ಯಾದಗಿರಿ: ಕಳೆದ ವರ್ಷವಷ್ಟೇ ಮಗನನ್ನು ಕಳೆದುಕೊಂಡ ಬಡ ಕುಟುಂಬದಲ್ಲಿ ಇದೀಗ ಮಗಳು ಕೂಡ ಜೀವನ್ಮರಣದ ನಡುವೆ ಹೋರಾಡುತ್ತಿದ್ದು, ಕುಟುಂಬಕ್ಕೆ ದಿಕ್ಕೇ ತೋಚದಂತಾಗಿದೆ.
ಕೆಲ ವರ್ಷಗಳಿಂದ ಗುರುಮಠಕಲ್ನ ಸಿಹಿ ನೀರಿನ ಬಾವಿ ಹತ್ತಿರ ಉಪಹಾರ, ಫಾಸ್ಟ್ ಫುಡ್ ಹೋಟೆಲ್ ನಡೆಸುತ್ತ ಜೀವನ ಸಾಗಿಸುತ್ತಿರುವ ನರಸಿಂಹ ಮತ್ತು ಪದ್ಮಾ ದಂಪತಿಯ 6 ವರ್ಷದ ಮಗಳಿಗೆ ಲೀವರ್ ಕಸಿ ಮಾಡಬೇಕಿದ್ದು, ಬೆಂಗಳೂರಿನ ಇಂದಿರಾಗಾಂಧಿ ಮಕ್ಕಳ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು 25 ಲಕ್ಷ ರೂಪಾಯಿ ಖರ್ಚಾಗಲಿದೆ ಎಂದು ಹೇಳಲಾಗುತ್ತಿದೆ.
ಈ ದಂಪತಿಯ ಮೂವರು ಮಕ್ಕಳಲ್ಲಿ ಕಳೆದ ವರ್ಷವಷ್ಟೇ 3 ವರ್ಷದ ಮಗನೊಬ್ಬ ಹೃದಯದಲ್ಲಿ ರಂಧ್ರದ ಸಮಸ್ಯೆಯಿಂದ ಜೀವ ಕಳೆದುಕೊಂಡಿದ್ದಾನೆ. ಈ ಘಟನೆ ಮರೆಯುವ ಮುನ್ನವೇ ಮತ್ತೊಂದು ಆಘಾತ ಎದುರಾಗಿದೆ. ಸದ್ಯ ಬೆಂಗಳೂರಿನ ಇಂದಿರಾಗಾಂಧಿ ಇನ್ಸ್ಟಿಟ್ಯೂಟ್ ಮಕ್ಕಳ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು ಬಾಲಕಿ 'ವಿಲ್ಸನ್ ಡಿಸೀಸ್ ' ಎನ್ನುವ ಮಾರಣಾಂತಿಕ ಕಾಯಿಲೆಯಿಂದ ಬಳಲುತ್ತಿದ್ದಾಳೆ. ಹೊಟ್ಟೆಯಲ್ಲಿ ನೀರು ತುಂಬುತ್ತಿರುವುದರಿಂದ ಲೀವರ್ ಬದಲಾವಣೆ ಅನಿವಾರ್ಯ ಎಂದು ವೈದ್ಯರು ಹೇಳಿದ್ದಾರೆ.
ಆರ್ಥಿಕ ಸಹಾಯಕ್ಕೆ ಮನವಿ: ಬಾಲಕಿ ಕುಟುಂಬ ತೀರಾ ಬಡತನದಲ್ಲಿದ್ದು ಸಹೃದಯಿಗಳಿಂದ ಸಹಾಯಹಸ್ತಕ್ಕೆ ಮನವಿ ಮಾಡಿದ್ದಾರೆ.
ಗೂಗಲ್ ಪೇ - 7829327746
ಫೋನ್ ಪೇ -9573330537 ಸಂಖ್ಯೆಗೆ ನೆರವು ನೀಡಲು ಕೋರಿದ್ದಾರೆ.
