ನವದೆಹಲಿ: ಪುಣೆಯ ಮೈಲಾಬ್ ಡಿಸ್ಕವರಿ ಸೊಲ್ಯೂಷನ್ಸ್ ಲಿಮಿಟೆಡ್ ಮತ್ತು ಚಿಕಾಗೊ ಮೂಲದ ಅಬಾಟ್ ರಾಪಿಡ್ ಡಯಾಗ್ನೋಸ್ಟಿಕ್ಸ್ ಅಭಿವೃದ್ಧಿಪಡಿಸಿದ ಕೋವಿಡ್ -19 ಆ್ಯಂಟಿಜೆನ್ ರಾಪಿಡ್ ಟೆಸ್ಟ್ ಸಾಧನದಿಂದ ತಯಾರಿಸಿದ ಕೋವಿಸೆಲ್ಫ್ಗೆ ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ಐಸಿಎಂಆರ್) ಅನುಮೋದನೆ ನೀಡಿದೆ.
ತಾತ್ಕಾಲಿಕ ಅನುಮೋದನೆಯನ್ನು 2021ರ ಜುಲೈ 5ರವರೆಗೆ ನೀಡಲಾಗಿದೆ. 'ವಿವೇಚನೆಯಿಲ್ಲದ ಪರೀಕ್ಷೆಯನ್ನು ಸೂಚಿಸಲಾಗಿಲ್ಲ. ಬಳಕೆದಾರರ ಕೈಪಿಡಿಯಲ್ಲಿ ತಯಾರಕರು ವಿವರಿಸಿದ ಕಾರ್ಯವಿಧಾನದ ಪ್ರಕಾರವೇ ಪರೀಕ್ಷೆ ನಡೆಸಬೇಕು. ರೋಗಲಕ್ಷಣದ ವ್ಯಕ್ತಿಗಳು ಮತ್ತು ಪ್ರಯೋಗಾಲಯ ದೃಢಪಡಿಸಿದ ಪಾಸಿಟಿವ್ ಪ್ರಕರಣಗಳ ತಕ್ಷಣದ ಸಂಪರ್ಕಗಳಲ್ಲಿ ಮಾತ್ರ ರಾಟ್‌ನಿಂದ ಮನೆ ಪರೀಕ್ಷೆಯನ್ನು ಸೂಚಿಸಲಾಗುತ್ತದೆ' ಎಂದು ಐಸಿಎಂಆರ್ ಹೇಳಿದೆ.
ಓದಿ: 6 ಬ್ಯಾಂಕ್ಗಳ ಖಾಸಗೀಕರಣಕ್ಕೆ ಡೋರ್ ಒಪನ್: ಯಾವೆಲ್ಲಾ Banks ನೀತಿ ಆಯೋಗದ ಪಟ್ಟಿಯಲ್ಲಿವೆ?
ಎಲ್ಲ ಪಾಸಿಟಿವ್ ವ್ಯಕ್ತಿಗಳು ಐಸಿಎಂಆರ್ ಮತ್ತು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ (ಎಂಒಎಚ್ & ಎಫ್‌ಡಬ್ಲ್ಯೂ) ಮಾರ್ಗಸೂಚಿಗಳ ಪ್ರಕಾರ, ಮನೆ ಐಸೋಲೇಷನ್ ಮತ್ತು ಕಾಳಜಿ ಅನುಸರಿಸಲು ಸೂಚಿಸಲಾಗಿದೆ. ರಾಟ್‌ನಿಂದ ನೆಗೆಟಿವ್ ಪರೀಕ್ಷಿಸುವ ರೋಗಲಕ್ಷಣದ ವ್ಯಕ್ತಿಗಳು ಆರ್‌ಟಿಪಿಸಿಆರ್‌ನಿಂದ ತಕ್ಷಣ ತಮ್ಮನ್ನು ಪರೀಕ್ಷಿಸಿಕೊಳ್ಳಬೇಕು.
