ಕಾರವಾರ (ಉ.ಕ): ಪಿಎಸ್ಐ ಹೆಸರಿನಲ್ಲೇ ನಕಲಿ ಫೇಸ್ಬುಕ್ ಖಾತೆ ತೆರೆದು ವಂಚನೆಗೆ ಮುಂದಾಗಿದ್ದ ವಿಷಯ ಇದೀಗ ಬೆಳಕಿಗೆ ಬಂದಿದೆ. ಕಾರವಾರದ ಗ್ರಾಮೀಣ ಠಾಣೆ ಪಿಎಸ್ಐ ರೇವಣ್ಣ ಜೀರನಕಳಗಿ ಹೆಸರಲ್ಲಿ ನಕಲಿ ಫೇಸ್ಬುಕ್ ಖಾತೆ ಸೃಷ್ಟಿಸಿ ಆ ಮೂಲಕ ಅವರ ಸ್ನೇಹಿತರೊಂದಿಗೆ ಚಾಟ್ ಮಾಡಿದ ಖದೀಮರು ತುರ್ತು ಅವಶ್ಯಕತೆ ಇದೆ ಎಂದು 20 ಸಾವಿರಕ್ಕೆ ಬೇಡಿಕೆ ಇಟ್ಟಿದ್ದರು.
ಅಲ್ಲದೆ ಫೋನ್‌ಪೇ, ಗೂಗಲ್‌ಪೇಗೆ ಹಣ ಹಾಕುವಂತೆಯೂ ತಿಳಿಸಿದ್ದರು. ಆದರೆ ಈ ವೇಳೆ ಅನುಮಾನಗೊಂಡ ಪಿಎಸ್ಐ ಸ್ನೇಹಿತರು ನೇರವಾಗಿ ಕರೆ ಮಾಡಿ ಕೇಳಿದಾಗ ನಕಲಿ ಖಾತೆ ಎಂಬ ವಿಷಯ ಬೆಳಕಿಗೆ ಬಂದಿದೆ.
ಈ ಬಗ್ಗೆ ದೂರು ದಾಖಲಿಸಿದ್ದು, ನಕಲಿ ಖಾತೆ ಸೃಷ್ಟಿಸಿದವರಿಗಾಗಿ ಹುಡುಕಾಟ ನಡೆಸಲಾಗುತ್ತಿದೆ.
