ಹೈದರಾಬಾದ್: ಗರ್ಭಾವಸ್ಥೆಯಲ್ಲಿದ್ದ ಮಗುವಿನಲ್ಲಿ ಅಪರೂಪದ ಮಿದುಳಿನ ರಕ್ತನಾಳಸ ಸಮಸ್ಯೆಗೆ ಒಳಗಾಗಿದ್ದು, ಅದಕ್ಕೆ ಬೋಸ್ಟನ್ ಚಿಲ್ಡ್ರನ್ ಆಸ್ಪತ್ರೆ ಮತ್ತು ಬ್ರಿಗ್ಯಾಮ್ ಆಸ್ಪತ್ರೆ ವೈದ್ಯರು ಯಶಸ್ವಿ ಶಸ್ತ್ರ ಚಿಕಿತ್ಸೆ ನಡೆಸಿದ್ದಾರೆ. ಇದೇ ಮೊದಲ ಬಾರಿಗೆ ಈ ರೀತಿಯ ಸರ್ಜರಿ ನಡೆಸುವ ಮೂಲಕ ಮಗುವಿನ ಜೀವ ಉಳಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಗರ್ಭದಲ್ಲೇ ಇರುವಾಗ ಮಗುವಿನ ಮಿದುಳಿನ ಪಕ್ಕದಲ್ಲೇ 14 ಮಿಲಿಮೀಟರ್ ಅಗದ ರಕ್ತದ ಹರಿವು ಕಂಡಿದೆ. ಇಂತಹ ಅಪರೂಪದ ಸ್ಥಿತಿಯನ್ನು ವೆನೂಸ್ ಆಫ್ ಗ್ಯಾಲೆನ್ ಮಲ್ಫೋರ್ಮೆಷನ್ ಎಂದು ಕರೆಯಲಾಗುವುದು. ಈ ಸಮಸ್ಯೆ ನಿವಾರಣೆ ಮಾಡದಿದ್ದರೆ, ಮಗು ಹುಟ್ಟಿದ ಬಳಿಕ ಮಿದುಳಿನ ಹಾನಿ, ಹೃದಯ ಸಮಸ್ಯೆ ಮತ್ತು ಉಸಿರಾಟದ ಸಮಸ್ಯೆಗೆ ಕಾರಣವಾಗುತ್ತದೆ. ವೆನಸ್ ಆಫ್ ಗ್ಯಾಲೆನ್ ಮಲ್ಫಾರ್ಮೆಷನ್ನಲ್ಲಿ ರಕ್ತದ ನಾಳಗಳು ಮಿದುಳಿನಿಂದ ರಕ್ತವನ್ನು ಸರಿಯಾಗಿ ಸಾಗಿಸುವುದಿಲ್ಲ. ಇದರಿಂದ ನಾಳ ಮತ್ತು ಹೃದಯದಲ್ಲಿ ಹೆಚ್ಚಿನ ಪ್ರಮಾಣದ ರಕ್ತದ ಒತ್ತಡಕ್ಕೆ ಕಾರಣವಾಗುತ್ತದೆ.
30ನೇ ವಾರದ ಗರ್ಭದಲ್ಲಿರುವ ಮಗುವಿನಲ್ಲಿ ಮೊದಲ ಬಾರಿಗೆ ಅಲ್ಟ್ರಾಸೌಂಡ್ ಈ ಸಮಸ್ಯೆ ಪತ್ತೆಯಾಗಿದೆ. ಈ ಸಮಸ್ಯೆ ಪತ್ತೆಯಾದಾಗ ಪೋಷಕರು ಆತಂಕಗೊಂಡಿದ್ದು, ಈ ಸಮಸ್ಯೆ ನಿವಾರಣೆಗೆ ಯುಟೆರೊ ಸರ್ಜಿಕಲ್ ಚಿಕಿತ್ಸೆಗೆ ಮುಂದಾಗಿದ್ದಾರೆ. ಬೊಸ್ಟೊನ್ ಚಿಲ್ಡ್ರನ್ ಆಸ್ಪತ್ರೆ ಮತ್ತು ಬ್ರಿಗ್ಯಾಮ್ ಮತ್ತು ಮಹಿಳಾ ಆಸ್ಪತ್ರೆ ತಂಡ 34 ವಾರದ ಗರ್ಭದಲ್ಲಿದ್ದ ಮಗುವಿಗೆ ಚಿಕಿತ್ಸೆ ನೀಡಲು ಮುಂದಾದರು.
