ವೇಗದ ಚಾಲನೆಗೆ ಮೂಕ ಜೀವಿಗಳ ಬಲಿ; ಸಾವಲ್ಲೂ ಒಂದಾದ್ರು ಅಮರ ಪ್ರೇಮಿಗಳು!

ದಾಂಡೇಲಿಯ ಅಂಬೆವಾಡಿ ರೈಲ್ವೆ ಗೇಟ್ ಬಳಿ ಕಾರು ಗುದ್ದಿದ ರಭಸಕ್ಕೆ ಗಂಡು ಜಿಂಕೆ ಸ್ಥಳದಲ್ಲೇ ಮೃತಪಟ್ಟಿತ್ತು. ಈ ಘಟನೆಯನ್ನು ಕಣ್ಣಾರೆ ನೋಡಿ ಆಘಾತಗೊಂಡ ಮತ್ತೊಂದು ಜಿಂಕೆಗೆ ಹೃದಯಾಘಾತದಿಂದ ಸ್ಥಳದಲ್ಲೇ ಕೊನೆಯುಸಿರೆಳೆದಿದೆ. ಮೂಕ ವೇದನೆಯಲ್ಲೇ ಪ್ರಾಣಬಿಟ್ಟ ಪ್ರಾಣಿಗಳ ಮನಕಲಕುವ ವರದಿ ಇದು.

two-deer-dead-in-sirsi

Published : Oct 5, 2019, 6:01 PM IST

ಶಿರಸಿ: ಜಗತ್ತಿನಲ್ಲಿ ನೈಜವಾಗಿ ಪ್ರೀತಿಸುವವರಿಗೆ ಆಯಸ್ಸು ಕಡಿಮೆ ಅಂತಾರೆ! ಇಲ್ಲೊಂದು ಜೋಡಿಗೂ ಆ ಮಾತು ಅನ್ವಯಿಸುತ್ತೆ ನೋಡಿ. ಸಾವಲ್ಲೂ ಒಂದಾದ ಆ ಅಮರ ಪ್ರೇಮಿಗಳ ಕರುಣಾಜನಕ ಕಥೆ ಇದು.

ಪ್ರಿಯಕರನ ಜೊತೆ ಕಾಡಿನಲ್ಲಿ ಸಂತೋಷದಿಂದ ದಿನ ಕಳೆಯುತ್ತಿದ್ದೆ. ಆದರೇನು ಮಾಡೋದು ನಾವು ಒಂದಾಗಿರಲು ದೇವರಿಗೂ ಇಷ್ಟವಿರಲಿಲ್ಲ ಎಂದೆನಿಸುತ್ತೆ. ನಮ್ಮಿಬ್ಬರನ್ನು ಕೊಲ್ಲಲು ಅಕ್ಟೋಬರ್ 4ರಂದು ರಾಕ್ಷಸರಂತೆ ಶ್ವಾನಗಳು ಬೆನ್ನತ್ತಿದ್ವು. ಅವುಗಳಿಂದ ತಪ್ಪಿಸಿಕೊಂಡು ಬರುತ್ತಿದ್ದಾಗ ಕಾರೊಂದು ನನ್ನ ಪ್ರಿಯಕರನಿಗೆ ಗುದ್ದಿತು. ಸ್ಥಳದಲ್ಲೇ ಪ್ರಿಯಕರ ಬಾರದ ಲೋಕಕ್ಕೆ ಹೋದ. ಅವನು ಸತ್ತಿದ್ದು ನೋಡಿ ಮನಸ್ಸಿನಲ್ಲಿ ಏನೋ ತಲ್ಲಣ. ಕಣ್ಣಲ್ಲಿ ನೀರು ಹನಿಗೂಡಿತ್ತು. ಹೃದಯದ ಮೇಲೆ ಬೃಹತ್ ಬಂಡೆ ಬಿದ್ದಂತಾಗಿ ಬಡಿತ ನಿಂತುಹೋಯಿತು. ನಾನು ಪ್ರಿಯಕರ ಇಬ್ಬರೂ ಬಾರದ ಲೋಕ ಸೇರಿದೆವು.

ದಾಂಡೇಲಿಯ ಅಂಬೆವಾಡಿ ರೈಲ್ವೆ ಗೇಟ್ ಬಳಿ ಈ ದುರಂತ ನಡೆದಿದೆ. ಅಮರ ಪ್ರೇಮಿಗಳಾಗಿದ್ದ ಎರಡು ಜಿಂಕೆಗಳಿಗೆ ಕಾರು ಗುದ್ದಿದ್ದ ರಭಸಕ್ಕೆ ಪ್ರಿಯಕರ ತನ್ನ ಕಣ್ಮುಂದೆಯೇ ಮೃತಪಟ್ಟಿದ್ದು ನೋಡಿದ ಪ್ರೇಯಸಿಗೂ ಹೃದಯಾಘಾತ ಸಂಭವಿಸಿ ಸಾವನ್ನಪ್ಪಿದೆ.

