಭೆಯಯಲ್ಲಿ ಜಾಗತಿಕ ನಾಯಕರ ಉನ್ನತ ಮಟ್ಟದ ಸಭೆ ನಡೆದಿದ್ದು, ಸಭೆಯಲ್ಲಿ ಕ್ಷಯರೋಗ (ಟ್ಯೂಬಕ್ಯುಲೊಸಿಸ್- ಟಿಬಿ) ವನ್ನು 2030ರ ವೇಳೆ ಕೊನೆಗೊಳಿಸುವ ಪ್ರಯತ್ನ ಮುಂದುವರೆಸುವ ರಾಜಕೀಯ ಘೋಷಣೆಯನ್ನು ಅನುಮೋದಿಸಲಾಗಿದೆ. ಮುಂದಿನ ಐದು ವರ್ಷದಲ್ಲಿ ಈ ಗುರಿಯನ್ನು ಸಾಧಿಸುವ ದಾಖಲೆಯನ್ನು ಮಂಡಿಸಲಾಗಿದ್ದು, ಇದರಲ್ಲಿ ಶೇ.90ರಷ್ಟು ಕ್ಷಯ ಪ್ರಕರಣಗಳನ್ನು ತಡೆಗಟ್ಟುವ ಮತ್ತು ಚಿಕಿತ್ಸೆ ಸೇವೆ ನೀಡುವ, ರೋಗಿಗಳಿಗೆ ಸಾಮಾಜಿಕ ಪ್ರಯೋಜನ ಪ್ಯಾಕೇಜ್ ನೀಡುವ ಮತ್ತು ಕನಿಷ್ಟ ಒಂದು ಲಸಿಕೆಗೆ ಪರವಾನಗಿ ನೀಡುವುದಾಗಿದೆ ಎಂದು ಕ್ಸಿನುವಾ ಸುದ್ದಿ ಸಂಸ್ಥೆ ತಿಳಿಸಿದೆ.
ಈ ಕರಡು ರಾಜಕೀಯ ಘೋಷಣೆಗೆ ಒಪ್ಪಿಗೆ ಸೂಚಿಸಿದ ಎಲ್ಲಾ ಸದಸ್ಯರಿಗೆ ಅಭಿನಂದನೆ ತಿಳಿಸುತ್ತೇನೆ. ಇದನ್ನು ಸಾಮಾನ್ಯ ಸಭೆಯಲ್ಲಿ ಮಂಡಿಸಲಾಗಿದ್ದು, ನಂತರದ ದಿನದಲ್ಲಿ ಔಪಚಾರಿಕ ಅಳವಡಿಕೆ ನಡೆಸಲಾಗುವುದು ಎಂದು ಅಮೆರಿಕದ ಸಾಮಾನ್ಯ ಸಭೆಯ ಅಧ್ಯಕ್ಷ ಡೆನ್ನಿಸ್ ಪ್ರಾನ್ಸಿಸ್ ತಿಳಿಸಿದರು. ಕ್ಷಯರೋಗವನ್ನು ನಿರ್ಮೂಲನೆಗೊಳಿಸುವ ಉದ್ದೇಶದ ಬದ್ಧತೆಯಿಂದ ನಾವು ಇಲ್ಲಿ ಇಂದು ಸೇರಿದ್ದೇವೆ ಎಂದರು.
ಚಂದ್ರನಲ್ಲಿಗೆ ಮನುಷ್ಯರನ್ನು ಕಳುಹಿಸಿ ಸಾಧನೆ ಮಾಡುತ್ತಿರುವ ನಾವು ಇಂದು ಜಾಗತಿಕವಾಗಿ ಎಷ್ಟೆಲ್ಲಾ ಪ್ರಯತ್ನ ನಡೆಸಿದ್ದೆವೆ. ಪ್ರತಿ ನಿತ್ಯ 4,400ಕ್ಕೂ ಹೆಚ್ಚು ಜನರ ಸಾವಿಗೆ ಕಾರಣವಾಗುತ್ತಿರುವ ಈ ರೋಗವನ್ನು ತಡೆಯಲಾಗುತ್ತಿಲ್ಲ ಏಕೆ? ತಡೆಗಟ್ಟಬಹುದಾದ ಮತ್ತು ಗುಣಪಡಿಸಬಹುದಾದ ರೋಗವನ್ನು ಸೋಲಿಸಲು ನಮಗೆ ಸಾಧ್ಯವಾಗಲಿಲ್ಲವೇ ಎಂದು ಹೇಳಿದರು.