ಅಲ್ಟ್ರಾಸೌಂಡ್ ಮಾರ್ಗದರ್ಶನ ಸಹಾಯದಿಂದ ಅಮ್ನಿಒಸೆಟೆಸಿಸ್ ಬಳಕೆ ರೀತಿಯ ಸೂಚಿ ಬಳಕೆ ಮಾಡಿ ಅಸಹಜವಾಗಿ ರಕ್ತದ ಹರಿವನ್ನು ಕತ್ತರಿಸಲಾಯಿತು. ಭ್ರೂಣದಲ್ಲಿದ್ದ ಮಗುವಿಗೆ ಯಶಸ್ವಿ ಚಿಕಿತ್ಸೆ ನಡೆಸಿದ್ದು, ಮಗುವು ಆರೋಗ್ಯಯುತವಾಗಿದೆ. ಈ ಪ್ರಾಯೋಗಿಕ ಶಸ್ತ್ರಚಿಕಿತ್ಸೆಯ ಯಶಸ್ಸಿನಿಂದಾಗಿ ಭವಿಷ್ಯದಲ್ಲಿ, ಹಲವಾರು ಮಿದುಳಿನ ಸಮಸ್ಯೆ ಹೊಂದಿರುವ ಭ್ರೂಣಗಳಿಗೆ ಅದೇ ರೀತಿಯಲ್ಲಿ ಚಿಕಿತ್ಸೆ ನೀಡಬಹುದು ಎಂದು ವೈದ್ಯರು ತಿಳಿಸಿದ್ದಾರೆ. ಅಲ್ಲದೇ, ಭವಿಷ್ಯವು ಭ್ರೂಣದ ಶಸ್ತ್ರಚಿಕಿತ್ಸೆಯೊಂದಿಗೆ ಇದು ಮಾದರಿಯಾಗಿದೆ.
ಭ್ರೂಣಕ್ಕೆ ಹೃದಯ ಚಿಕಿತ್ಸೆ: ದೆಹಲಿಯ ಏಮ್ಸ್ನಲ್ಲಿ ತಾಯಿಯ ಗರ್ಭದಲ್ಲಿರುವ ಭ್ರೂಣಕ್ಕೆ ಯಶಸ್ವಿ ಹೃದಯ ಕವಾಟ ಚಿಕಿತ್ಸೆಯನ್ನು ವೈದ್ಯರು ನಡೆಸಿದ್ದಾರೆ. ಇದನ್ನು ಕೇಂದ್ರ ಆರೋಗ್ಯ ಸಚಿವ ಮನ್ಸುಖ್ ಮಾಂಡವಿಯಾ ತಿಳಿಸಿದ್ದರು. ಭ್ರೂಣದ ದ್ರಾಕ್ಷಿ ಗಾತ್ರದ ಹೃದಯದ ಬಂದ್ ಆಗಿದ್ದ ವಾಲ್ವ್ ಅನ್ನು ಮತ್ತೆ ತೆರೆಯುವಲ್ಲಿ ವೈದ್ಯರು ಸಫಲರಾಗಿದ್ದಾರೆ. ಈ ಅಪರೂಪದ ಚಿಕಿತ್ಸೆ ನಡೆಸಿದ ವೈದ್ಯರಿಗೆ ಸಚಿವರು ಕೂಡ ಟ್ವೀಟ್ ಮಾಡುವ ಮೂಲಕ ಅಭಿನಂದನೆ ಸಲ್ಲಿಸಿದ್ದಾರೆ. ದ್ರಾಕ್ಷಿ ಗಾತ್ರದ ಹೃದಯಕ್ಕೆ ಯಶಸ್ವಿ ಬಲೂನ್ ಡೈಲೇಶನ್ ಚಿಕಿತ್ಸೆ ಮಾಡಲಾಗಿದೆ. ಈ ವಿಧಾನವನ್ನು ಅಲ್ಟ್ರಾಸೌಂಡ್ ಮೂಲಕ ನಡೆಸಲಾಗುತ್ತದೆ. ಏಮ್ಸ್ನ ಪ್ರಸೂತಿ ಮತ್ತು ಸ್ತ್ರೀರೋಗ ಶಾಸ್ತ್ರ ವಿಭಾಗದ ಜೊತೆಗೆ ಹೃದ್ರೋಗ ಮತ್ತು ಹೃದಯ ಅರಿವಳಿಕೆ ವಿಭಾಗದ ವೈದ್ಯರು ಈ ಸಂಕೀರ್ಣ ಬಲೂನ್ ಡೈಲೇಶನ್ ಚಿಕಿತ್ಸೆಯನ್ನು ಪೂರ್ಣಗೊಳಿಸಿದರು. ವೈದ್ಯರಿಂದ ಪಡೆದ ಮಾಹಿತಿಯ ಪ್ರಕಾರ, ಈ ಚಿಕಿತ್ಸೆಯ ನಂತರ ಭ್ರೂಣ ಮತ್ತು ತಾಯಿ ಇಬ್ಬರೂ ಚೆನ್ನಾಗಿದ್ದಾರೆ.
ಇದನ್ನೂ ಓದಿ: ಒಂದೇ ಹನಿ ರಕ್ತದಲ್ಲಿ ಎಚ್ಐವಿ, ಹೆಪಟೈಟಸ್ ಬಿ ಮತ್ತು ಸಿ ಪತ್ತೆ
