ಹೈದರಾಬಾದ್: ಫಲವತ್ತತೆ ಎಂಬ ಸಮಸ್ಯೆ ಪುರುಷ ಮತ್ತು ಮಹಿಳೆ ಇಬ್ಬರಲ್ಲೂ ಕಾಡ ಬಹುದಾಗಿದೆ. ಇದಕ್ಕೆ ದೈಹಿಕ ಸಮಸ್ಯೆ ಮತ್ತು ಇತರ ಕಾರಣಗಳು ಇರಬಹುದು. 35 ವರ್ಷವಾದ ಬಳಿಕ ಮಹಿಳೆಯರ ಫಲವತ್ತತೆ ಕುಗ್ಗುವ ಹಿನ್ನೆಲೆಯಲ್ಲಿ ಆಕೆ ಸಲಭವಾಗಿ ಮಕ್ಕಳನ್ನು ಪಡೆಯುವುದು ಕಷ್ಟವಾಗಬಹುದು. ಪುರುಷರಲ್ಲೂ ಕೂಡ ವೀರ್ಯಾಣುಗಳ ಸಂಖ್ಯೆ ಕಡಿಮೆಯಾಗಿ ಗರ್ಭಧಾರಣೆಗೆ ತೊಡಕಾಗಬಹುದು. ಇದು ಫಲವತ್ತತೆಗೆ ಪ್ರಮುಖ ಕಾರಣವಾಗುತ್ತದೆ.
ಈ ಫಲವತ್ತತೆ ಸಮಸ್ಯೆ ಅನೇಕ ಜೋಡಿಗಳಿಗೆ ಮಗುವನ್ನು ಹೊಂದಿರುವ ಕನಸಿಗೆ ತೊಡಕಾಗುವಂತೆ ಮಾಡುತ್ತದೆ. ಇಂತಹ ಸಮಸ್ಯೆಗೆ ವೈದ್ಯಕೀಯ ಲೋಕದಲ್ಲಿ ಹುಟ್ಟಿದ ಪರಿಹಾರವೇ ಐವಿಎಫ್. ಇನ್ವಿಟ್ರೋ ಫರ್ಟಿಲೈಸೆಷನ್. ಟೆಸ್ಟ್ ಟ್ಯೂಬ್ ಬೇಬಿ ಎಂದೂ ಕರೆಯಲ್ಪಡುವ ನೆರವಿನ ಸಂತಾನೋತ್ಪತ್ತಿ ತಂತ್ರ ಇದಾಗಿದೆ. ಈ ತಂತ್ರದ ಮೂಲಕ 1978ರಲ್ಲಿ ಮೊದಲ ಬಾರಿಗೆ ಜನಿಸಿದ ಮಗುವೇ ಲೂಯಿಸ್ ಬ್ರೌನ್. ಫಲವತ್ತತೆಯ ಚಿಕಿತ್ಸೆಯಲ್ಲಿ ಇದೊಂದು ದೊಡ್ಡ ಮೈಲಿಗಲ್ಲಾಗಿದ್ದು, ತಮ್ಮದೇ ಮಗುವನ್ನು ಹೊಂದಲು ಕಷ್ಟಪಡುತ್ತಿದ್ದ ಅನೇಕ ದಂಪತಿಗಳಿಗೆ ಇದು ಹೊಸ ಆಶಾಕಿರಣವಾಗಿತ್ತು. ಈ ಐವಿಎಫ್ ಚಿಕಿತ್ಸೆ ಮಹತ್ವವನ್ನು ಗಮನಿಸಿದ ಹಿನ್ನೆಲೆ ಜುಲೈ 25 ಅನ್ನು ವಿಶ್ವ ಐವಿಎಫ್ ದಿನವನ್ನಾಗಿ ಆಚರಣೆ ಮಾಡಲಾಗುತ್ತಿದೆ. ಈ ಮೂಲಕ ಚಿಕಿತ್ಸೆ ಮತ್ತು ಈ ತಂತ್ರದ ಕುರಿತು ಜನರಿಗೆ ಅರಿವು ಮೂಡಿಸಲಾಗುವುದು.
ಏನಿದು ಐವಿಎಫ್ ಚಿಕಿತ್ಸೆ: ಐವಿಎಫ್ ತಂತ್ರದ ಮೂಲಕ ಪಕ್ವವಾದ ಅಂಡಾಣುಗಳನ್ನು ಅಂಡಾಂಶಯದ ಮೂಲಕ ಮೊದಲು ಪಡೆಯಲಾಗುತ್ತದೆ. ಇದನ್ನೂ ವೀರ್ಯಾಣುಗಳ ಮೂಲಕ ಪ್ರಯೋಗಾಲಯದಲ್ಲಿ ಫಲವತ್ತತ್ತೆ ಮಾಡಲಾಗುತ್ತದೆ. ಈ ಫಳಿತಗೊಳಿಸಿದ ಅಂಡಾಣುಗಳು ಬಳಿಕ ಗರ್ಭಕೋಶದೊಳಗೆ ವರ್ಗಾಯಿಸಲಾಗುತ್ತದೆ. ಈ ಸಂಪೂರ್ಣ ಚಕ್ರಕ್ಕೆ ಮೂರು ವಾರಗಳ ಸಮಯ ಬೇಕಾಗುತ್ತದೆ.
