ಕೊರೊನಾ ಬಿಕ್ಕಟ್ಟು ಎದುರಾದಾಗಿಂದ ಮಾಸ್ಕ್ಗಳ ಬಳಕೆ ತುಂಬಾ ಸಾಮಾನ್ಯವಾಗಿದೆ ಮತ್ತು ಅವುಗಳ ಬಳಕೆಯಿಂದ ಚರ್ಮಕ್ಕೆ ಉಂಟಾಗುವ ಅಲರ್ಜಿಯ ಸಂಭವ ಹೆಚ್ಚಾಗಿದೆ. ಮುಖಗವಸುಗಳಲ್ಲಿ ಬಳಸುವ ಸ್ಪಾಂಜ್ ಸ್ಟ್ರಿಪ್ ಸೇರಿದಂತೆ ವಿವಿಧ ಉತ್ಪನ್ನಗಳ ಉತ್ಪಾದನೆಯಲ್ಲಿ ಸಾಮಾನ್ಯವಾಗಿ ಬಳಸಲಾಗುವ ಪಾಲಿಯುರೆಥೇನ್‌ಗಳು ಅಲರ್ಜಿಕ್ ಕಾಂಟ್ಯಾಕ್ಟ್ ಡರ್ಮಟೈಟಿಸ್ (ಎಸಿಡಿ) ಗೆ ಕಾರಣವಾಗಬಹುದು.
ಮಾಸ್ಕ್ಗಳು, ಕೈಗವಸುಗಳು ಮತ್ತು ಹ್ಯಾಂಡ್ ಸ್ಯಾನಿಟೈಸರ್‌ಗಳಿಂದ ಅಲರ್ಜಿಕ್ ಕಾಂಟ್ಯಾಕ್ಟ್ ಡರ್ಮಟೈಟಿಸ್:
ಫೇಸ್ ಮಾಸ್ಕ್ಗಳು ತುಂಬಾ ಬಿಗಿಯಾಗಿರುತ್ತವೆ ಅಥವಾ ಅವರು ನಮ್ಮ ಚರ್ಮಕ್ಕೆ ಸರಿಹೊಂದದ ಬಟ್ಟೆಯಿಂದ ಮಾಡಲ್ಪಟ್ಟಿದ್ದು ಮುಖದ ಮೇಲೆ ಕಿರಿಕಿರಿ ಉಂಟುಮಾಡುತ್ತದೆ. ಕೆಲವು ಮಾಸ್ಕ್ಗಳು ನಿಮ್ಮ ಮುಖದ ಮೇಲಿನ ನೈಸರ್ಗಿಕ ತೇವಾಂಶವನ್ನು ಹೀರಿಕೊಳ್ಳುತ್ತವೆ ಮತ್ತು ಇದರಿಂದ ನಿಮ್ಮ ಚರ್ಮ ಒಣಗುತ್ತದೆ. ಅಂತಹ ಮುಖದ ಎಸ್ಜಿಮಾದ ಲಕ್ಷಣಗಳು ಕೆಂಪು ಅಥವಾ ಮಸುಕಾದ ಚರ್ಮ, ತುರಿಕೆ, ಅಥವಾ ಸುಡುವ ರೀತಿಯ ಅನುಭವವಾಗುತ್ತದೆ.
ಆಗಾಗ್ಗೆ ಕೈ ತೊಳೆಯುವುದು ಮತ್ತು ಹ್ಯಾಂಡ್ ಸ್ಯಾನಿಟೈಸರ್‌ಗಳ ಬಳಕೆಯಿಂದಾಗಿ ಅಲರ್ಜಿಕ್ ಕಾಂಟ್ಯಾಕ್ಟ್ ಡರ್ಮಟೈಟಿಸ್:
ನೀರು ಮತ್ತು ಆರ್ದ್ರ ವಾತಾವರಣಕ್ಕೆ ದೀರ್ಘಕಾಲದವರೆಗೆ ಒಡ್ಡಿಕೊಳ್ಳುವುದರಿಂದ ಚರ್ಮದ ಸೂಕ್ಷ್ಮತೆ ಹೆಚ್ಚಾಗುತ್ತದೆ. ರಾಸಾಯನಿಕ ಬಳಸಿ ತಯಾರಿಸಿದ ಸಾಬೂನುಗಳನ್ನು ಪದೇ ಪದೆ ಬಳಸುವುದರಿಂದ ಚರ್ಮದ ಮೇಲ್ಮೈ ತೈಲ ಹೋಗಿ ಕಾಂಟ್ಯಾಕ್ಟ್ ಡರ್ಮಟೈಟಿಸ್‌ಗೆ ಕಾರಣವಾಗಬಹುದು.
