ತುಮಕೂರು: ಸೋಂಕು ಹರಡುವಿಕೆ ಭೀತಿಯಿಂದಾಗಿ ಕೋವಿಡೇತರ ರೋಗಗಳಿಂದ ಬಳಲುತ್ತಿರುವ ರೋಗಿಗಳು ಪರದಾಡುವಂತಾಗಿದೆ. ಆದ್ರೆ ಕೆಲವು ರೋಗಿಗಳ ಗಂಭೀರ ಆರೋಗ್ಯ ಪರಿಸ್ಥಿತಿಯನ್ನು ಅರಿತು ವೈದ್ಯರು ಸೋಂಕು ತಗುಲಿದ್ದರೂ ಕೂಡ ಚಿಕಿತ್ಸೆ ನೀಡಿರುವ ಉದಾಹರಣೆಗಳು ಜಿಲ್ಲೆಯಲ್ಲಿ ಕಂಡುಬಂದಿವೆ.
ಈ ಬಗ್ಗೆ ಮಾಹಿತಿ ನೀಡಿರುವ ಹಿರಿಯ ಶಸ್ತ್ರಚಿಕಿತ್ಸಕ ಡಾ.ಮಹೇಶ್, ಸರ್ಜರಿ ಮುಂದೂಡಬಹುದಾದ ರೋಗಿಗಳಿಗೆ ಧೈರ್ಯ ಹೇಳಿ ಮುಂದಿನ ತಿಂಗಳಿಗೆ ಮುಂದೂಡಲಾಗಿದೆ. ಅಪೆಂಡಿಕ್ಸ್, ಹರ್ನಿಯಾ, ಥೈರಾಯ್ಡ್, ಬ್ರೆಸ್ಟ್, ಪಿತ್ತಕೋಶಕ್ಕೆ ಸಂಬಂಧಿಸಿದ ರೋಗಕ್ಕೆ ಸರ್ಜರಿ ಮಾಡಬೇಕಾದ ರೋಗಿಗಳು ಆಸ್ಪತ್ರೆಗೆ ಬಂದಿದ್ದಾರೆ. ಆ ಪೈಕಿ ಥೈರಾಯ್ಡ್ ಸಂಬಂಧಿಸಿದ ಸರ್ಜರಿಗಳನ್ನು ಮುಂದೂಡಲಾಗಿದೆ. ಅತಿ ಹೆಚ್ಚಿನ ನೋವಿನಿಂದ ಬಳಲುತ್ತಿರುವ ಹರ್ನಿಯಾ ರೋಗಕ್ಕೆ ಸಂಬಂಧಿಸಿದವರಿಗೆ, ಹಾಲುಣಿಸುವ ಎದೆ ಸರ್ಜರಿಗಳನ್ನು ಕೊರೊನಾ ಸೋಂಕಿನ ತೀವ್ರತೆ ಕಡಿಮೆಯಾದ ನಂತರ ಮಾಡಬಹುದು ಎಂದರು.
ಇದನ್ನೂ ಓದಿ: ಕಾಸರಕೋಡಿನಲ್ಲಿ ಕಡಲಾಮೆ ಮರಿಗಳ ಸಂರಕ್ಷಣೆಗೆ ಮುಂದಾದ ಅರಣ್ಯ ಇಲಾಖೆ
ಕೋವಿಡ್ನಿಂದ ಬಳಲುತ್ತಿದ್ದ, ತುರ್ತು ಸರ್ಜರಿ ಅಗತ್ಯವಿರೋ ಪಿತ್ತಕೋಶಕ್ಕೆ ಸಂಬಂಧಿಸಿದ ರೋಗಿಗಳಿಗೆ ಚಿಕಿತ್ಸೆ ನೀಡಲಾಗಿದೆ. ಯಾವುದು ತುರ್ತಾಗಿ ಆಗಬೇಕೋ ಅಂತಹ ಶಸ್ತ್ರಚಿಕಿತ್ಸೆಗಳನ್ನು ಮಾಡುತ್ತಿದ್ದೇವೆ. ಈ ನಡುವೆ 2ನೇ ಅಲೆಯ ವೇಳೆ ಮಧ್ಯಮ ವಯಸ್ಕರು ಹೆಚ್ಚಿನ ಪ್ರಮಾಣದಲ್ಲಿ ಸರ್ಜರಿಗಳನ್ನು ಮಾಡಿಸಿಕೊಳ್ಳಲು ಬಂದಿಲ್ಲ ಎಂದು ಡಾ. ಮಹೇಶ್ ತಿಳಿಸಿದರು.
