ಬೆಂಗಳೂರು: ಎದೆ ನೋವಿನ ರೋಗಿಗಳನ್ನು ಹೃದಯಾಘಾತದಿಂದ ದೂರವಿಡಲು ಸಾಮಾನ್ಯವಾಗಿ ಬಳಸಲು ಉನ್ನತ ಮಟ್ಟದ ಟ್ರಾಫೋನಿನ್ (ಹೃದಯದ ಸ್ನಾಯುವಿನಲ್ಲಿ ಕಂಡುಬರುವ ಒಂದು ರೀತಿಯ ಪ್ರೋಟಿನ್) ಯಾವುದೇ ಕಾರಣವಿಲ್ಲದೇ ಮುಂದಿನ ಎರಡು ವರ್ಷಗಳಲ್ಲಿ ಸಾವಿನ ಅಪಾಯ ಹೆಚ್ಚಿಸಬಲ್ಲುದು ಎಂದು ಹೊಸ ಅಧ್ಯಯನ ತಿಳಿಸಿದೆ.
ಉನ್ನತ ಮಟ್ಟದ ಕಾರ್ಡಿಕ್ ಟ್ರೊಫೊನಿನ್ ಮಟ್ಟ ಆಸ್ಪತ್ರೆಯಲ್ಲಿ ದಾಖಲಾದ ರೋಗಿಗಳಲ್ಲಿ ಕಂಡು ಬಂದಿದೆ. ಅವರಲ್ಲಿ ಯಾವುದೇ ರೀತಿಯ ಹೃದಯಾಘಾತದ ಲಕ್ಷಣಗಳಿಲ್ಲ. ವೈದ್ಯಕೀಯ ಇತಿಹಾಸದ ಮಹತ್ವವೂ ಸ್ಪಷ್ಟವಾಗಿಲ್ಲ ಎಂದು ಯುಕೆಯ ಸೌತಾಂಪ್ಟನ್ ಯುನಿವರ್ಸಿಟಿ ಹೇಳಿದೆ. ಈ ಕುರಿತು ಹೆಚ್ಚಿನ ವಿಶ್ಲೇಷಣೆಗೆ ವಿಶೇಷ ತಂಡವು ವೈದ್ಯಕೀಯ ಸೂಚನೆ ಹೊರತಾಗಿಯೂ ಆಸ್ಪತ್ರೆಗಳಲ್ಲಿ ಯಾವುದಾದರೂ ಕಾರಣದಿಂದ ಟ್ರಾಫೋನಿನ್ ರಕ್ತದ ಪರೀಕ್ಷೆಗೊಳಗಾದ 20 ಸಾವಿರ ರೋಗಿಗಳನ್ನು ಟ್ರಾಕ್ ಮಾಡಿದೆ.
ಅಧ್ಯಯನ ಫಲಿತಾಂಶವನ್ನು ಆನ್ಲೈನ್ ಜರ್ನಲ್ಲ್ಲಿ ಪ್ರಕಟಿಸಲಾಗಿದೆ. ಇದರಲ್ಲಿ ಅಸಾಮಾನ್ಯವಾಗಿ ಉನ್ನತ ಮಟ್ಟದ ಕಾರ್ಡಿಗ್ ಟ್ರೊಫೋನಿನ್ ಮಟ್ಟಗಳು ಸ್ವತಂತ್ರವಾಗಿ ಶೇ 76ರಲ್ಲಿ ಸಾವಿನ ಅಪಾಯದೊಂದಿಗೆ ಸಂಬಂಧ ಹೊಂದಿದೆ. ಇದು ಕೇವಲ ಹೃದಯ ರಕ್ತನಾಳದ ಸಮಸ್ಯೆ ಹೊಂದಿರುವವರಿಗೆ ಮಾತ್ರವಲ್ಲದೇ, ಇತರೆ ಕಾರಣದಿಂದಲೂ ಪರಿಣಾಮ ಹೊಂದಿದೆ ಎಂದಿದ್ದಾರೆ.
