ನವದೆಹಲಿ : ಭಾರತದಲ್ಲಿ 60 ಅಥವಾ ಅದಕ್ಕಿಂತ ಹೆಚ್ಚಿನ ವಯಸ್ಸಿನ 10 ಮಿಲಿಯನ್‌ಗಿಂತಲೂ (1 ಕೋಟಿ) ಹೆಚ್ಚು ವಯಸ್ಕರು ಬುದ್ಧಿಮಾಂದ್ಯತೆ ಹೊಂದಿರಬಹುದು. ಈ ಪ್ರಮಾಣವನ್ನು ಅಮೆರಿಕ ಮತ್ತು ಇಂಗ್ಲೆಂಡ್ನಂತ ದೇಶಗಳಲ್ಲಿ ಇರುವ ವಯಸ್ಕ ಬುದ್ಧಿಮಾಂದ್ಯತೆಯ ಪ್ರಮಾಣಕ್ಕೆ ಹೋಲಿಸಬಹುದು ಎಂದು ಸಂಶೋಧನೆಯೊಂದರಲ್ಲಿ ಹೇಳಲಾಗಿದೆ. ಈ ರೀತಿಯ ಸಂಶೋಧನೆ ಕೈಗೊಂಡಿದ್ದು ಇದೇ ಮೊದಲ ಬಾರಿಗೆ ಎನ್ನಲಾಗಿದೆ. ಈ ಸಂಶೋಧನೆಯಲ್ಲಿ 31,477 ಹಿರಿಯ ವಯಸ್ಕರಿಂದ ಪಡೆಯಲಾದ ಡೇಟಾವನ್ನು ವಿಶ್ಲೇಷಿಸಲು ಅರೆ ಮೇಲ್ವಿಚಾರಣೆಯ ಮಶೀನ್ ಲರ್ನಿಂಗ್ ಎಂದು ಕರೆಯಲ್ಪಡುವ ಕೃತಕ ಬುದ್ಧಿಮತ್ತೆ (AI) ತಂತ್ರವನ್ನು ಬಳಸಲಾಗಿದೆ. ಸಂಶೋಧನಾ ವರದಿಯು ನ್ಯೂರೋಪಿಡೆಮಿಯಾಲಜಿ ಜರ್ನಲ್‌ನಲ್ಲಿ ಪ್ರಕಟವಾಗಿದೆ.
ಭಾರತದಲ್ಲಿ 60 ಅಥವಾ ಅದಕ್ಕಿಂತ ಹೆಚ್ಚಿನ ವಯಸ್ಸಿನ ವಯಸ್ಕರಲ್ಲಿ ಬುದ್ಧಿಮಾಂದ್ಯತೆಯ ಹರಡುವಿಕೆಯ ಪ್ರಮಾಣವು ಶೇಕಡಾ 8.44 ಆಗಿರಬಹುದು ಎಂದು ಅಂತಾರಾಷ್ಟ್ರೀಯ ಸಂಶೋಧಕರ ತಂಡವು ಕಂಡುಹಿಡಿದಿದೆ. ಈ ಪ್ರಮಾಣವು ದೇಶದ 10.08 ಮಿಲಿಯನ್ ಹಿರಿಯ ವಯಸ್ಕರಿಗೆ ಸಮನಾಗಿರುತ್ತದೆ. ಇದೇ ವಯಸ್ಕರಲ್ಲಿ ಇದು ಅಮೆರಿಕದಲ್ಲಿ ಶೇಕಡಾ 8.8, ಯುಕೆಯಲ್ಲಿ ಶೇಕಡಾ 9 ಮತ್ತು ಜರ್ಮನಿ ಮತ್ತು ಫ್ರಾನ್ಸ್‌ನಲ್ಲಿ ಶೇಕಡಾ 8.5 ರಿಂದ 9 ರ ನಡುವೆ ಇದೆ.
ವಯಸ್ಸಾದವರು, ಮಹಿಳೆಯರು, ಶಿಕ್ಷಣ ಪಡೆಯದವರು ಮತ್ತು ಗ್ರಾಮೀಣ ಪ್ರದೇಶಗಳಲ್ಲಿ ವಾಸಿಸುವವರಲ್ಲಿ ಬುದ್ಧಿಮಾಂದ್ಯತೆಯ ಹರಡುವಿಕೆ ಹೆಚ್ಚಾಗಿರುತ್ತದೆ ಎಂದು ಸಂಶೋಧಕರು ಕಂಡುಕೊಂಡಿದ್ದಾರೆ. ನಮ್ಮ ಸಂಶೋಧನೆಯು ಭಾರತದಲ್ಲಿ 30,000 ಕ್ಕಿಂತ ಹೆಚ್ಚು ವಯಸ್ಸಾದ ವಯಸ್ಕರನ್ನು ಒಳಗೊಂಡಿರುವ ಭಾರತದಲ್ಲಿನ ಮೊದಲ ಮತ್ತು ಏಕೈಕ ರಾಷ್ಟ್ರಮಟ್ಟದಲ್ಲಿ ವಯಸ್ಸಾದವರ ಅಂಕಿ - ಅಂಶಗಳನ್ನು ಆಧರಿಸಿದೆ ಎಂದು ಸಂಶೋಧನಾ ವರದಿಯ ಸಹ - ಲೇಖಕ ಮತ್ತು ಸರ್ರೆ ವಿಶ್ವವಿದ್ಯಾನಿಲಯದ ಆರೋಗ್ಯ ದತ್ತಾಂಶ ವಿಜ್ಞಾನದ ಉಪನ್ಯಾಸಕರಾದ ಹಾಮಿಯೊ ಜಿನ್ ಹೇಳಿದರು.
