ಭಟ್ಕಳ: ಕಾರವಾರ ಜಿಲ್ಲೆಯ ಭಟ್ಕಳ ತಾಲೂಕಿನಲ್ಲೊಬ್ಬ ಅನಾಮಿಕ ವ್ಯಕ್ತಿ ಕಾಲೇಜು ವಿದ್ಯಾರ್ಥಿನಿಯರಿಗೆ ಪ್ರೇಮ ಪತ್ರ ಬರೆಯುತ್ತಿದ್ದಾನೆ. ಮುರುಡೇಶ್ವರದ ಕಾಲೇಜು ವಿದ್ಯಾರ್ಥಿನಿಯರಿಗೆ ನೋಟ್ ಬುಕ್ ನಲ್ಲಿ ಪ್ರೇಮ ಪತ್ರ ಹಾಕಿ ಕೊಡುತ್ತಿದ್ದಾನಂತೆ
ಈ ಹಿಂದೆಯೂ ಭಟ್ಕಳ ತಾಲೂಕಿನ ಕಾಲೇಜು ವಿದ್ಯಾರ್ಥಿನಿಯರಿಗೆ ಇದೇ ವ್ಯಕ್ತಿ ಕೆಂಪು ಬಣ್ಣದ ಸ್ವಿಫ್ಟ್ ಕಾರಿನಲ್ಲಿ ಹಿಂಬಾಲಿಸುತ್ತಿದ್ದ. ನಂತರ ನೇರವಾಗಿ ಬಂದು ಹುಡುಗಿಯರ ಕೈಗೆ ಪ್ರೇಮ ಪತ್ರ ಕೊಡದೇ, ನೋಟ್ಬುಕ್ ಕೊಟ್ಟು ಹೋಗುತ್ತಿದ್ದ.
ಈ ಪಾಗಲ್ ಪ್ರೇಮಿ ಎಲ್ಲ ಪತ್ರದಲ್ಲಿಯೂ ಒಂದೇ ಮೊಬೈಲ್ ನಂಬರ್ ಹಾಕಿದ್ದು, ಹೆಸರನ್ನು ಮಾತ್ರ ಬದಲಿಸುತ್ತಾನೆ. ಎರಡು ದಿನಗಳ ಹಿಂದಷ್ಟೇ ಮುರುಡೇಶ್ವರದಲ್ಲಿ ಬೂದು ಬಣ್ಣದ ಕಾರಿನಲ್ಲಿ ಬಂದು ಯುವತಿಯೊಬ್ಬಳ ಬಳಿ ಪ್ರೇಮ ನಿವೇದನೆಯ ಪತ್ರ ಮುದ್ರಿಸಿ, ಮೊಬೈಲ್ ನಂಬರ್ ಹಾಕಿ ಪತ್ರ ನೀಡಿದ್ದಾನೆ ಎನ್ನಲಾಗಿದೆ. ಈ ಪಾಗಲ್ ಪ್ರೇಮಿಯ ಉಪಟಳದಿಂದ ವಿದ್ಯಾರ್ಥಿನಿಯರು ರೋಸಿ ಹೋಗಿದ್ದಾರೆ. ಈ ಬಗ್ಗೆ ಸೂಕ್ತ ಕ್ರಮ ಕೈಗೊಳ್ಳಬೇಕು ಎಂದು ಒತ್ತಾಯಿಸಿದ್ದಾರೆ.
