ಬ್ರಿಟನ್ನ ಅತಿದೊಡ್ಡ ರಾಷ್ಟ್ರೀಯ ಆರೋಗ್ಯ ಸೇವೆ (ಎನ್‌ಹೆಚ್‌ಎಸ್) ಟ್ರಸ್ಟ್ ಇದೀಗ ರಾನ್ಸಮ್‌ವೇರ್ (ransomware) ದಾಳಿಗೆ ತುತ್ತಾಗಿದೆ. 2.5 ಮಿಲಿಯನ್ ರೋಗಿಗಳ ವೈದ್ಯಕೀಯ ದಾಖಲೆ ಇದರಲ್ಲಿತ್ತು. ಹೀಗಾಗಿ ಆರೋಗ್ಯ ವ್ಯವಸ್ಥೆ ಮೇಲೆ ಬಹುದೊಡ್ಡ ಪರಿಣಾಮ ಬೀರಿದೆ ಎನ್ನಲಾಗಿದೆ.
ಬ್ರಿಟನ್ ಆರೋಗ್ಯ ವ್ಯವಸ್ಥೆಯ ದತ್ತಾಂಶಗಳ ಮೇಲೆ ನಡೆದ ಅತಿದೊಡ್ಡ ಉಲ್ಲಂಘನೆ ಪ್ರಕರಣವಿದು. ರಾನ್ಸಮ್‌ವೇರ್ ಗ್ಯಾಂಗ್ ಬ್ಲಾಕ್ಕ್ಯಾಟ್, ಬರ್ಟ್ಸ್ ರಾಷ್ಟ್ರೀಯ ಆರೋಗ್ಯ ಸೇವೆ ಟ್ರಸ್ಟ್ನ 70 ಟೆರಾಬೈಟ್ಸ್ ಪ್ರಮುಖ ದತ್ತಾಂಶವನ್ನು ಕದ್ದಿರುವುದಾಗಿ ಹೇಳಿದೆ. ಈ ಟ್ರಸ್ಟ್ ಲಂಡನ್ ಮೂಲದ ಐದು ಆಸ್ಪತ್ರೆಗಳನ್ನು ನಡೆಸುತ್ತಿದೆ ಎಂದು ಟೆಕ್ಕ್ರಂಚ್ ವರದಿ ಮಾಡಿದೆ.
ಉದ್ಯೋಗಿಗಳ ಡ್ರೈವಿಂಗ್ ಲೈಸನ್ಸ್, ಗೌಪ್ಯತೆಯ ಆಂತರಿಕ ಇಮೇಲ್ ಸೇರಿದಂತೆ ಉದ್ಯೋಗಿಗಳ ಗುರುತು ಪತ್ತೆಯ ಪ್ರಮುಖ ದಾಖಲಾತಿಗಳ ಮೇಲೆ ಈ ದಾಳಿ ನಡೆಸಲಾಗಿದೆ. ಎಎಲ್ಪಿಎಚ್ವಿ ಎಂದು ಹೆಸರಾಗಿರುವ ಬ್ಲಾಕ್ ಕಾಟ್, ತನ್ನ ಬೇಡಿಕೆ ಈಡೇರಿಕೆ ಸೋಮವಾರದವರೆಗೆ ಗಡುವು ನೀಡಿದೆ. ಒಂದು ವೇಳೆ ಅದರೊಳಗೆ ಬೇಡಿಕೆ ಈಡೇರದಿದ್ದರೆ ಕದ್ದಿರುವ ಗೌಪತ್ಯೆಯ ದತ್ತಾಂಶವನ್ನು ಡಾರ್ಕ್ವೆಬ್‌ನಲ್ಲಿ ಹಂಚಿಕೊಳ್ಳುವುದಾಗಿ ಬೆದರಿಕೆಯೊಡ್ಡಿದೆ. ಈ ಬೇಡಿಕೆ ಹಣದ್ದೋ ಅಥವಾ ಮತ್ತಿನ್ಯಾವ ಮೂಲದ್ದು ಎಂಬುದರ ಕುರಿತು ಸಂಸ್ಥೆ ಬಹಿರಂಗಪಡಿಸಿಲ್ಲ. ಈ ಕುರಿತು ಮಾತನಾಡಿರುವ ಬ್ರಟ್ಸ್ ಹೆಲ್ತ್ ವಕ್ತಾರ, ರಾನ್ಸಮ್‌ವೇರ್ ತಮ್ಮ ದತ್ತಾಂಶಕ್ಕೆ ಕನ್ನ ಹಾಕಿದ್ದು, ಈ ಬಗ್ಗೆ ತುರ್ತು ತನಿಖೆ ನಡೆಸಬೇಕಿದೆ ಎಂದಿದ್ದಾರೆ.