ದಾಂಡೇಲಿ ಬಿ.ಇ.ಓ ಜಮೀರ್ ಮುಲ್ಲಾ ಅವರ ಕಾರಿಗೆ ಡಿಕ್ಕಿ ಹೊಡೆದಿವೆ. ಅರಣ್ಯ ಪ್ರದೇಶದಲ್ಲಿ ಜಮೀರ್ ಅವರ ಕಾರು ಚಾಲಕ ಸಂಜೀವ್ಕುಮಾರ್ ವೇಗವಾಗಿ ಕಾರು ಚಲಾಯಿಸಿಕೊಂಡು ಬಂದಿದ್ದೇ ಈ ದುರಂತ ಸಂಭವಿಸಲು ಕಾರಣ. ಘಟನೆ ಸಂಬಂಧ ಸಂಜೀವ್ನನ್ನು ಅರಣ್ಯಾಧಿಕಾರಿಗಳು ವಶಕ್ಕೆ ಪಡೆದಿದ್ದು ಪ್ರಕರಣ ದಾಖಲಿಸಿದ್ದಾರೆ.

ಜಿಂಕೆಗಳ ಹೃದಯ ಮೃದು ಹಾಗೂ ಸೂಕ್ಷ್ಮ. ಅವು ಚಿಕ್ಕ ಆಘಾತವಾದರೂ ತಡೆದುಕೊಳ್ಳುವ ಶಕ್ತಿ ಅವುಗಳಿಗೆ ಇರುವುದಿಲ್ಲ. ನಾಯಿಗಳು ಬೆನ್ನತ್ತಿದ್ದರಿಂದ ಹೆದರಿವೆ. ಕಾರಿಗೆ ಜಿಂಕೆ ಡಿಕ್ಕಿ ಹೊಡೆದು ಅಲ್ಲಿಯೇ ಪ್ರಾಣ ಬಿಟ್ಟಿತ್ತು. ಇನ್ನೊಂದು ಈ ಆಘಾತ ನೋಡಿ ಮೃತಪಟ್ಟಿತ್ತು ಎಂದು ಅರಣ್ಯಾಧಿಕಾರಿ ಅಶೋಕ್ ಹೇಳಿದ್ದಾರೆ.

ಈ ವಲಯವು ರಕ್ಷಿತ ಅರಣ್ಯದ ವ್ಯಾಪ್ತಿಗೆ ಬರುತಿದ್ದು, ವೇಗದ ಮಿತಿ 20 ರಿಂದ 40 ಕಿ.ಮೀ ಇರುತ್ತದೆ. ಇಲ್ಲಿ ವೇಗದ ಮಿತಿಯ ಫಲಕ ಹಾಕಲಾಗಿದೆ. ಆದರೆ, ವಾಹನ ಸವಾರರು ಅದನ್ನು ಉಲ್ಲಂಘಿಸುತ್ತಿದ್ದಾರೆ. ಇದರಿಂದಾಗಿ ಈ ಭಾಗದಲ್ಲಿ ಪ್ರಾಣಿಗಳ ಅಪಘಾತದ ಸಂಖ್ಯೆ ಹೆಚ್ಚುತ್ತಿದೆ. ಅತೀ ವೇಗದಲ್ಲಿ ವಾಹನ ಚಲಾಯಿಸಿದ ಕಾರಣವೇ ಈ ದುರಂತ ಸಂಭವಿಸಿದೆ ಎಂದು ಅರಣ್ಯಾಧಿಕಾರಿ ವಿವರಿಸಿದ್ದಾರೆ.

Intro:ಶಿರಸಿ :
ಜಿಲ್ಲೆಯ ದಾಂಡೇಲಿಯಲ್ಲಿ ನಡೆದ ಎರಡು ಜಿಂಕೆಗಳ ಸಾವಿನ ಕುರಿತು ಹೃದಯ ವಿದ್ರಾಹಕ ಸಂಗತಿಯೊಂದು ಬಹಿರಂಗವಾಗಿದೆ. ಒಂದು ಜಿಂಕೆ ವಾಹನಕ್ಕೆ ಡಿಕ್ಕಿ ಹೊಡೆದು ಮೃತಪಟ್ಟರೆ ಇನ್ನೊಂದು ಜಿಂಕೆ ಸತ್ತ ಜಿಂಕೆಯನ್ನು ನೋಡಿ ಹೃದಯಾಘಾತದಿಂದ ಸಾವು ಕಂಡಿದೆ.

