ನೇಕಾರ ಜನಾಂಗದ ಜಾತಿವಾರು ಜನಗಣತಿ ಬಿಡುಗಡೆಗೆ ಆಗ್ರಹ

ನೇಕಾರ ಜನಾಂಗದ ಜಾತಿವಾರು ಜನಗಣತಿ ಬಿಡುಗಡೆಗೊಳಿಸಲು ಆಗ್ರಹಿಸಿ ಸುದ್ದಿಗೋಷ್ಟಿ ನಡೆಸಿದರು.

ಶಿವಮೊಗ್ಗ:ನೇಕಾರ ಜನಾಂಗದ ಜಾತಿವಾರು ಜನಗಣತಿ ಬಿಡುಗಡೆಗೊಳಿಸಿ ಎಂದು ನೇಕಾರರ ಸಮಾಜದ ಉಪಾಧ್ಯಕ್ಷ ಟಿ.ರಾಜೇಶ್ ಒತ್ತಾಯಿಸಿದರು.

ಇಂದು ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಅವರು, ರಾಜ್ಯದಲ್ಲಿ ಸುಮಾರು 45 ಲಕ್ಷ ಜನಸಂಖ್ಯೆಯನ್ನು ನೇಕಾರ ಸಮುದಾಯ ಹೊಂದಿದೆ. ಈ ಹಿನ್ನೆಲೆಯಲ್ಲಿ ಸರ್ಕಾರ ಜಾತಿವಾರು ಜನಗಣತಿಯನ್ನ ಬಿಡುಗಡೆಗೊಳಿಸಬೇಕು ಎಂದು ಒತ್ತಾಯಿಸಿದರು.

ಸರ್ಕಾರಗಳು ನಮಗೆ ಅನ್ಯಾಯ ಮಾಡುತ್ತಿವೆ. ಸಂವಿಧಾನಿಕವಾಗಿ 3-4 ಲಕ್ಷ ಜನಸಂಖ್ಯೆಗೆ ಒಬ್ಬರಂತೆ ಶಾಸಕರು ಇರಬೇಕು. ಇದರಂತೆ ಹೋದರೆ ಏಳೆಂಟು ಶಾಸಕರಾದರು ಇರಬೇಕಾಗಿತ್ತು. ಆಗ ನಮ್ಮ ಸಮುದಾಯದ ಸಮಸ್ಯೆಗಳನ್ನ ತಿಳಿಸಲು ಅನುಕೂಲವಾಗುತ್ತಿತ್ತು. ಆದರೆ ಇಂದು ನಮ್ಮ ಸಮಸ್ಯೆಗಳನ್ನ ಸರ್ಕಾರ ಆಲಿಸುತ್ತಿಲ್ಲ ಎಂದು ದೂರಿದರು.

ನೇಕಾರ ಜನಾಂಗದ ಜಾತಿವಾರು ಜನಗಣತಿ ಬಿಡುಗಡೆಗೆ ಆಗ್ರಹ

ಹಾಗಾಗಿಯೇ ನಾವು ಸಹ ರಾಜಕೀಯವಾಗಿ, ಸಾಮಾಜಿಕವಾಗಿ, ಆರ್ಥಿಕವಾಗಿ ಸಂಘಟಿತರಾಗಿದ್ದೇವೆ ಎಂದು ತೋರಿಸಲು ಬಹೃತ್​ ಸಮಾವೇಶ ಹಮ್ಮಿಕೊಳ್ಳುತ್ತಿದ್ದೇವೆ ಎಂದರು.