ಜಗತ್ತಿನ ಬಹುತೇಕರು ಆಸ್ವಾದಿಸುವ ಅತ್ಯಂತ ರುಚಿಕರ ತಿನಿಸುಗಳಲ್ಲಿ ಚಾಕಲೇಟ್ ಕೂಡಾ ಒಂದು. ಯಾರಿಗಾದರೂ ಉಡುಗೊರೆ ನೀಡಬೇಕಾದರೆ ಬರುವ ಮೊದಲ ಆಯ್ಕೆ ಕೂಡ ಚಾಕಲೇಟ್. ಇದರ ರುಚಿ ಅನೇಕರ ಮೂಡ್ ಚುರುಕಾಗಿಸುತ್ತದೆ. ಇಂತಹ ಚಾಕಲೇಟ್ಗಾಗಿ ಒಂದು ದಿನವನ್ನೇ ಮೀಸಲಿರಿಸಲಾಗಿದೆ. ಜುಲೈ 7ರಂದು ಜಾಗತಿಕವಾಗಿ ಪ್ರತಿ ವರ್ಷ ವಿಶ್ವ ಚಾಕಲೇಟ್ ದಿನವೆಂದು ಆಚರಿಸಲಾಗುತ್ತಿದೆ. ವಿಶ್ವ ಚಾಕಲೇಟ್ ದಿನ ಯುರೋಪ್ನಿಂದ ಪ್ರಾರಂಭವಾಗಿ ಇಡೀ ಜಗತ್ತಿಗೆ ಹರಡಿತು.
ಚಾಕಲೇಟ್ ಸಂತೋಷ, ಸಂಭ್ರಮ ಮತ್ತು ಆಚರಣೆಯ ಸಂಕೇತವಾಗಿದೆ. ಸಂಸ್ಕೃತಿಯ ಗಡಿಗಳನ್ನು ಮೀರಿ ಇದು ಎಲ್ಲರ ಮನಗೆದ್ದಿದೆ. ಯಾವುದೇ ಸಮಾರಂಭವೇ ಇರಲಿ ಅಲ್ಲಿ ಪ್ರೀತಿ ಹಂಚಿಕೆ ವಸ್ತುವಾಗಿ ಚಾಕಲೇಟ್ ಬಳಕೆಯಾಗುತ್ತದೆ. ಎಲ್ಲ ವಯೋಮಾನದ ಅಚ್ಚುಮೆಚ್ಚಿನ ಈ ಸಿಹಿ ತಿನಿಸು ಎಲ್ಲರನ್ನೂ ಆಕರ್ಷಿಸಿ, ಸನಿಹ ಸೆಳೆಯಬಲ್ಲದು.
ಚಾಕಲೇಟ್ ಇತಿಹಾಸ: ಚಾಕಲೇಟ್ಗೆ 2,500 ವರ್ಷಗಳ ಇತಿಹಾಸವಿದೆ. 2,000 ವರ್ಷಗಳ ಹಿಂದೆ ಅಮೆರಿಕದ ಮಳೆಕಾಡುಗಳಲ್ಲಿ ಕೋಕೋ ಮರದ ಬೀಜ ಪಡೆದು ಚಾಕೋಲೆಟ್ ತಯಾರಿಸಲಾಗುತ್ತಿತ್ತು. ಆರಂಭದಲ್ಲಿ ಕೇವಲ ಮೆಕ್ಸಿಕೊ ಮತ್ತು ಸೆಂಟ್ರಲ್ ಅಮೆರಿಕದಲ್ಲಿ ಮಾತ್ರ ಚಾಕಲೇಟ್ ತರಯಾರಿಸಲಾಗುತ್ತಿತ್ತು. ಮೆಕ್ಸಿಕೊವನ್ನು ಸ್ಪೇನ್ 1528ರಲ್ಲಿ ವಶಕ್ಕೆ ಪಡೆದ ಬಳಿಕ ಸ್ಪಾನಿಷ್ ರಾಜ ಅಗಾಧ ಕೋಕೋ ಬೀಜ ಮತ್ತು ಚಾಕಲೇಟ್ ತಯಾರಿಸುವ ಸಾಧನಗಳೊಂದಿಗೆ ಸ್ಪೇನ್ಗೆ ಮರಳಿದ. ಇದಾದ ಬಳಿಕ ಚಾಕಲೇಟ್ ಸ್ಪಾನಿಷ್ನಲ್ಲಿ ಫ್ಯಾಷನಬಲ್ ಪಾನೀಯವಾಗಿ ಪ್ರಖ್ಯಾತಗೊಂಡಿತು. ಜಗತ್ತಿನ ಕೆಲವು ಭಾಗದಲ್ಲಿ ಚಾಕಲೇಟ್ ಅನ್ನು ಹಣವಾಗಿ ಕೂಡಾ ಬಳಕೆ ಮಾಡಲಾಗಿದೆ.
