ತುಮಕೂರು: ಕೊರೊನಾ ಎರಡನೇ ಅಲೆ ಮುಗಿದು ಮೂರನೇ ಅಲೆಗೆ ಇಡೀ ರಾಜ್ಯ ಸಿದ್ಧವಾಗುತ್ತಿದೆ. ಇನ್ನೊಂದೆಡೆ ಪಾಸಿಟಿವಿಟಿ ರೇಟ್ ಕಡಿಮೆ ಇರುವ ಜಿಲ್ಲೆಗಳಲ್ಲಿ ಸರ್ಕಾರ ಎರಡನೇ ಅಲೆಯ ಭೀತಿಯ ನಡುವೆಯೂ ಶಾಲೆ ಪ್ರಾರಂಭಿಸಿದೆ. ಶಾಲೆಯೇನೋ ಆರಂಭವಾಯ್ತು, ಮಕ್ಕಳನ್ನ ಶಾಲೆಗೆ ಕಳುಹಿಸಬೇಕು ಎಂದು ಸಿದ್ಧತೆ ಮಾಡಿಕೊಂಡಿದ್ದ ಪೋಷಕರಿಗೆ ಸೋಂಕಿನ ಭೀತಿ ದಿಗಿಲು ಹುಟ್ಟಿಸಿದೆ.
ಬರೋಬ್ಬರಿ ಒಂದುವರೆ ವರ್ಷದಿಂದ ಶಾಲೆಯ ಮುಖವನ್ನೇ ಕಾಣದ ಮಕ್ಕಳು ಈಗ ಶಾಲೆಯಡೆಗೆ ಹೆಜ್ಜೆ ಹಾಕುತ್ತಿದ್ದಾರೆ. ಈ ನಡುವೆ ಪೊಷಕರಿಗೆ ಆಘಾತಕಾರಿ ವಿಷಯ ಎದುರಾಗುತ್ತಿದೆ ರಾಜ್ಯದಲ್ಲಿ 6 ರಿಂದ 8 ತರಗತಿಗೆ ಶಾಲೆ ಆರಂಭಿಸಿದ ಕೇವಲ 10 ದಿನಗಳಲ್ಲಿ ತುಮಕೂರು ಜಿಲ್ಲೆಯೊಂದರಲ್ಲೆ ಬರೋಬ್ಬರಿ 73 ಮಕ್ಕಳಲ್ಲಿ ಕೊರೊನಾ ಸೋಂಕು ಕಂಡುಬಂದಿದೆ. ಇದು ಜಿಲ್ಲಾಡಳಿತಕ್ಕೆ ತಲೆಬಿಸಿ ಉಂಟಾಗಿದೆ, ಇನ್ನು 39 ಜನ ಹೆಣ್ಣುಮಕ್ಕಳಿಗೆ ಹಾಗೂ 34 ಜನ ಗಂಡುಮಕ್ಕಳಲ್ಲಿ ಕೊರೋನಾ ದೃಢವಾಗಿದೆ.
ಇನ್ನು ಶಾಲೆಯಲ್ಲಿ ಒಂದು ಮಗುವಿಗೆ ಕೊರೊನಾ ಪಾಸಿಟಿವ್ ಆದ್ರೆ ಇಡೀ ತರಗತಿಯ ಮಕ್ಕಳಿಗೆ ಕೊರೊನಾ ಪರೀಕ್ಷೆ ಮಾಡಿಸಬೇಕು. ಜೊತೆಗೆ ಪಾಸಿಟಿವ್ ಬಂದಿರುವ ಮಕ್ಕಳಿಗೆ ಕ್ವಾರಂಟೀನ್ ಮಾಡಬೇಕು. ಮಕ್ಕಳಿಂದ ಪೋಷಕರಿಗೆ ಹರಡಿದಿಯೋ ಅಥವಾ ಪೋಷಕರಿಂದಲೆ ಮಕ್ಕಳಿಗೆ ವ್ಯಾಪಿಸಿದೆಯೋ ಎಂಬುದನ್ನು ಟ್ರಾಕ್ ಚೆಕ್ ಮಾಡಬೇಕು.
ಅದಲ್ಲದೇ ಮಕ್ಕಳಿಗೆ ಎಲ್ಲಿಂದ ಕೊರೊನಾ ಸೋಂಕು ಹರಡಿದೆ ಎಂಬುದನ್ನ ನಿರ್ಧರಿಸಿ ಕ್ರಮ ಕೈಗೊಳ್ಳುವುದೇ ದುಸ್ತರವಾಗಿದ್ದರೆ, ಇನ್ನೊಂದಡೆ ಈ ರೀತಿ ಪದೇ ಪದೇ ಟೆಸ್ಟ್ ಮಾಡಿಸೊದ್ರಿಂದ ಕಿರಿಕಿರಿ ಆಗಿ ಮಕ್ಕಳೇ ಶಾಲೆಯಿಂದ ಹೊರ ಉಳಿಯುತ್ತಾರೆ ಎನ್ನುವ ಆತಂಕವೂ ಒಂದಡೆ ಕಾಡುತ್ತಿದೆ. ಸದ್ಯ ಮಕ್ಕಳನ್ನು ಹೋಂ ಕ್ವಾರಂಟೈನ್ ಮಾಡಲಾಗಿದ್ದು ಅಲ್ಲೆ ಚಿಕಿತ್ಸೆ ನೀಡಲಾಗುತ್ತಿದೆ.
ಒಟ್ಟಾರೆ ಶಾಲಾ ಮಕ್ಕಳಲ್ಲಿ ಸೋಂಕು ಕಂಡುಬರುತ್ತಿರುವುದು ಪೋಷಕರಲ್ಲಿಯೂ ಆತಂಕ ಮನೆ ಮಾಡಿದೆ, ಮಕ್ಕಳನ್ನ ಶಾಲೆಗೆ ಕಳುಹಿಸುವುದೋ ಬೇಡವೋ ಎನ್ನುವ ಗೊಂದಲದಲ್ಲಿಯೇ ಶಾಲೆಗೆ ಕಳುಹಿಸುತ್ತಿದ್ದಾರೆ. ಎಷ್ಟೇ ಕ್ರಮ ವಹಿಸಿದ್ರು ಕೋವಿಡ್ ನಿಯಮಗಳನ್ನ ಪಾಲನೆ ಮಾಡಿದ್ರೂ ಮಕ್ಕಳ ಆರೋಗ್ಯ ಕಾಪಾಡುವ ಬಗ್ಗೆ ಚಿಂತೆ ಶಿಕ್ಷಕರಲ್ಲಿಯೂ ಹೆಚ್ಚಾಗಿದೆ.
ಇದನ್ನು ಓದಿ: ಕೋವಿಡ್ ಪ್ರಕರಣಗಳು ಹೆಚ್ಚಳದ ಭೀತಿಯೇ 1 ರಿಂದ 5ನೇ ತರಗತಿ ಆರಂಭಕ್ಕೆ ತಡೆ!
