ದೆಹಲಿ ವಾಯು ಗುಣಮಟ್ಟ ಕಳಪೆ; ಮಕ್ಕಳು, ಹಿರಿಯ ನಾಗರಿಕರಲ್ಲಿ ಶ್ವಾಸಕೋಶ ಸಮಸ್ಯೆ ಉಲ್ಬಣ

ದೆಹಲಿಯಲ್ಲಿ ದಿನೇ ದಿನೇ ತೀವ್ರವಾಗುತ್ತಿರುವ ವಾಯು ಮಾಲಿನ್ಯದಿಂದಾಗಿ ಮಕ್ಕಳು ಮತ್ತು ವಯಸ್ಕರಲ್ಲಿ ಅಸ್ತಮಾ ಮತ್ತು ಶ್ವಾಸಕೋಶದ ಸಮಸ್ಯೆ ಉಂಟಾಗುತ್ತಿದೆ.

ನವದೆಹಲಿ: ದೀಪಾವಳಿಗೆ ಮುನ್ನವೇ ರಾಷ್ಟ್ರ ರಾಜಧಾನಿಯಲ್ಲಿ ವಾಯು ಗುಣಮಟ್ಟ ಕಳಪೆ ವರ್ಗಕ್ಕೆ ಕುಸಿದಿದೆ. ನಗರದ ವಾಯು ಗುಣಮಟ್ಟ ಸೂಚ್ಯಂಕ 343 ತಲುಪಿದೆ ಎಂದು ವಾಯು ಗುಣಮಟ್ಟ ಮತ್ತು ಹವಾಮಾನ ವ್ಯವಸ್ಥೆಯ ಮಾಹಿತಿ ವರದಿ ನೀಡಿದೆ. ನಗರದ ದೀರ್​ಪುರ್ ಎಂಬಲ್ಲಿ ಎಕ್ಯೂಐ 369 ಇದ್ದು, ಇದು ಅತ್ಯಂತ ಕಳಪೆ ವರ್ಗವಾಗಿದೆ.

ಪುಸಾ ಮತ್ತು ದೆಹಲಿ ವಿಶ್ವವಿದ್ಯಾಲಯ ಪ್ರದೇಶದಲ್ಲಿ ಎಕ್ಯೂಐ ಪಿಎಂ 2.6 ಮಟ್ಟ ತಲುಪಿದ್ದು, ಎರಡೂ ಕಳಪೆ ವರ್ಗದಲ್ಲಿದೆ. ಲೋದಿ ರಸ್ತೆಯ ವಾಯುಗುಣಮಟ್ಟ ಸೂಚ್ಯಂಕ ಪಿಎಂ 2.5 ಆಗಿದ್ದು 338 ತಲುಪುವ ಮೂಲಕ ಇದೂ ಕೂಡ ಕಳಪೆ ಮಟ್ಟದಲ್ಲೇ ಇದೆ. ಪಿಎಂ 10 ರಸ್ತೆ ಕೂಡ 253ದಲ್ಲಿದೆ.

ಐಐಟಿ ದೆಹಲಿಯಲ್ಲಿ ಪಿಎಂ 2.5 ಇದೆ. ಮಥುರಾ ರಸ್ತೆಯಲ್ಲಿರುವ ವಾಯು ಗುಣಮಟ್ಟ ಸೂಚ್ಯಂಕ ಅತ್ಯಂತ ಕಳಪೆಯಾಗಿದೆ. ನಗರದ ಗಾಳಿ ಗುಣಮಟ್ಟವು ಅತ್ಯಂತ ಕಳಪೆ ವರ್ಗದಡಿಯಲ್ಲಿ ಮತ್ತಷ್ಟು ಹದಗೆಡಲಿದೆ ಎಂದು ಎಸ್​ಎಎಫ್​ಎಆರ್​ ಎಚ್ಚರಿಸಿದೆ.

ಮಕ್ಕಳು, ವಯಸ್ಕರಲ್ಲಿ ಶ್ವಾಸಕೋಶ ಸಮಸ್ಯೆ: ದೆಹಲಿಯಲ್ಲಿ ಹದಗೆಡುತ್ತಿರುವ ವಾಯು ಮಾಲಿನ್ಯವು ಮಕ್ಕಳು ಮತ್ತು ವಯಸ್ಕರಲ್ಲಿ ಅಸ್ತಮಾ ಮತ್ತು ಶ್ವಾಸಕೋಶದ ಸಮಸ್ಯೆಗೆ ಕಾರಣವಾಗಲಿದೆ ಎಂದು ವೈದ್ಯರು ತಿಳಿಸಿದ್ದಾರೆ. ಗಾಳಿಯ ಗುಣಮಟ್ಟ ಮತ್ತು ಹವಾಮಾನ ಮುನ್ಸೂಚನೆ ಮತ್ತು ಸಂಶೋಧನೆಯ ವ್ಯವಸ್ಥೆ (ಎಸ್​ಎಎಫ್​ಎಆರ್​​) ದೆಹಲಿಯ ಒಟ್ಟಾರೆ ವಾಯುಗುಣಮಟ್ಟ ಸೂಚ್ಯಂಕ (ಎಕ್ಯೂಐ) ವರ್ಗದಲ್ಲಿ ಕಳಪೆಯಾಗಿದ್ದು, ಇಂದು 336ಕ್ಕೆ ತಲುಪಿದೆ. ಕಳೆದ ನಾಲ್ಕು ದಿನಗಳಿಂದ ಹವಾಗುಣವಿದೆ. ಕಳಪೆ ಗಾಳಿಯಿಂದಾಗಿ ರೋಗಿಗಳ ಸಂಖ್ಯೆಯಲ್ಲಿ ಗಮನಾರ್ಹ ಏರಿಕೆ ಕಂಡಿದೆ. ಉಸಿರಾಟ ಸಮಸ್ಯೆ ಉಲ್ಬಣಗೊಂಡು ಆಸ್ಪತ್ರೆಗೆ ದಾಖಲಾಗುತ್ತಿದ್ದಾರೆ ಎಂದು ಶಾಲಿಮರ್​ ಬಾಗ್​ನ ಫೋರ್ಟಿಸ್​ ಆಸ್ಪತ್ರೆ ವೈದ್ಯ ವಿಕಾಸ್​ ಮೌರ್ಯ ತಿಳಿಸಿದರು.