ವಿವಿಧ ಚಾಕಲೇಟ್ ಹುಟ್ಟಿದ ರೀತಿ: ಆರಂಭದಲ್ಲಿ ಚಾಕಲೇಟ್ ಅನ್ನು ಈಗಿನಂತೆ ಬಾರ್ಗಳ ರೀತಿಯಲ್ಲಿ ಅಲ್ಲದೆ, ಕಹಿ ಮತ್ತು ಮಂದ ಪಾನೀಯವಾಗಿಯೂ ಬಳಕೆ ಮಾಡಲಾಗುತ್ತಿತ್ತು. ಈ ಪಾನೀಯವನ್ನು ಜೇನು, ವೆನಿಲಾ, ಸಕ್ಕರೆ ಮತ್ತು ಚಕ್ಕೆಯೊಂದಿಗೆ ಬೆರೆಸಿ ಜಾಗತಿನೆಲ್ಲೆಡೆ ಸ್ವಾದ ಆಹ್ಲಾದಿಸುತ್ತಿದ್ದರು. 17ನೇ ಶತಮಾನದಲ್ಲಿ ಐರಿಷ್ ಪಿಸಿಷಿಯನ್ ಆಗಿದ್ದ ಸರ್ ಹನ್ಸ್ ಸ್ಲೊನೆ, ಅಗೆಯುವ ರೀತಿಯಲ್ಲಿ ಪಾನೀಯವನ್ನು ಸಂಸ್ಕರಿಸಿದರಂತೆ.
25 ವರ್ಷಗಳ ಬಳಿಕ ಸ್ಲೊನೆ ಅಗೆಯುವ ಚಾಕಲೇಟ್ ತಯಾರಿಸಿದ. ಸ್ಲೊನೆಯಿಂದ ಈ ಸಂಸ್ಕರಿಸುವ ಸಾಧನವನ್ನು ಖರೀದಿಸಿದ ಬಳಿಕ ಇಂಗ್ಲೆಡ್ನಲ್ಲಿ ಕ್ಯಾಡ್ಬರಿ ಆರಂಭವಾಯಿತು. ಕ್ಯಾರೆಮೆಲ್ ಲೇಪಿತ ಚಾಕಲೇಟ್ ಉತ್ಪಾದಿಸವಲ್ಲಿ ಹರ್ಷಿಸ್ ಕೂಡ ಜಾಗತಿಕವಾಗಿ ಪ್ರಖ್ಯಾತಿ ಪಡೆಯಿತು. ಇದು 1860ರಲ್ಲಿ ಆರಂಭವಾಯಿತು. ಹಾಲಿ ಚಾಕಲೇಟ್ ತಯಾರಿಸುವಲ್ಲಿ ಜಾಗತಿಕವಾಗಿ ನೆಸ್ಲೆ ಕೂಡ ಹೆಸರುಗಳಿಸಿತು.
ಆರೋಗ್ಯಕ್ಕೇನು ಲಾಭ?: ಚಾಕಲೇಟ್ ಅನೇಕ ಆರೋಗ್ಯ ಪ್ರಯೋಜನ ಹೊಂದಿದೆ. ನೈಸರ್ಗಿಕ ರಾಸಯನಿಕಗಳು ನಿಮ್ಮ ಮೂಡ್ ಅಭಿವೃದ್ಧಿಪಡಿಸುವ ಸಾಮರ್ಥ್ಯ ಹೊಂದಿದೆ ಎಂಬುದು ವೈಜ್ಞಾನಿಕವಾಗಿ ಸಾಬೀತಾಗಿದೆ. ಚಾಕಲೇಟ್ನಲ್ಲಿರುವ ಟ್ರಿಪ್ಟೊಫಾನ್ ನಮ್ಮ ಮೆದುಳಿನಲ್ಲಿರುವ ಎಂಡಾರ್ಫಿನ್ ಮಟ್ಟವನ್ನು ಪರಿಣಾಮ ಬೀರುತ್ತದೆ. ಇದು ನಮಗೆ ಸಂತೋಷ ನೀಡುತ್ತದೆ. ಪ್ರತಿದಿನ ನಿಯಂತ್ರಿತ ಪ್ರಮಾಣದಲ್ಲಿ ಚಾಕೊಲೇಟ್ ತಿನ್ನುವುದು ಹೃದಯದ ಆರೋಗ್ಯಕ್ಕೂ ಒಳ್ಳೆಯದು. ಇದು ಹೃದ್ರೋಗಗಳಿಂದ ನಿಮ್ಮನ್ನು ದೂರವಿರಿಸುತ್ತದೆ.
ಇದನ್ನೂ ಓದಿ: ಚಹಾ, ಟೀ, ಚಾಯ್; ಹೆಸರಲ್ಲಿ ವಿಭಿನ್ನತೆ ಇರಬಹುದು.. ಆದರೆ, ಭಾವನೆಯಲ್ಲಿ ಅಲ್ಲ..
