ಉಡುಪಿ: ಸರ್ಕಾರಿ ಹಾಸ್ಟೆಲ್ ಅಂದಾಕ್ಷಣ ಮೂಗು ಮುರಿಯೋರೇ ಹೆಚ್ಚು. ಅದೆಷ್ಟೋ ಹಾಸ್ಟೆಲ್ಗಳು ಅವ್ಯವಸ್ಥೆಯ ಆಗರವಾಗಿರುವ ಬಗ್ಗೆ ವರದಿಯಾಗ್ತಿರುತ್ತವೆ. ಆದ್ರೆ ಉಡುಪಿಯ ಈ ಹಾಸ್ಟೆಲ್ ಮಾತ್ರ ಯಾವುದೇ ಖಾಸಗಿ ವಸತಿ ನಿಲಯಕ್ಕೂ ಕಮ್ಮಿ ಇಲ್ಲ ಎನ್ನುವಂತಿದೆ.
ಬ್ರಹ್ಮಾವರದ ಗಾಂಧಿ ಮೈದಾನದ ಬಳಿ ಇರುವ ಡಾ. ದೇವರಾಜ್ ಅರಸು ಹಿಂದುಳಿದ ವರ್ಗಗಳ ಮೆಟ್ರಿಕ್ ಪೂರ್ವ ಬಾಲಕಿಯರ ವಿದ್ಯಾರ್ಥಿನಿಯರ ವಸತಿ ನಿಲಯ ಅಚ್ಚುಕಟ್ಟು ವ್ಯವಸ್ಥೆಯೊಂದಿಗೆ ಕೂಡಿದ್ದು, ಮಾದರಿ ಹಾಸ್ಟೆಲ್ ಎನಿಸಿಕೊಂಡಿದೆ.
ಇಲ್ಲಿ ಓದುವ ಕೋಣೆ, ಊಟದ ಕೋಣೆ, ಪ್ರಾರ್ಥನಾ ಸ್ಥಳ ಎಲ್ಲವೂ ಕೂಡಾ ಅಚ್ಚುಕಟ್ಟಾಗಿದೆ. ಹಾಸ್ಟೆಲ್ ಸುತ್ತಲೂ ಗಿಡಗಳನ್ನು ನೆಟ್ಟು, ವಿದ್ಯಾರ್ಥಿನಿಯರೇ ನಿರ್ವಹಣೆ ಮಾಡ್ತಾರೆ. ಜೊತೆಗೆ ತರಕಾರಿಯನ್ನೂ ಬೆಳೆಯುತ್ತಾರೆ. ಅದಕ್ಕೆ ಬೇಕಾದ ಗೊಬ್ಬರದ ಕೆಲಸವನ್ನೂ ಅವರೇ ಮಾಡ್ತಾರೆ.
ಇದನ್ನೂ ಓದಿ: ಮಹತ್ವಾಕಾಂಕ್ಷೆಯ 'ಒಂದು ಜಿಲ್ಲೆ ಒಂದು ಉತ್ಪನ್ನ' ಯೋಜನೆಗೆ ರಾಜ್ಯದ ರೈತರಿಂದ ನಿರಾಸಕ್ತಿ!?
ಈ ಹಾಸ್ಟೆಲ್ ವ್ಯವಸ್ಥೆ ನೋಡಿದ್ರೆ, ಮಕ್ಕಳ ವಿದ್ಯಾಭ್ಯಾಸದ ಜೊತೆಗೆ ಪಠ್ಯೇತರ ಚಟುವಟಿಕೆಗೂ ಪ್ರೋತ್ಸಾಹ ನೀಡುವ ವಾತಾವರಣ ಇಲ್ಲಿದೆ ಅನ್ನೋದ್ರಲ್ಲಿ ಅನುಮಾನನೇ ಇಲ್ಲ. ಒಟ್ಟಾರೆ ಇದು ಸರ್ಕಾರಿ ಹಾಸ್ಟೆಲ್ಗಳಿಗೆ ಮಾದರಿಯಾಗಿದೆ ಅಂದ್ರೆ ತಪ್ಪಿಲ್ಲ.
ಜಾಹಿರಾತು : ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ
