ಕೋವಿಡ್ 19 ಮತ್ತು ಅದರ ಪ್ರತಿರಕ್ಷಣಾ ಲಸಿಕೆಗಳು ಮೈಗ್ರೇನ್ (ತೀವ್ರ ಸ್ವರೂಪದ ತಲೆನೋವು) ತೀವ್ರತೆಯ ಮೇಲೆ ಕೊಂಚವಾದರೂ ಪರಿಣಾಮ ಬೀರಿದೆ ಎಂದು ಹೊಸ ಅಧ್ಯಯನ ಹೇಳಿದೆ. ಈ ಕುರಿತ ಸಂಶೋಧನಾತ್ಮಕ ವರದಿಯನ್ನು ಯುರೋಪಿಯನ್ ಜರ್ನಲ್ ಆಫ್ ನ್ಯೋರೋಲಾಜಿಯಲ್ಲಿ ಪ್ರಕಟಿಸಲಾಗಿದೆ.
ಸ್ಪಾನಿಷ್ ತಲೆನೋವಿನ ಕ್ಲಿನಿಕ್ನಲ್ಲಿ 550 ಮಂದಿ ವಯಸ್ಕರು ಮೈಗ್ರೇನ್ ಸಂಬಂಧಿತ ಚಿಕಿತ್ಸೆ ಪಡೆದಿದ್ದಾರೆ. ಈ ಪೈಕಿ ಶೇ 44.7ರಷ್ಟು ಮಂದಿಗೆ ಒಮ್ಮೆಯಾದರೂ ಕೋವಿಡ್ ಸೋಂಕು ತಗುಲಿದೆ. ಶೇ 83.3ರಷ್ಟು ಮಂದಿ ಲಸಿಕೆ ಪಡೆದಿದ್ದಾರೆ. ಕೋವಿಡ್ ಬಳಿಕ ತಮ್ಮ ಮೈಗ್ರೇನ್ ಮತ್ತಷ್ಟು ಹೆಚ್ಚಾಯಿತು ಎಂದು ಶೇ 24.7ರಷ್ಟು ಮಂದಿ ತಿಳಿಸಿದರೆ, ಶೇ 11.4 ಮಂದಿ ಲಸಿಕೆ ಪಡೆದ ನಂತರ ಮೈಗ್ರೇನ್ ಪರಿಣಾಮ ಉಲ್ಬಣಿಸಿತು ಎಂದಿದ್ದಾರೆ.
ಅಧ್ಯಯನದಲ್ಲಿ ಭಾಗಿಯಾದ ಶೇ 2.5ರಷ್ಟು ಮಂದಿ ಮೈಗ್ರೇನ್ ಹದಗೆಡುತ್ತಿರುವ ಬಗ್ಗೆ ಹೆಚ್ಚು ಚಿಂತಿತರಾಗಿದ್ದಾರೆ. ಇನ್ನು ಲಸಿಕೆ ಪಡೆದ ಶೇ 17.3ರಷ್ಟು ಜನರು ಮೈಗ್ರೇನ್ ಹದಗೆಡುತ್ತಿರುವ ಬಗ್ಗೆ ಕಾಳಜಿವಹಿಸಿದ್ದಾರೆ. ಸಂಶೋಧಕರು ಇ-ಡೈರಿಯನ್ನು ಪರಿಶೀಲಿಸಿದಾಗ ತಲೆನೋವಿನ ಫ್ರಿಕ್ವೆನ್ಸಿಯಲ್ಲಿ ಮಹತ್ತರ ವ್ಯತ್ಯಾಸ ಕಂಡುಕೊಂಡಿದ್ದಾರೆ. ಸೋಂಕು ಅಥವಾ ಲಸಿಕೆ ಪಡೆಯುವ ಒಂದು ತಿಂಗಳು ಮೊದಲು ಮತ್ತು ನಂತರದಲ್ಲಿ ಬೇರೆ ರೋಗಿಗಳಿಗೆ ಹೋಲಿಸಿದ್ದು, ಈ ರೋಗಿಗಳ ಮೈಗ್ರೇನ್ ಹದಗೆಟ್ಟಿರುವುದು ಗೊತ್ತಾಗಿದೆ.
ಕೋವಿಡ್ ಸೋಂಕಿತರ ಹಿಂದಿನ ತಲೆನೋವಿನ ಫ್ರಿಕ್ವೇನ್ಸಿ ಮತ್ತು ಲಕ್ಷಣಗಳನ್ನು ಉದ್ದೇಶಪೂರ್ವಕವಾಗಿ ಮೈಗ್ರೇನ್ ಹೆಚ್ಚಳದ ಫ್ರಿಕ್ವೆನ್ಸಿಯೊಂದಿಗೆ ಸಂಬಂಧ ಕಲ್ಪಿಸಲು ಸಾಧ್ಯವಿಲ್ಲ ಎಂದು ಲೇಖಕರು ತಿಳಿಸಿದ್ದಾರೆ. ನಮ್ಮ ಫಲಿತಾಂಶದಲ್ಲಿ ಕೋವಿಡ್ ಮತ್ತು ಲಸಿಕೆಗಳಿ ಮೈಗ್ರೇನ್ ಕೋರ್ಸಿನ ಮೇಲೆ ಅಲ್ಪ ಮಟ್ಟಿಗೆ ಪರಿಣಾಮ ಬೀರಿದೆ. ಇದು ಸೋಂಕಿನ ಮೇಲೆ ಪರಿಣಾಮ ಬೀರುವ ಸಾಧ್ಯತೆ ಇದೆ. ಲಸಿಕೆಗಳು ಕಡಿಮೆ ಪ್ರಮಾಣದ ಕೆಟ್ಟ ಪರಿಣಾಮ ಹೊಂದಿವೆ. ಈ ಮಾಹಿತಿ ಮೈಗ್ರೇನ್ ರೋಗಿಗಳಲ್ಲಿ ಚಿಂತೆ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
ಏನಿದು ಮೈಗ್ರೇನ್?: ಮೈಗ್ರೇನ್ ಎಂಬುದು ನರ ವೈಜ್ಞಾನಿಕ ಸಮಸ್ಯೆ. ಈ ನೋವಿಗೆ ಸೂಕ್ತ, ನಿಖರ ಚಿಕಿತ್ಸೆಯಿಲ್ಲ. ವಿಪರೀತ ತಲೆ ನೋವು, ವಾಕರಿಕೆಯಂತಹ ಲಕ್ಷಣವನ್ನು ಇದು ಹೊಂದಿದೆ. ಮೈಗ್ರೇನ್ಗೆ ನಿರ್ದಿಷ್ಟ ಕಾರಣವಿಲ್ಲ. ಆದರೆ, ಇದಕ್ಕೆ ಜೀವನಶೈಲಿ ಮತ್ತು ಆಹಾರ ಪದ್ದತಿಗಳು ಸೇರಿದಂತೆ ದೈಹಿಕ ನೋವು, ಒತ್ತಡಗಳು ಕೂಡ ಕಾರಣವಾಗುತ್ತವೆ. (ಎಎನ್ಐ)
ಇದನ್ನೂ ಓದಿ: Migraine: ದೀರ್ಘಕಾಲದ ಮೈಗ್ರೇನ್ಗೆ ಅಟೊಜೆಪೆಂಟ್ ಔಷಧ ಸುರಕ್ಷಿತ ಮತ್ತು ಪರಿಣಾಮಕಾರಿ; ಅಧ್ಯಯನ