ದತ್ತಾಂಶ ಉಲ್ಲಂಘನೆಗಿಲ್ಲ ಕಡಿವಾಣ : ಇತ್ತೀಚಿನ ವಾರದಲ್ಲಿ ನಡೆದ ಎರಡನೇ ದತ್ತಾಂಶ ಉಲ್ಲಂಘನಾ ಪ್ರಕರಣ ಇದಾಗಿದೆ. ಜೂನ್ನಲ್ಲಿ ರಾನ್ಸಮ್‌ವೇರ್, ಮ್ಯಾಂಚೆಸ್ಟರ್ ಯುನಿವರ್ಸಿಟಿ ಮೇಲೆ ದಾಳಿ ನಡೆಸಿ, 200 ಆಸ್ಪತ್ರೆಗಳ ದೊಡ್ಡ ಸಂಖ್ಯೆಯ ರೋಗಿಗಳ ಮಾಹಿತಿ ದಾಖಲಾತಿಗಳನ್ನು ಅಕ್ರಮವಾಗಿ ಪಡೆದಿತ್ತು.
ಜೂನ್ 23ರಂದು ನಮ್ಮ ಸಿಸ್ಟಂಗಳಿಂದ ಹಳೆಯ ವಿದ್ಯಾರ್ಥಿಗಳ ದತ್ತಾಂಶಗಳನ್ನು ಕದಿಯಲಾಗಿತ್ತು. ಈ ಸಂಬಂಧ ದೂರು ನೀಡಲಾಗಿದೆ. ದತ್ತಾಂಶವನ್ನು ರಕ್ಷಿಸಲು ಸಲಹೆ ನೀಡಲಾಗಿದೆ. ನಮ್ಮ ಆಂತರಿಕ ಡೇಟಾ ತಜ್ಞರು ಪ್ರಕರಣ ಪರಿಹರಿಸಲು ಹಗಲು- ರಾತ್ರಿ ಎನ್ನದೆ ಕೆಲಸ ಮಾಡುತ್ತಿದ್ದಾರೆ. ಈ ಬಗ್ಗೆ ಹೆಚ್ಚಿನ ವಿವರಣೆ ನೀಡಲು ಸಾಧ್ಯವಿಲ್ಲ ವಿವಿ ಮೂಲಗಳು ತಿಳಿಸಿವೆ.
ಜೂನ್ನಲ್ಲಿ ಬ್ರಿಟನ್ ಸಂವಹನ ನಿಯಂತ್ರಕ ಆಫ್ಕಾಮ್, ಪ್ರೊಗ್ರೆಸ್ ಸಾಫ್ಟ್ವೇರ್ನ ಮೂವ್ಇಟ್ ಕೂ ರಾನ್ಸಮ್‌ವೇರ್ ದಾಳಿಗೆ ತುತ್ತಾಗಿ ದತ್ತಾಂಶದ ಉಲ್ಲಂಘನೆ ನಡೆದಿತ್ತು. ಇಷ್ಟೇ ಅಲ್ಲದೇ ಬ್ರಿಟನ್ ಸರ್ಕಾರಕ್ಕೆ ಪ್ರಮುಖ ಸೇವೆ ಒದಗಿಸುತ್ತಿರುವ ಹೊರಗುತ್ತಿಗೆ ಸಂಸ್ಥೆ ಕ್ಯಾಪಿಟಾ ಕೂಡ ರಾನ್ಸಮ್‌ವೇರ್ ದಾಳಿಗೆ ತುತ್ತಾಗಿದ್ದಾಗಿ ಮೇನಲ್ಲಿ ತಿಳಿಸಿದೆ. ಇದು 90 ಸಂಘಟನೆಗಳ ವೈಯಕ್ತಿಕ ಮಾಹಿತಿಯನ್ನು ದಾಳಿ ಮೂಲಕ ಪಡೆದಿತು ಎಂದು ವರದಿ ತಿಳಿಸಿದೆ.
ಇದನ್ನೂ ಓದಿ: ಬಳಕೆದಾರರ ಮಾಹಿತಿ ಕದ್ದು ಚೀನಾಗೆ ರವಾನೆ; Google Playನಲ್ಲಿವೆ ಈ ಅಪಾಯಕಾರಿ ಆ್ಯಪ್ಗಳು!
