ಗಾಂಜಾ ಮಾರಾಟಗಾರರಿಗೆ ಖಡಕ್ ಎಚ್ಚರಿಕೆ ನೀಡಿದ ಶಿವಮೊಗ್ಗ ಎಸ್ಪಿ

ಎಸ್ಪಿ ಶಾಂತರಾಜು ಜಿಲ್ಲೆಯಲ್ಲಿ ಗಾಂಜಾ ಮಾರಾಟ ಮಾಡುತ್ತಿದ್ದವರ ಪರೇಡ್​ ನಡೆಸಿ ಗಾಂಜಾ ಮಾರಾಟ ಮಾಡದಂತೆ ಖಡಕ್ ಎಚ್ಚರಿಕೆ ನೀಡಿದ್ದಾರೆ.

ಶಿವಮೊಗ್ಗ: ಜಿಲ್ಲೆಯಲ್ಲಿ ಗಾಂಜಾ ಮಾರಾಟ ಮಾಡುತ್ತಿದ್ದವರ ಪರೇಡ್​ ನಡೆಸಿ, ಮುಂದೆ ಗಾಂಜಾ ಮಾರಾಟ ಮಾಡದಂತೆ ಎಸ್ಪಿ ಶಾಂತರಾಜು ಖಡಕ್ ಎಚ್ಚರಿಕೆ ನೀಡಿದ್ದಾರೆ.

ಇಂದು ಡಿಎಆರ್ ಮೈದಾನದಲ್ಲಿ ಗಾಂಜಾ ಮಾರಾಟ ಮಾಡುತ್ತಿದ್ದವರ ಪರೇಡ್​ ನಡೆಸಿದರು. ಕಳೆದ ವಾರ ರೌಡಿಗಳ ಪರೇಡ್​ ನಡೆಸಿದ್ದ ಶಾಂತರಾಜು, ಇಂದು ಗಾಂಜಾ ಮಾರಾಟಗಾರರ ಪರೇಡ್​ ನಡೆಸಿದ್ದಾರೆ.

ನಿಮ್ಮ ಹಳೆಯ ಕೆಲಸಗಳನ್ನು ಬಿಟ್ಟುಬಿಡಬೇಕು. ಮುಂದೆ ಈ ರೀತಿಯ ಕೃತ್ಯಗಳನ್ನು ಮಾಡಬಾರದು. ನೀವು ಸುಮ್ಮನಿದ್ದು, ಬೇರೆಯವರಿಂದ ಕೃತ್ಯ ನಡೆಸಿದರೆ ಅದು ನಮಗೆ ತಿಳಿಯುತ್ತಿದೆ. ಗಾಂಜಾ‌ ಕೇಸ್​ ಅಲ್ಲದೇ ಬೇರೆ ಬೇರೆ ಕೇಸು ಹಾಕಬೇಕಾಗುತ್ತದೆ ಎಂದು ಎಚ್ಚರಿಕೆ ನೀಡಿ, ಗಾಂಜಾ ಯಾರಿಗೆ ಮಾರಾಟ ಮಾಡುತ್ತೀರಾ ಎನ್ನವ ಬಗ್ಗೆ ನನಗೆ ವೈಯಕ್ತಿಕವಾಗಿ ‌ಮಾಹಿತಿ ನೀಡಿ ಎಂದರು. ಈ ವೇಳೆ, 70 ಜನ ಗಾಂಜಾ ಮಾರಾಟಗಾರರು ಬಂದಿದ್ದರು.