ಬಹುತೇಕ ಸಾವಿನ ಕಾರಣದಲ್ಲಿ ಕ್ಯಾನ್ಸರ್ (ಶೇ 46ರಷ್ಟು) ಇದ್ದು, ಇದರ ಬಳಿಕ ಹೃದಯ ರಕ್ತನಾಳ ಸಮಸ್ಯೆ (ಶೇ 13ರಷ್ಟು) ಆಗಿದೆ. ಇದರ ಹೊರತಾಗಿ ಆಸ್ಪತ್ರೆಗೆ ದಾಖಲಾಗಿ ಸಾವನ್ನಪ್ಪಿದ ಪ್ರಕರಣದಲ್ಲಿ ಸಾವಿನ ಕುರಿತು ಅಂಶಗಳನ್ನು ಗಮನಿಸಿದಾಗ ಕಾರ್ಡಿಯಾಕ್ ಟ್ರೊಫೋನಿನ್ ಸಾವಿನ ಅಪಾಯದೊಂದಿಗೆ ಸಂಬಂಧ ಹೊಂದಿರುವುದು ಗೊತ್ತಾಗಿದೆ.
ಇದೊಂದು ಅಬ್ಸರ್ವೇಷನ್ ಅಧ್ಯಯನವಾಗಿದ್ದು, ಕಾರಣ ಮತ್ತು ಪರಿಣಾಮಗಳ ಕುರಿತು ಸ್ಪಷ್ಟ ತೀರ್ಮಾನಕ್ಕೆ ಬರಲು ಸಾಧ್ಯವಿಲ್ಲ ಎಂದು ಅಧ್ಯಯನಕಾರರು ತಿಳಿಸಿದ್ದಾರೆ. ಇದರ ಜೊತೆಗೆ ಈ ಅಧ್ಯಯನವೂ ಅನೇಕ ಮಿತಿ ಹೊಂದಿದ್ದು, ಒಂದೇ ಆಸ್ಪತ್ರೆಯಲ್ಲಿ ಅಧ್ಯಯನ ನಡೆಸಲಾಗಿದೆ ಎಂದು ತಿಳಿಸಿದ್ದಾರೆ.
ಆದಾಗ್ಯೂ, ಹೃದಯ ಸಮಸ್ಯೆ ಪತ್ತೆಯಾಗದೇ ಇರುವವರಲ್ಲೂ ಕೂಡ ಈ ಕಾರ್ಡಿಯಾಕ್ ಟ್ರೊಫೋನಿನ್ ಮಟ್ಟಗಳು ಸಾವಿನ ಅಪಾಯ ಹೊಂದಿರುವುದಾಗಿ ತೋರಿಸಿದೆ. ಇದರಲ್ಲಿ ಹೃದಯ ಸಮಸ್ಯೆ ಪತ್ತೆಯಾಗದವರಲ್ಲೂ ಕೂಡ ಪ್ರಾಣಾಪಾಯ ಹೆಚ್ಚಿಸಿದೆ ಎಂದು ಸಂಶೋಧನೆ ಹೇಳುತ್ತಿದೆ.
ಅಧ್ಯಯನವು ಹೊರಗಿನ ಮಧ್ಯಮ ಅವಧಿಯ ಹೃದಯಾಘಾತದ ಸಾಮಾನ್ಯ ಪಾತ್ರವನ್ನು ಹೊಂದಿರಬಹುದು ಎಂದಿದೆ. ಸಂಶೋಧನೆಯನ್ನು ದೃಢೀಕರಿಸಲು ಮತ್ತು ಮೌಲ್ಯಮಾಪನ ಮಾಡಲು ಇನ್ನೂ ಹೆಚ್ಚಿನ ಸಂಶೋಧನೆಯ ಅಗತ್ಯವಿದೆ ಎಂದು ಅಧ್ಯಯನಕಾರರು ಅಭಿಪ್ರಾಯಪಟ್ಟಿದ್ದಾರೆ.
ಇದನ್ನೂ ಓದಿ: Heart Transplant Day: ಯುವ ಜನತೆಯಲ್ಲಿ ಕಾಡುತ್ತಿರುವ ಹೃದಯ ಸಮಸ್ಯೆ; ಹೃದಯ ಕಸಿ ಚಿಕಿತ್ಸೆ ಬಗ್ಗೆ ಮೂಡಿಸಬೇಕಿದೆ ಜಾಗೃತಿ