ಈ ರೀತಿಯ ದೊಡ್ಡ ಮತ್ತು ಸಂಕೀರ್ಣ ಡೇಟಾವನ್ನು ಅರ್ಥೈಸುವಲ್ಲಿ AI ವಿಶಿಷ್ಟ ಶಕ್ತಿಯನ್ನು ಹೊಂದಿದೆ ಮತ್ತು ನಮ್ಮ ಸಂಶೋಧನೆಯು ಸ್ಥಳೀಯ ಮಾದರಿಗಳಿಂದ ಹಿಂದಿನ ಅಂದಾಜುಗಳಿಗಿಂತ ಬುದ್ಧಿಮಾಂದ್ಯತೆಯ ಹರಡುವಿಕೆಯು ಹೆಚ್ಚಿರಬಹುದು ಎಂಬುದನ್ನು ಕಂಡುಹಿಡಿದಿದೆ ಎಂದು ಜಿನ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ. ಯುನಿವರ್ಸಿಟಿ ಆಫ್ ಸರ್ರೆ, ಯುನಿವರ್ಸಿಟಿ ಆಫ್ ಸದರ್ನ್ ಕ್ಯಾಲಿಫೋರ್ನಿಯಾ, ಯುನಿವರ್ಸಿಟಿ ಆಫ್ ಮಿಚಿಗನ್, ಮತ್ತು ಆಲ್ ಇಂಡಿಯಾ ಇನ್ಸಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸಸ್, ನವದೆಹಲಿಯ ಸಂಶೋಧನಾ ತಂಡವು AI ಕಲಿಕೆಯ ಮಾದರಿ ಅಭಿವೃದ್ಧಿಪಡಿಸಿವೆ.
ಸಂಶೋಧನೆಗೆ ಬಳಸಲಾದ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ ಮಾಡೆಲ್ ಡೇಟಾದ ಮೇಲೆ ತರಬೇತಿ ಪಡೆದಿದೆ. ಇದು ಹೊಸ ಆನ್‌ಲೈನ್ ಒಮ್ಮತದ ಮೂಲಕ ಬುದ್ಧಿಮಾಂದ್ಯತೆಯ ರೋಗ ನಿರ್ಣಯದೊಂದಿಗೆ 70 ಪ್ರತಿಶತ ಲೇಬಲ್ ಡೇಟಾಸೆಟ್ ಅನ್ನು ಒಳಗೊಂಡಿದೆ. ಉಳಿದ 30 ಪ್ರತಿಶತ ಡೇಟಾವನ್ನು AI ಯ ಮುನ್ಸೂಚಕ ನಿಖರತೆಯನ್ನು ನಿರ್ಣಯಿಸಲು ಪರೀಕ್ಷಾ ಸೆಟ್‌ನಂತೆ ಕಾಯ್ದಿರಿಸಲಾಗಿದೆ.
ಈ ಸಂಶೋಧನೆಗಳು ಮುಂದುವರೆಯುತ್ತಿರುವಂತೆ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ ಇದು ಸಂಕೀರ್ಣ ದತ್ತಾಂಶದಲ್ಲಿನ ಮಾದರಿಗಳನ್ನು ಕಂಡುಹಿಡಿಯುವ ದೊಡ್ಡ ಸಾಮರ್ಥ್ಯವನ್ನು ಹೊಂದಿದೆ ಮತ್ತು ಜೀವಗಳನ್ನು ಉಳಿಸಲು ನಿಖರವಾದ ವೈದ್ಯಕೀಯ ಮಧ್ಯಸ್ಥಿಕೆಗಳ ಅಭಿವೃದ್ಧಿಯನ್ನು ಬೆಂಬಲಿಸಲು ವಿವಿಧ ಸಮುದಾಯಗಳ ಜನರ ಮೇಲೆ ರೋಗಗಳು ಹೇಗೆ ಪರಿಣಾಮ ಬೀರುತ್ತವೆ ಎಂಬುದರ ಕುರಿತು ನಮ್ಮ ತಿಳುವಳಿಕೆಯನ್ನು ಸುಧಾರಿಸುತ್ತದೆ ಎಂಬುದು ತಿಳಿಯುತ್ತಿದೆ ಎಂದು ಯುನಿವರ್ಸಿಟಿ ಆಫ್ ಸರ್ರೆಸ್ ಇನ್‌ಸ್ಟಿಟ್ಯೂಟ್ ಫಾರ್ ಪೀಪಲ್-ಕೇಂದ್ರಿತ AI ನ ನಿರ್ದೇಶಕರು ಪ್ರೊಫೆಸರ್ ಆಡ್ರಿಯನ್ ಹಿಲ್ಟನ್ ಹೇಳಿದ್ದಾರೆ.
ಇದನ್ನೂ ಓದಿ : ಎಚ್3 ಎನ್2 ಸೇರಿ ಶೀತ ಜ್ವರ ಪ್ರಕರಣ: ಆರೋಗ್ಯ ಇಲಾಖೆಯಿಂದ ಮಾರ್ಗಸೂಚಿ ಪ್ರಕಟ