ಬಡತನ ಮತ್ತು ಅಪೌಷ್ಟಿಕತೆಯಂತಹ ಸಮಸ್ಯೆಗಳೊಂದಿಗೆ ಕ್ಷಯರೋಗವೂ ಸೇರಿಕೊಂಡಿದೆ. ಇದರ ಜೊತೆಗೆ ಹವಾಮಾನ ಬದಲಾವಣೆ ಸೇರಿದಂತೆ ಮತ್ತಷ್ಟು ಬಿಕ್ಕಟ್ಟುಗಳು ಸೇರಿಕೊಂಡಿದೆ ಎಂದು ಪ್ರಾನ್ಸಿಸ್ ತಿಳಿಸಿದರು.
ಟಿಬಿ ವಿರುದ್ಧ ಹೋರಾಡುತ್ತಿರುವವರಿಗೆ ಕೋವಿಡ್ 19 ಸಾಂಕ್ರಾಮಿಕತೆ ಮತ್ತಷ್ಟು ಒತ್ತಡವನ್ನು ತಂದಿತು. ಇದರಿಂದ ರೋಗಿಗಳು ಅದರಲ್ಲೂ ದುರ್ಬಲರು ಸಾಕಷ್ಟು ಹಾನಿಗೆ ಒಳಗಾದರು ಎಂದರು.
ಸೋಂಕಿನ ಪ್ರಮುಖ ಕಾರಣಗಳನ್ನು ಪತ್ತೆ ಮಾಡಬೇಕಿದೆ. ಬಡತನ, ಅಪೌಷ್ಟಿಕಾಂಶತೆ, ಆರೋಗ್ಯ ಸೇವೆಗಳು ಇಲ್ಲದಿರುವುದು, ಹೆಚ್ಐವಿ ಸೋಂಕು, ಮಧುಮೇಹ, ಮಾನಸಿಕ ಆರೋಗ್ಯ ಮತ್ತು ಧೂಮಪಾನಗಳು ಇದಕ್ಕೆ ಕಾರಣವಾಗಲಿದ್ದು, ಇದರ ವಿರುದ್ಧವೂ ಕ್ರಮ ಕೈಗೊಳ್ಳಬೇಕಿದೆ. 37 ವರ್ಷಗಳ ಹಿಂದೆ ಟಿಬಿಗೆ ನನ್ನ ತಂದೆ ಕಳೆದುಕೊಳ್ಳಬೇಕಾಯಿತು ಎಂದು ವಿಶ್ವಸಂಸ್ಥೆ ಉಪ ಕಾರ್ಯದರ್ಶಿ ಅಮಿನಾ ಮೊಹಮ್ಮದ್ ತಿಳಿಸಿದರು.
ಕ್ಷಯರೋಗವನ್ನು ನಿರ್ಮೂಲನೆಗೊಳಿಸಲು ಸಾಧ್ಯ. ರಾಜಕೀಯ ಇಚ್ಛಾಶಕ್ತಿ, ಆರ್ಥಿಕ ಬದ್ಧತೆ ಮತ್ತು ಜಾಗತಿಕವಾಗಿ ಒಟ್ಟುಗೂಡುವುದು ಅಗತ್ಯವಾಗಿದೆ. ವಿಶ್ವಸಂಸ್ಥೆ ಎಲ್ಲಾ ಪ್ರಯತ್ನಗಳನ್ನು ಬೆಂಬಲಿಸಲು ಸಿದ್ಧವಾಗಿದೆ. ಕ್ಷಯರೋಗವನ್ನು ಕೊನೆಗೊಳಿಸಲು ಪ್ರಯತ್ನ ಮಾಡುವಂತೆ ಪ್ರತಿಜ್ಞೆ ಮಾಡಬೇಕು ಎಂದು ಮೊಹಮ್ಮದ್ ತಿಳಿಸಿದರು.
ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ, 2021ರಲ್ಲಿ ಕೋವಿಡ್ 19 ನಿಂದ ಹೆಚ್ಚು ಸಾವು ಸಂಭವಿಸಿದರೆ, ಎರಡನೇ ಅತಿ ದೊಡ್ಡ ಸಮಸ್ಯೆ ಎಂದರೆ ಟಿ ಬಿಯಿಂದ 1.6 ಮಿಲಿಯನ್ ಸಾವು ಸಂಭವಿಸಿತು. (ಐಎಎನ್ಎಸ್)
ಇದನ್ನೂ ಓದಿ: ಪಿಜ್ಜಾ, ಬರ್ಗರ್, ಡಯಟ್ ಕೋಕ್ ಪ್ರಿಯರಿಗೆ ಖಿನ್ನತೆಯ ಅಪಾಯ ಹೆಚ್ಚು!
