ನವರಾತ್ರಿ ಉಪವಾಸದಲ್ಲಿ ರುಚಿಕರ, ಆರೋಗ್ಯ ಆಹಾರಗಳನ್ನು ಸುಲಭವಾಗಿ ತಯಾರಿಸಿ..

ನವರಾತ್ರಿ ಸಮಯದಲ್ಲಿ ಬಹುತೇಕರು ಉಪವಾಸ ಆಚರಿಸುತ್ತಾರೆ. ಈ ಉಪವಾಸದ ಸಮಯದಲ್ಲಿ ದೇಹಕ್ಕೆ ಚೈತನ್ಯ ನೀಡುವ ಆಹಾರ ಪದ್ಧತಿಗಳ ಆಯ್ಕೆ ಕೂಡ ಅಗತ್ಯವಾಗಿದೆ.

ನವದೆಹಲಿ: ದುರ್ಗಾ ಪೂಜೆಯು ದುಷ್ಟ ಶಕ್ತಿ ನಿವಾರಣೆ ಮಾಡಿ ಒಳಿತು ಮಾಡುವ ದೇವಿಯ ಆರಾಧನೆ ಸಮಯವಾಗಿದೆ. ಇದು ಪ್ರಾರ್ಥನೆಯ ಸಮಯದ ಜೊತೆಗೆ ರುಚಿಕರವಾದ ಆರೋಗ್ಯಕರ ಆಹಾರ ಸೇವನೆ ಅವಧಿಯಾಗಿದೆ. ನವರಾತ್ರಿ ಸಮಯದಲ್ಲಿ ಬಹುತೇಕರು ಉಪವಾಸ ಆಚರಿಸುತ್ತಾರೆ. ಈ ಉಪವಾಸದ ಸಮಯದಲ್ಲಿ ದೇಹಕ್ಕೆ ಚೈತನ್ಯ ನೀಡುವ ಆಹಾರ ಪದ್ಧತಿಗಳ ಆಯ್ಕೆ ಕೂಡ ಅಗತ್ಯವಾಗಿದೆ. ಈ ಹಿನ್ನೆಲೆ ವೊಲ್ಟ್ಸಾ ಬೆಕೊ, ಹೊಸ ಸಂಪ್ರದಾಯ ಮತ್ತು ಅವಿಷ್ಕಾರದ ಆಹಾರ ಭಕ್ಷ್ಯವೊಂದನ್ನು ತಯಾರಿಸುವ ವಿಧಾನವನ್ನು ಹಂಚಿಕೊಂಡಿದ್ದಾರೆ.

ಸಾಬೂದನ್​ ಕಿಚಡಿ: ಬೇಕಾಗುವ ಸಾಮಗ್ರಿಗಳು: 1 ಕಪ್​ ಸಾಬೂದನ್​, 2 ಮಧ್ಯಮ ಗಾತ್ರದ ಬೇಯಿಸಿದ ಆಲೂಗಡ್ಡೆ, ಅರ್ಧ ಕಪ್​ ಹುರಿದು ಜಜ್ಜಿದ ಕಡಲೇಬೀಜ, 2-3 ಹಸಿರು ಮೆಣಸಿನಕಾಯಿ, 1 ಟೇಬಲ್​ ಸ್ಪೂನ್​ ಜೀರಿಗೆ, 1 ಟೀ ಸ್ಪೂನ್​ ತುಪ್ಪ, ರುಚಿಗೆ ಉಪ್ಪು, ಕತ್ತರಿಸಿದ ಕೊತ್ತಂಬರಿ ಅಲಂಕಾರಕ್ಕೆ

ಮಾಡುವ ವಿಧಾನ: ಸಾಬೂದನ್​ ಅನ್ನು ಚೆನ್ನಾಗಿ ತೊಳೆದು 4-5 ಗಂಟೆ ಚೆನ್ನಾಗಿ ನೆನೆಸಿ, ಒಣಗಿಸಿ, ರಾತ್ರಿಯಿಡಿ ರೆಫ್ರಿಜರೇಟರ್​​ನಲ್ಲಿ ಬಿಡಿ. ತುಪ್ಪವನ್ನು ಬಿಸಿ ಮಾಡಿ, ಅದಕ್ಕೆ ಜೀರಿಗೆ ಹಾಕಿ ಬಳಿಕ ಆಲೂಗಡ್ಡೆಯನ್ನು ಚೆನ್ನಾಗಿ ಕಲಸಿ ಮಿಕ್ಸ್​​ ಮಾಡಿ ಅರ್ಧಗಂಟೆ ಬೇಯಿಸಿ, ಬಳಿಕ ಸಾಬೂದನ್​, ಜಜ್ಜಿದ ಕಡಲೇಬೀಜ, ಹಸಿರುವ ಮೆಣಸಿನಕಾಯಿ, ಉಪ್ಪು ಬೆರಸಿ 4-5 ನಿಮಿಷ ಹಾಗೇ ಬಿಸಿ ಮಾಡಿ, ಬಳಿಕ ಕೊತ್ತಂಬರಿ ಸೊಪ್ಪು ಹಾಕಿ ಬಿಸಿಯಾಗಿರುವಾಗಲೇ ಉಣಬಡಿಸಿ

ಸೋರೆಕಾಯಿ ಕೋಪ್ತಾ ಕರಿ: 1 ಕಪ್​ ಸೋರೆಕಾಯಿತಿ, ಅರ್ದ ಕಪ್​ ನೀರಿನಲ್ಲಿ ಕಲಿಸಿದ ಹಿಟ್ಟು, ಕೆಂಪು ಮೆಣಸಿನ ಕಾಯಿ ಪುಡಿ, ಅರ್ಧ ಟೀಸ್ಪೂನ್​ ಜೀರಿಗೆ, ಉಪ್ಪು,ಕರಿಯಲು ಎಣ್ಣೆ.