ಐವಿಎಫ್ಗೆ ಒಳಗಾಗುವ ಮುನ್ನ ಜೋಡಿಗಳನ್ನು ಹಲವು ಪರೀಕ್ಷೆಗೆ ಒಳಪಡಿಸಲಾಗುತ್ತದೆ. ಈ ಪರೀಕ್ಷೆ ಬಳಿಕ ಅಂತಿಮವಾಗಿ ಈ ಚಿಕಿತ್ಸೆ ಮಾಡಲು ನಿರ್ಧರಿಸಲಾಗುತ್ತದೆ. ಪ್ರಸ್ತುತ ನಮ್ಮ ದೇಶದಲ್ಲಿ ಈ ವೈದ್ಯಕೀಯ ಕ್ಷೇತ್ರದಲ್ಲಿ ನಿರಂತ ಪ್ರಗತಿಯನ್ನು ಕಂಡುಕೊಳ್ಳಲಾಗುತ್ತಿದೆ. ಈ ಕ್ಷೇತ್ರದಲ್ಲಿ ಅನೇಕ ಆಧುನಿಕ ಮಾದರಿಯನ್ನು ಅಳವಡಿಸಿಕೊಳ್ಳಲಾಗುತ್ತಿತ್ತು. ಜೊತೆಗೆ ಈ ಚಿಕಿತ್ಸೆಯನ್ನು ಆಯ್ಕೆ ಮಾಡುವ ಸಂಖ್ಯೆ ಕೂಡ ಹೆಚ್ಚಾಗುತ್ತಿದೆ. ಈ ಚಿಕಿತ್ಸೆ ಆಯ್ಕೆ ಮಾಡಿಕೊಳ್ಳುವ ಮುನ್ನ ಎಲ್ಲ ಪ್ರಕರಣದಲ್ಲೂ ಈ ಐವಿಎಫ್ ಯಶಸ್ವಿಯಾಗುತ್ತದೆ ಎಂಬುದು ಕೂಡ ತಪ್ಪು. ಈ ತಂತ್ರವೂ ನಿಮಗೆ ಶೇ 100ರಷ್ಟು ಫಲಿತಾಂಶವನ್ನು ನೀಡುವುದಿಲ್ಲ. ಕೆಲವು ಪ್ರಕರಣದಲ್ಲಿ ಈ ತಂತ್ರ ಸಂಪೂರ್ಣವಾಗಿ ಯಶಸ್ವಿಯಾಗುವುದಿಲ್ಲ.
ಐವಿಎಫ್ಗೆ ಒಳಗಾಗುವ ವಯಸ್ಸು: ಇನ್ನು ಈ ಚಿಕಿತ್ಸೆಗೆ ಒಳಗಾಗುವ ಜೋಡಿಗಳ ವಯಸ್ಸು ಅಸಿಸ್ಟೆಂಟ್ ರಿಪ್ರೊಡಕ್ಟಿವಿಟಿ ಟೆಕ್ನಾಲಾಜಿ (ರೆಗ್ಯೂಲೇಷನ್) ಬಿಲ್ 2021 ಪ್ರಕಾರ, ಮಹಿಳೆಯರ ವಯಸ್ಸು 21ರಿಂದ 50 ವರ್ಷ ಮತ್ತು ಪುರುಷರ ವಯಸ್ಸು 21ರಿಂದ 55 ವರ್ಷ ಆಗಿರಬೆಕು
ಐವಿಎಫ್ ಚಿಕಿತ್ಸೆಯಿಂದ ಯಾವುದೇ ಗಂಭೀರ ಸಮಸ್ಯೆಗಳು ಎದುರಾಗುವುದಿಲ್ಲ. ಆದರೆ, ಕೆಲವು ವೈದ್ಯಕೀಯ ಚಿಕಿತ್ಸೆಯಿಂದ ಸಣ್ಣ ಅಪಾಯಗಳ ಎದುರಾಗಬಹುದು. ಈ ಚಿಕಿತ್ಸೆಗಳನ್ನು ಸುಲಭವಾಗಿ ನಿರ್ವಹಣೆ ಮಾಡಬಹುದಾಗಿದೆ.
ಇದನ್ನೂ ಓದಿ: ತಾಯಿ ಮತ್ತು ಮಗುವಿನ ಆರೋಗ್ಯದಲ್ಲಿ ಸಣ್ಣ ನಿದ್ರೆಯೂ ಪರಿಣಾಮಕಾರಿ: ಅಧ್ಯಯನ