ದಾಂಡೇಲಿಯಿಂದ ಹಳಿಯಾಳ ಕಡೆ ಹೊರಟಿದ್ದ ದಾಂಡೇಲಿಯ ಬಿ.ಇ.ಓ ಜಮೀರ್ ಮುಲ್ಲಾ
ಕಾರು ವೇಗವಾಗಿ ಹೋಗುತಿದ್ದ ವೇಳೆ ಕಾಡಿನಲ್ಲಿ ಜಿಂಕೆಗಳೆರಡನ್ನು ನಾಯಿಗಳು ಅಟ್ಟಿಸಿಕೊಂಡು ಬಂದಿದ್ದು ಈ ವೇಳೆ ವೇಗವಾಗಿ ಬಂದ ಕಾರು ಒಂದು ಜಿಂಕೆಗೆ ಡಿಕ್ಕಿ ಹೊಡೆದು ಸಾವು ಕಂಡಿದೆ ಇದೇ ವೇಳೆ ತನ್ನೆದುರಿನಲ್ಲಿಯೇ ಸಾವುಕಂಡ ಜಿಂಕೆಯನ್ನು ನೋಡಿದ ಮೊತ್ತೊಂದು ಜಿಂಕೆಗೆ ಹೃದಯಾಘಾತವಾಗಿದ್ದು ಅದು ಕೂಡ ಇನ್ನೊಂದು ಜಿಂಕೆಯ ಪಕ್ಕದಲ್ಲೇ ಮೃತಪಟ್ಟಿದೆ.

ಘಟನೆ ಸಂಬಂಧ ಶಿಕ್ಷಣಾಧಿಕಾರಿಯ ಕಾರು ಚಾಲಕ ಸಂಜೀವ್ ಕುಮಾರ್ ನನ್ನು ಅರಣ್ಯಾಧಿಕಾರಿಗಳು ವಶಕ್ಕೆ ಪಡೆದಿದ್ದು ಪ್ರಕರಣ ದಾಖಲಿಸಿದ್ದಾರೆ.

ಜಿಂಕೆಗಳ ಹೃದಯ ಅತೀ ಮೃದು ಹಾಗೂ ಸೂಕ್ಷ್ಮವಾಗಿರುತ್ತದೆ ಹೀಗಾಗಿ ಅವು ಚಿಕ್ಕ ಆಘಾತವನ್ನೂ ತಡೆದುಕೊಳ್ಳುವ ಶಕ್ತಿ ಇರುವುದಿಲ್ಲ, ಮೊದಲೇ ನಾಯಿಗಳು ಅಟ್ಟಿದಿಕೊಂಡು ಬಂದಿದ್ದರಿಂದ ಹೆದರಿದ ಈ ಜಿಂಕೆಗಳು ಓಡುವಾಗ ಕಾರಿಗೆ ಒಂದು ಜಿಂಕೆ ಡಿಕ್ಕಿಹೊಡೆದು ಅಲ್ಲಿಯೇ ಪ್ರಾಣಬಿಟ್ಟಿತ್ತು ಇನ್ನೊಂದು ಜಿಂಕೆ ಈ ಆಘಾತ ನೋಡಿ ಪ್ರಾಣ ಬಿಟ್ಟಿತು ಎಂದು ಇಲ್ಲಿನ ದಾಂಡೇಲಿಯ ಅರಣ್ಯಾಧಿಕಾರಿ ಅಶೋಕ್ ರವರು ಮಾಹಿತಿ ನೀಡಿದ್ದಾರೆ.

Body:ಇನ್ನು ಈ ವಲಯವು ರಕ್ಷಿತ ಅರಣ್ಯದ ವ್ಯಾಪ್ತಿಗೆ ಬರುತಿದ್ದು ಈ ಸ್ಥಳದಲ್ಲಿ ವೇಗದ ಮಿತಿ 20 ರಿಂದ 40km ಇರುತ್ತದೆ .ಪ್ರಾಣಿಗಳು ಓಡಾಡಿವ ಸ್ಥಳವಾದ್ದರಿಂದ ಅರಣ್ಯ ಇಲಾಖೆ ವೇಗದ ಮಿತಿಯ ಫಲಕ ಹಾಕಿದ್ದರೂ ಅತಿ ವೇಗದಲ್ಲಿ ವಾಹನ ಸವಾರರು ವಾಹನ ಚಲಾಯಿಸಿ ತರುತಿದ್ದು ಈ ಭಾಗದಲ್ಲಿ ಪ್ರಾಣಿಗಳಿಗೆ ಅಪಘಾತದ ಸಂಖ್ಯೆ ಹೆಚ್ಚುತ್ತಿದೆ. ಇಂದು ಕೂಡ ಚಾಲಕ ಅತೀ ವೇಗದಲ್ಲಿ ವಾಹನ ಚಲಾಯಿಸುತಿದ್ದ ಕಾರಣ ಘಟನೆ ಜರುಗಿದ್ದು ಈ ಕುರಿತು ತನಿಖೆ ನಡೆಸಲಾಗುತಿದ್ದು ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ ಎಂದು ಅರಣ್ಯಾಧಿಕಾರಿಗಳು ಮಾಹಿತಿ ನೀಡಿದರು.
.........
ಸಂದೇಶ ಭಟ್ ಶಿರಸಿ. Conclusion:

For All Latest Updates