ಮಾನವನ ಜೀವಿತಾವಧಿ ವೃದ್ಧಿಗೆ ಏನೆಲ್ಲಾ ಮಾಡಬೇಕು? ಇದಕ್ಕೆ ಸಹಜವಾಗಿ ವೈದ್ಯರಲ್ಲದೇ, ಯಾರನ್ನಾದರೂ ತಿಳಿದವರನ್ನು ಕೇಳಿದರೆ, ದಿನಂಪ್ರತಿ ವ್ಯಾಯಾಮ, ಕಡಿಮೆ ಕೊಬ್ಬಿನ ಅಂಶವುಳ್ಳ, ಕಡಿಮೆ ಕ್ಯಾಲೋರಿ ಇರುವ ಆಹಾರ ಸೇವನೆ, ಕಣ್ತುಂಬಾ ಸುಖನಿದ್ರೆ, ಮದ್ಯಪಾನ, ಧೂಮಪಾನದಿಂದ ದೂರವಿರಬೇಕು ಎಂಬ ಸಲಹೆ ಕೊಡ್ತಾರೆ. ಇದಲ್ಲದೇ, 'ಲೈಂಗಿಕ ಸಂಭೋಗ'ವೂ ಕೂಡ ಮನುಷ್ಯನ ಆಯಸ್ಸನ್ನು ವೃದ್ಧಿಸುತ್ತದೆಯೇ ಎಂಬ ಪ್ರಶ್ನೆಗೆ 'ಹೌದು' ಅಂತಿವೆ ಸಂಶೋಧನೆಗಳು.
ನಿಯಮಿತವಾದ ಲೈಂಗಿಕ ಕ್ರಿಯೆಯು ಮನುಷ್ಯನ ಮನಸ್ಸು ಮತ್ತು ದೇಹ ಸಮತೋಲಿತವಾಗಿರಲು ನೆರವಾಗುತ್ತದೆ. ಅಲ್ಲದೇ, ಪ್ರಣಯವು ಜೀವಿತಾವಧಿಯನ್ನು 20 ವರ್ಷಗಳವರೆಗೆ ಹೆಚ್ಚಿಸುತ್ತದೆ ಎನ್ನುತ್ತಾರೆ ಸಂಶೋಧಕರು. ಲೈಂಗಿಕ ಕ್ರಿಯೆಯು ಸಾವಿನ ಅಪಾಯವನ್ನು ಅರ್ಧದಷ್ಟು ಕಡಿಮೆ ಮಾಡಬಹುದು ಎಂದು ಕೂಡ ಹೇಳಲಾಗುತ್ತಿದೆ. ಇದಕ್ಕೆ ಸಕಾರಣ ಇಲ್ಲವಾದರೂ, ಸಾಧ್ಯತೆಗಳು ಹೆಚ್ಚಿವೆಯಂತೆ.
ಲೈಂಗಿಕತೆಯು ಪಾಲುದಾರರ ಜತೆಗಿನ ನಿಕಟ ಸಂಬಂಧದ ಸಂಕೇತವಾಗಿದೆ. ಮಾನವ ಶಕ್ತಿಯನ್ನೂ ಹೆಚ್ಚಿಸುವ ಜೊತೆಗೆ ಮಾನಸಿಕ ಖಿನ್ನತೆ, ಚಿಂತೆಯನ್ನೂ ದೂರ ಮಾಡುವ ಶಕ್ತಿ ಇದಕ್ಕಿದೆ ಎಂಬುದು ಸಂಶೋಧಕರ ಮಾತು.
ಪ್ರಣಯವು ವ್ಯಾಯಾಮದಂತೆಯೂ ಕೆಲಸ ಮಾಡುತ್ತದೆ. ನಿಯಮಿತವಾಗಿ ವ್ಯಾಯಾಮ(ಪ್ರಣಯ) ಮಾಡುವುದರಿಂದ ಹೃದಯದ ಆರೋಗ್ಯವನ್ನೂ ಕಾಪಾಡಿಕೊಳ್ಳಬಹುದು. ಸಾಮಾನ್ಯವಾಗಿ ಲೈಂಗಿಕತೆಯು ರೋಗ ನಿರೋಧಕ ಶಕ್ತಿಯನ್ನು ವೃದ್ಧಿಸುತ್ತದೆ.