ನೀರು ಮತ್ತು ಸಾಬೂನು ಲಭ್ಯವಿಲ್ಲದಿದ್ದರೆ ಕನಿಷ್ಠ ಶೇ60ರಷ್ಟು ಆಲ್ಕೋಹಾಲ್ ಹೊಂದಿರುವ ಹ್ಯಾಂಡ್ ರಬ್‌ಗಳನ್ನು ಬಳಸುವುದು ಸಮಂಜಸವಾದ ಪರ್ಯಾಯವಾಗಿದೆ ಎಂದು WHO ಹೇಳುತ್ತದೆ; ಈ ಉತ್ಪನ್ನಗಳನ್ನು ಆಗಾಗ್ಗೆ ಬಳಸುವುದರಿಂದ ಶುಷ್ಕತೆ ಮತ್ತು ಕಿರಿಕಿರಿ ಉಂಟಾಗುತ್ತದೆ.
ಯಾರು ತೊಂದರೆಯಲ್ಲಿದ್ದಾರೆ?
- ಕೇಶ ವಿನ್ಯಾಸಕರು, ಬ್ಯೂಟಿಷಿಯನ್ಗಳು
- ಕಟ್ಟಡ ನಿರ್ಮಾಣ ಕಾರ್ಮಿಕರು
- ಮೆಟಲ್ ವರ್ಕರ್ಸ್
- ಹೆಲ್ತ್ಕೇರ್ ವರ್ಕರ್ಸ್
- ಆಟೋ ಮೆಕ್ಯಾನಿಕ್ಸ್
- ಕ್ಲೀನರ್ಸ್
- ತೋಟಗೆಲಸಗಾರರು
- ಕೃಷಿ ಕಾರ್ಮಿಕರು
ಚರ್ಮವೈದ್ಯರನ್ನು ಅಥವಾ ಸಂಬಂಧಪಟ್ಟ ವೈದ್ಯರನ್ನು ಯಾವಾಗ ಸಂಪರ್ಕಿಸಬೇಕು?
ಏಕಾಏಕಿ ಚರ್ಮ ತುರಿಕೆ, ಕೆಂಪು ರ‍್ಯಾಶಸ್ ಕಾಣಿಸಿಕೊಂಡಾಗ
ರ‍್ಯಾಶಸ್ ದೇಹದ ಇತರ ಭಾಗಗಳಿಗೆ ಹರಡಿದಾಗ
ರ‍್ಯಾಶಸ್ ವಾರದೊಳಗೆ ಸುಧಾರಿಸುವುದಿಲ್ಲ
ಚರ್ಮವು ಸೋಂಕಿಗೊಳಗಾದಾಗ-ಕೀವು ಸುರಿಯುತ್ತದೆ
ಜ್ವರ ಕಾಣಿಸಿಕೊಳ್ಳುತ್ತದೆ
ಕಾಂಟ್ಯಾಕ್ಟ್ ಡರ್ಮಟೈಟಿಸ್ ಚಿಕಿತ್ಸೆ:
ಚರ್ಮದ ಮೇಲೆ ರಿಯಾಕ್ಷನ್ ಆಗುತ್ತಿರುವ ಕಾರಣವನ್ನು ಕಂಡುಹಿಡಿಯುವುದು ಮತ್ತು ಡರ್ಮಟೈಟಿಸ್ ಅನ್ನು ಪ್ರಚೋದಿಸುವ ಉದ್ರೇಕಕಾರಿ ಅಥವಾ ಅಲರ್ಜಿನ್ ಸಂಪರ್ಕವನ್ನು ತಪ್ಪಿಸುವುದು ಮೊದಲನೆಯದು. ಇದು ಚರ್ಮವನ್ನು ಗುಣಪಡಿಸಲು ಅನುವು ಮಾಡಿಕೊಡುತ್ತದೆ ಮತ್ತು ಮತ್ತಷ್ಟು ಹೆಚ್ಚಾಗುವುದನ್ನು ತಡೆಯುತ್ತದೆ.
ಬ್ಲಾಂಡ್ ಸೋಪ್ ಮತ್ತು ನೀರಿನಿಂದ ಚರ್ಮವನ್ನು ತೊಳೆಯುವುದು.
ಕೂಲ್ ಕಂಪ್ರೆಸ್ಗಳು ಉರಿಯೂತ ಮತ್ತು ತುರಿಕೆ ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಲವಣಯುಕ್ತ ಅಥವಾ ಬರೋ ದ್ರಾವಣದಲ್ಲಿ ನೆನೆಸುವುದು (ಅಲ್ಯೂಮಿನಿಯಂ ಅಸಿಟೇಟ್ ದ್ರಾವಣ) ಹೆಚ್ಚುವರಿ ಪರಿಹಾರ ನೀಡುತ್ತದೆ.