ಕಳೆದ ಮೂರರಿಂದ ನಾಲ್ಕು ವಾರದಲ್ಲಿ ಕೆಮ್ಮು, ಶ್ವಾಸಕೋಶದ ಸೋಂಕಿನಿಂದ ಆಸ್ಪತ್ರೆಗೆ ಆಗಮಿಸುತ್ತಿರುವ ರೋಗಿಗಳ ಸಂಖ್ಯೆಯಲ್ಲಿ 20ರಿಂದ 30ರಷ್ಟು ಹೆಚ್ಚವಾಗಿದೆ. ಕೆಲವು ರೋಗಿಗಳು ಕಡಿಮೆ ಶ್ವಾಸಕೋಶದ ಸೋಂಕುಗಳಾದ ನ್ಯೂಮೋನಿಯಾ, ಅಸ್ತಮಾ ಮತ್ತು ಸಿಒಪಿಡಿದಂತಹ ಪ್ರಕರಣದಿಂದ ದಾಖಲಾಗುತ್ತಿದ್ದಾರೆ ಎಂದು ವೈದ್ಯರು ಮಾಹಿತಿ ನೀಡಿದ್ದಾರೆ.

ಮಕ್ಕಳು ಮತ್ತು ಹಿರಿಯ ನಾಯಕರು ಕಳಪೆ ವಾಯು ಗುಣಮಟ್ಟದಿಂದ ಹೆಚ್ಚು ದುರ್ಬಲಗೊಳ್ಳುತ್ತಿದ್ದಾರೆ. ದೀರ್ಘಕಾಲ ಈ ರೀತಿಯ ವಾಯುಗುಣ ಮಟ್ಟಕ್ಕೆ ಯುವ ಜನತೆ ಒಡ್ಡಿಕೊಳ್ಳುವುದರಿಂದ ಅವರಲ್ಲಿ ಶ್ವಾಸಕೋಶದ ಬೆಳವಣಿಗೆ ಕುಂಠಿತಗೊಳ್ಳುತ್ತದೆ. ಈಗಾಗಲೇ ಅನೇಕ ಸಮಸ್ಯೆ ಹೊಂದಿರುವ ಹಿರಿಯರಲ್ಲಿ ಮತ್ತಷ್ಟು ಆರೋಗ್ಯ ಬಿಗಡಾಯಿಸುತ್ತದೆ. ಬ್ರಾಂಕೈಟಿಸ್ ಮತ್ತು ನ್ಯುಮೋನಿಯಾದಂತಹ ಉಸಿರಾಟದ ಸೋಂಕುಗಳ ಹರಡುವಿಕೆ ಜನರಲ್ಲಿ ಆರೋಗ್ಯ ಭಾರ ಹೆಚ್ಚಿಸುತ್ತದೆ ಎಂದಿದ್ದಾರೆ.

ಇದೆ ವೇಳೆ ಮಾತನಾಡಿರುವ ದೆಹಲಿ ಪರಿಸರ ಸಚಿವ ಗೋಪಲ್​ ರೈ, ಮುಂದಿನ 15-20 ದಿನ ಎಕ್ಯೂಐ ಮಟ್ಟ ಮತ್ತಷ್ಟು ಗಂಭೀರವಾಗಲಿದೆ. ತಾಪಮಾನದಲ್ಲಿ ಇಳಿಕೆಯಾಗುತ್ತಿದ್ದು, ಗಾಳಿಯ ವೇಗ ಕಡಿಮೆ ಆಗಿದೆ. ದೆಹಲಿಯ 13 ಹಾಟ್​ಸ್ಪಾಟ್‌ಗಳಲ್ಲಿ ನಡೆಯುತ್ತಿರುವ ಕೆಲಸಗಳು ನಿಯಂತ್ರಣದಲ್ಲಿವೆ ಎಂದರು. (ಐಎಎನ್​ಎಸ್​)

ಇದನ್ನೂ ಓದಿ: ಎಚ್ಚರ! ಪಾರ್ಕಿನ್ಸನ್​ ರೋಗ ಅಪಾಯ ಹೆಚ್ಚಿಸುತ್ತದೆ ವಾಯು ಮಾಲಿನ್ಯ