ಕರಿ ಮಾಡಲು ಬೇಕಾಗುವ ಸಾಮಗ್ರಿ: ಚೆನ್ನಾಗಿ ಕಲುಕಿದ ಮೊಸರು, ಅರ್ಧ ಕಪ್​ ಟಮೊಟ ರಸ, ಅರ್ಧ ಸ್ಪೂನ್​​ ಶುಂಠಿ ಪೇಸ್ಟ್​​, ಅರ್ಧ ಚಮಚ ಜೀರಿಗೆ ಪುಡಿ, ಅರ್ಧ ಚಮಚ ಕೊತ್ತಂಬರಿ ಬೀಜದ ಪುಡಿ, ಉಪ್ಪು, ಕೊತ್ತಂಬರಿ ಸೊಪ್ಪು ಅಲಂಕಾರಕ್ಕೆ

ಮಾಡುವ ವಿಧಾನ: ಕೊಫ್ತಾಗೆ: ಸೋರೆಕಾಯಿ, ನೀರು ಕಲುಕಿದ ಹಿಟ್ಟು, ಜೀರಿಗೆ ಪುಡಿ, ಕೆಂಪು ಮೆಣಸಿನ ಪುಡಿ, ಉಪ್ಪು ಹಾಕಿ ಅದನ್ನು ಸಣ್ಣ ಉಂಡೆಯಾಗಿ ಮಾಡಿ ಎಣ್ಣೆಯಲ್ಲಿ ಕಂದು ಬಣ್ಣ ಬರುವವರೆಗೆ ಕರೆಯಿರಿ.

ಕರಿ ಮಾಡಲು ಮೊಸರು, ಟೊಮೆಟೊ ರಸ, ಶುಂಠಿ ಪೇಸ್ಟ್​​, ಹಸಿರು ಮೆಣಸಿನಕಾಯಿ ಪೇಸ್ಟ್​, ಜೀರಿಗೆ ಪುಡಿ, ದನಿಯಾ ಪುಡಿ ಮತ್ತು ಉಪ್ಪು ಹಾಕಿ ಚೆನ್ನಾಗಿ ಬಿಸಿ ಮಾಡಿ, ಎಣ್ಣೆ ಬಿಡುವವರೆಗೆ ಫ್ರೈ ಮಾಡಿ. ಬಳಿಕ ಕೊಫ್ತಾವನ್ನು ಸೇರಿಸಿ, ಬಿಸಿ ಮಾಡಿ, ಅಂತಿಮವಾಗಿ ಕೊತ್ತಂಬರಿ ಸೊಪ್ಪು ಹಾಕಿ ಚೆನ್ನಾಗಿ ಅಲಂಕರಿಸಿ.

ಫ್ರೂಟ್​ ಸಲಾಡ್​ ಜೊತೆಗೆ ಯೊಗರ್ಟ್​​ : - ಬೇಕಾಗುವ ಸಾಮಗ್ರಿ: ಬಾಳೆಹಣ್ಣು, ಸೇಬು, ದಾಳಿಂಬೆ ಸೇರಿದಂತೆ ಬೇಕಾದ ಹಣ್ಣುಗಳನ್ನು ಚೆನ್ನಾಗಿ ಕತ್ತರಿಸಿ, 1 ಕಪ್​ ಗಟ್ಟಿ ಮೊಸರು, 2 ಟಿಸ್ಪೂನ್​ ಜೇನು ತುಪ್ಪ, ಅರ್ಧ ಟೀಸ್ಪೂನ್​ ಏಲಕ್ಕಿ ಪುಡಿ ರೆಡಿ ಮಾಡಿ ಇಟ್ಟುಕೊಳ್ಳಿ.

ಮಾಡುವ ವಿಧಾನ: ಹಣ್ಣುಗಳನ್ನು ಒಂದು ಬಟ್ಟಲಿಗೆ ಹಾಕಿ, ಅದಕ್ಕೆ ಮೊಸರು, ಜೇನುತುಪ್ಪು ಮತ್ತು ಏಲಕ್ಕಿ ಪುಡಿ ಹಾಕಿ ಚೆನ್ನಾಗಿ ಮಿಕ್ಸ್​​ ಮಾಡಿ. ಇದನ್ನು ರೆಫ್ರಿಜರೇಟರ್​ನಲ್ಲಿಟ್ಟು ಬೇಕಾದಾಗ ಸವಿಯಬಹುದಾಗಿದೆ. (ಐಎಎನ್​ಎಸ್​)

ಇದನ್ನೂ ಓದಿ: ನಿಮಗೆ ಶಕ್ತಿ ಒದಗಿಸುವ ಸುಲಭ ಬೆಳಗಿನ ಆಹಾರಗಳಿವು.. ಹಾಗಾದರೆ ನಿಮ್ಮ ಮೆನುವಿನಲ್ಲಿ ಇವುಗಳಿವೆಯಾ ಚಕ್​ ಮಾಡಿ!