ಆತಂಕದಲ್ಲಿ ಸೂಗೂರು ಗ್ರಾಮಸ್ಥರು: ಕೊರೊನಾ ಸೋಂಕಿತರ ಮನೆಗೂ ಹೋಗಿ ಧೈರ್ಯ ತುಂಬಿದ ತಹಶೀಲ್ದಾರ್​​!

ಸೂಗೂರು ಗ್ರಾಮದ ಸರ್ಕಾರಿ ಶಾಲಾ ಕ್ವಾರಂಟೈನ್​ನಲ್ಲಿದ್ದು 14 ದಿನಗಳ ನಂತರ ಬಿಡುಗಡೆ ಆದ ರಾತ್ರಿಯೇ ಇಬ್ಬರಲ್ಲಿ ಕೊರೊನಾ ಸೋಂಕು ಇರುವುದಾಗಿ ಆರೋಗ್ಯ ಇಲಾಖೆ ತಿಳಿಸಿತ್ತು. ಇದರಿಂದಾಗಿ ಗ್ರಾಮಸ್ಥರಲ್ಲಿ ಆತಂಕ ಮನೆ ಮಾಡಿದೆ.

ಸುರಪುರ: ತಾಲೂಕಿನ ಸೂಗೂರು ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಅಡ್ಡೋಡಗಿ ಗ್ರಾಮದ ಇಬ್ಬರಲ್ಲಿ ಕೊರೊನಾ ಸೋಂಕು ದೃಢಪಟ್ಟಿದ್ದು, ಗ್ರಾಮಸ್ಥರಲ್ಲಿ ಭಯದ ವಾತಾವರಣ ನಿರ್ಮಾಣವಾಗಿತ್ತು. ಹಾಗಾಗಿ ತಹಶೀಲ್ದಾರ್ ನಿಂಗಣ್ಣ ಬಿರಾದಾರ್ ಗ್ರಾಮಕ್ಕೆ ಭೇಟಿ ನೀಡಿ ಗ್ರಾಮಸ್ಥರಲ್ಲಿ ಅರಿವು ಮೂಡಿಸಿದರು.

ಸೂಗೂರು ಗ್ರಾಮದ ಸರ್ಕಾರಿ ಶಾಲಾ ಕ್ವಾರಂಟೈನ್​ನಲ್ಲಿದ್ದು 14 ದಿನಗಳ ನಂತರ ಬಿಡುಗಡೆ ಆದ ರಾತ್ರಿಯೇ ಇಬ್ಬರಲ್ಲಿ ಕೊರೊನಾ ಸೋಂಕು ಇರುವುದಾಗಿ ಆರೋಗ್ಯ ಇಲಾಖೆ ತಿಳಿಸಿತ್ತು. ಇದರಿಂದಾಗಿ ಗ್ರಾಮಸ್ಥರಲ್ಲಿ ಆತಂಕ ಶುರುವಾಗಿತ್ತು. ಕೊರೊನಾ ಸೊಂಕಿತರನ್ನು ಮತ್ತು ಪ್ರಾಥಮಿಕ ಸಂಪರ್ಕ ಹೊಂದಿದ ಇಬ್ಬರನ್ನು ಐಸೋಲೇಷನ್​ ಕೇಂದ್ರಕ್ಕೆ ಕರೆದೊಯ್ದಿದ್ದರೂ ಕೂಡ ಜನರಲ್ಲಿ ಆತಂಕ ಮೂಡಿತ್ತು.

ಇದನ್ನು ತಿಳಿದು ತಹಶೀಲ್ದಾರ್ ನಿಂಗಣ್ಣ ಬಿರಾದಾರ್, ಗ್ರಾಮಕ್ಕೆ ಭೇಟಿ ನೀಡಿ ಜನರಿಗೆ ಭಯ ಪಡದಂತೆ ಜಾಗೃತಿ ಮೂಡಿಸಿದರು‌. ಇದೇ ವೇಳೆ ಕೊರೊನಾ ಸೊಂಕಿತರ ಮನೆಗೂ ಭೇಟಿ ನೀಡಿ ಚಿಂತಿಸದಂತೆ ಧೈರ್ಯ ತುಂಬಿದರು.