ವಾರಕ್ಕೆ ಒಮ್ಮೆ ಲೈಂಗಿಕ ಕ್ರಿಯೆ ಮಾಡುವವರಿಗಿಂತ ವಾರದಲ್ಲಿ 2 ಬಾರಿ ಸೆಕ್ಸ್ ಮಾಡುವ ಜನರಲ್ಲಿ ಹಿಮೋಗ್ಲೋಬಿನ್ ಅಂಶದ ಪ್ರಮಾಣ ಹೆಚ್ಚಾಗಿ ಹೊಂದಿರುತ್ತಾರೆ ಎಂದು ವಿಕ್ಸ್ ವಿಶ್ವವಿದ್ಯಾಲಯವು ತನ್ನ ಅಧ್ಯಯನದಲ್ಲಿ ಕಂಡುಕೊಂಡಿದೆ. ರೋಗ ನಿರೋಧಕ ಶಕ್ತಿಯ ಕಾರ್ಯನಿರ್ವಹಣೆಯಲ್ಲಿ ಹಿಮೋಗ್ಲೋಬಿನ್ ಹೆಚ್ಚಿನ ಪಾತ್ರ ವಹಿಸುತ್ತದೆ ಎಂಬುದು ಅಧ್ಯಯನದ ಸಾರಾಂಶವಾಗಿದೆ.
ಲೈಂಗಿಕ ಜೀವನವನ್ನು ಹೆಚ್ಚು ನೈಸರ್ಗಿಕ ಮತ್ತು ಆಸಕ್ತಿದಾಯಕವಾಗಿರಿಸಲು ಏನು ಮಾಡಬಹುದು. ವ್ಯಾಯಾಮದ ಜೊತೆಗೆ ನಿಮ್ಮ ಆಹಾರ ಕ್ರಮದ ಬಗ್ಗೆಯೂ ಹೆಚ್ಚು ಗಮನ ಹರಿಸಬೇಕು.
* ಸೋಯಾ ಮತ್ತು ಮೀನಿನ ಖಾದ್ಯ ಲೈಂಗಿಕ ಹಾರ್ಮೋನುಗಳ ಮಟ್ಟವನ್ನು ಹೆಚ್ಚಿಸುತ್ತವೆ.
* ಚಿಕನ್ನಂತಹ ತೆಳುವಾದ ಪ್ರೋಟೀನ್ಗಳು, ಟೈರೋಸಿನ್, ಫಿನೈಲ್ಫ್ರಿನ್ ಮತ್ತು ಅಲನೈನ್ ಅನ್ನು ಹೊಂದಿರುತ್ತವೆ. ಇವು ಲೈಂಗಿಕ ಬಯಕೆಯನ್ನು ಉದ್ರೇಕಗೊಳಿಸುತ್ತವೆ.
* ಕಡಿಮೆ ಕೊಬ್ಬಿನ ಮೊಸರು ಮತ್ತು ಮೊಟ್ಟೆಗಳು ಕೋಲೀನ್ ಅನ್ನು ಹೊಂದಿರುತ್ತವೆ. ಲೈಂಗಿಕ ಬಯಕೆಯನ್ನು ನಿಯಂತ್ರಿಸುವ ರಾಸಾಯನಿಕ ಇವುಗಳಲ್ಲಿದೆ.
* ಹಣ್ಣುಗಳು, ಧಾನ್ಯಗಳು ಮತ್ತು ಹೆಚ್ಚಿನ ಫೈಬರ್ ಆಹಾರಗಳು ಗ್ಲುಟಾಮಿನ್ ಮತ್ತು ಇನೋಸಿಟಾಲ್ ಅನ್ನು ಹೊಂದಿರುತ್ತವೆ. ಇವುಗಳಿಂದ ಲೈಂಗಿಕ ಪರಾಕಾಷ್ಠೆಯ ಹಂತವನ್ನು ಸ್ಥಿರಗೊಳಿಸಲು ಸಹಾಯ ಮಾಡುವ ರಾಸಾಯನಿಕವನ್ನು ಇವು ಹೊಂದಿರುತ್ತದೆ.
ಜೀವಿತಾವಧಿಯನ್ನು ಹೆಚ್ಚಿಸಲು ನೀವು ನಿಯಮಿತವಾದ ಲೈಂಗಿಕತೆಯನ್ನು (regular sex benefits) ಹೊಂದಿರಬೇಕು ಎಂದು ಸಂಶೋಧಕರು ಹೇಳುತ್ತಾರೆ.
ವಾರಕ್ಕೊಮ್ಮೆ ಅಥವಾ ಎರಡು ಬಾರಿ ಸಂಭೋಗಿಸುವವರು ವಾರದಲ್ಲಿ ಒಂದು ಬಾರಿ ಸಂಭೋಗ ಮಾಡುವವರಿಗಿಂತ ಹೆಚ್ಚಿನ ರೋಗನಿರೋಧಕ ಶಕ್ತಿಯನ್ನು (Immunity Booster) ಹೊಂದಿರುತ್ತಾರೆ ಎಂದು ತಿಳಿದು ಬಂದಿದೆ.