ಚರ್ಮವು ಈಗಾಗಲೇ ರಿಕಿರಿಯುಂಟುಮಾಡುವ ಕಾರಣ ಡೆಟೋಲ್, ಸಾವ್ಲಾನ್ ಇತ್ಯಾದಿಗಳನ್ನು ಬಳಕೆ ಮಾಡಬೇಡಿ.
ಹೈಪೋಲಾರ್ಜನಿಕ್, ಸುಗಂಧ ರಹಿತ ಮಾಯಿಶ್ಚರೈಸರ್ ಅನ್ನು ಬಳಸುವುದರಿಂದ ಚರ್ಮದ ಉರಿಯನ್ನು ಶಮನಗೊಳಿಸುತ್ತದೆ ಮತ್ತು ತುರಿಕೆಯನ್ನು ನಿವಾರಿಸುತ್ತದೆ.
ಗಂಭೀರ ಚರ್ಮಸಮಸ್ಯೆ ಎದುರಿಸುತ್ತಿರುವವರು ವೈದ್ಯರ ಬಳಿ ಔಷಧ ಪಡೆಯುವ ಅಗತ್ಯವಿದೆ.
ಫೇಸ್ ಮಾಸ್ಕ್ ಧರಿಸುವುದರಿಂದ ಮುಖದ ಎಸ್ಜಿಮಾವನ್ನು ತಡೆಗಟ್ಟುವ ಮಾರ್ಗಗಳು:
ಸೂಕ್ತ ಕ್ಲೆನ್ಸರ್ ಬಳಸಿ, ಪ್ಯಾಟ್ ಚರ್ಮವನ್ನು ಒಣಗಿಸಿ, ತದನಂತರ ಮಾಸ್ಕ್ ಧರಿಸುವ ಮೊದಲು ಮತ್ತು ನಂತರ ಮಾಯಿಶ್ಚರೈಸರ್ ಲೇಪಿಸಿ.
ನಿಮಗೆ ಸಾಧ್ಯವಾದಾಗಲೆಲ್ಲಾ ಮಾಸ್ಕ್ ಅನ್ನು ಮುಖದಿಂದ ತೆಗೆಯಿರಿ, ವಿಶ್ರಮಿಸಿ
ಬಟ್ಟೆಯಿಂದ ತಯಾರಿಸಿದ ಮಾಸ್ಕ್ ಅನ್ನು ಆಗಾಗ್ಗೆ ತೊಳೆಯಿರಿ. ಪ್ರತಿ ಬಳಕೆಯ ನಂತರವೂ ನಿಮ್ಮ ಮುಖಗವಸನ್ನು ತೊಳೆಯಲು ಸೆಂಟರ್ ಫಾರ್ ಡಿಸೀಸ್ ಕಂಟ್ರೋಲ್ (ಸಿಡಿಸಿ) ಶಿಫಾರಸು ಮಾಡುತ್ತದೆ.
ಮತ್ತೆ ಮಾಸ್ಕ್ ಧರಿಸುವ ಮುನ್ನ ನೀವು ತೊಳೆದು ಹಾಕಿದ್ದ ಮಾಸ್ಕ್ ಸಂಪೂರ್ಣವಾಗಿ ಒಣಗಿದಿಯೇ ಎಂಬುದನ್ನು ಪರೀಕ್ಷಿಸಿಕೊಳ್ಳಿ
ಕೈಗವಸುಗಳಿಂದಾಗಿ ಎಸಿಡಿಯ ನಿರ್ವಹಣೆ:
ಕೈ ತೊಳೆದ ನಂತರ ಮಾಯಿಶ್ಚರೈಸರ್ ಅನ್ನು ಧಾರಾಳವಾಗಿ ಬಳಸಿ
ದಪ್ಪ ಜಿಡ್ಡಿನ ಕ್ರೀಮ್‌ಗಳು ಲೋಷನ್‌ಗಳಿಗಿಂತ ಹೆಚ್ಚು ರಕ್ಷಣೆ ನೀಡುತ್ತವೆ.
ಸೂಕ್ಷ್ಮ ಚರ್ಮ ಹೊಂದಿರುವ ಜನರು ತಕ್ಷಣ ಚರ್ಮರೋಗ ವೈದ್ಯರನ್ನು ಸಂಪರ್ಕಿಸಬೇಕು.
ಡರ್ಮಟೈಟಿಸ್: ಚರ್ಮದ ಉರಿಯೂತವನ್ನು ಸೂಚಿಸುತ್ತದೆ. ಇದು ಎರಡು ಪ್ರಕಾರಗಳಾಗಿರಬಹುದು; ಅಲರ್ಜಿಕ್ ಕಾಂಟ್ಯಾಕ್ಟ್ ಡರ್ಮಟೈಟಿಸ್ ಮತ್ತು ಇರಿಟ್ಯಾಂಟ್ ಕಾಂಟ್ಯಾಕ್ಟ್ ಡರ್ಮಟೈಟಿಸ್.
