ಶಿವಮೊಗ್ಗದ ಕೇಂದ್ರ ಕಾರಾಗೃಹ ಸಿಬ್ಬಂದಿಗೆ ಕೊರೊನಾ: ಜೈಲಿಗಿಲ್ಲ ಅಪಾಯ

ಶಿವಮೊಗ್ಗ ಕೇಂದ್ರ ಕಾರಾಗೃಹದ ಸಿಬ್ಬಂದಿಯೊಬ್ಬರಿಗೆ ಕೊರೊನಾ ಪಾಸಿಟಿವ್ ಧೃಡಪಟ್ಟಿದೆ. ಆದರೆ, ಇವರು ಜೈಲಿನ ಹೊರಭಾಗದಲ್ಲಿ‌ ಕರ್ತವ್ಯ‌ ನಿರ್ವಹಿಸಿದ ಕಾರಣ‌ ಜೈಲಿಗೆ ಯಾವುದೇ ಅಪಾಯವಿಲ್ಲ ಎಂದು‌‌ ಕೇಂದ್ರ‌ ಕಾರಾಗೃಹದ‌ ಚೀಫ್‌ ಸೂಪರಿಂಟೆಂಡೆಂಟ್​ ಡಾ.ರಂಗನಾಥ್‌ ತಿಳಿಸಿದ್ದಾರೆ.

ಶಿವಮೊಗ್ಗ: ಇಲ್ಲಿನ ಕೇಂದ್ರ ಕಾರಾಗೃಹದ ಸಿಬ್ಬಂದಿಯೊಬ್ಬರಿಗೆ ಕೊರೊನಾ ಪಾಸಿಟಿವ್ ಇರುವುದು ಧೃಡವಾಗಿದೆ.

ಇವರು ಜೈಲಿನ ಹೊರ ಭಾಗದಲ್ಲಿ ಕಾರ್ಯ‌ ನಿರ್ವಹಿಸುತ್ತಿದ್ದರು. ಸಾಗರದ ನಿವಾಸಿಯಾಗಿರುವ ಇವರಿಗೆ ತಮ್ಮೂರಿಗೆ ಹೋದಾಗ ಅಲ್ಲಿನ ಮೆಡಿಕಲ್ ಶಾಪ್​ ವ್ಯಕ್ತಿಯೊಬ್ಬರ ಸಂಪರ್ಕದಿಂದ ಕೊರೊನಾ‌ ಸೋಂಕು ತಗಲಿದೆ ಎನ್ನಲಾಗಿದೆ. ಸಾಗರದಿಂದ ಬಂದವರಿಗೆ ಕ್ವಾರಂಟೈನ್​ನಲ್ಲಿರುವಂತೆ ಜೈಲಿನಿಂದ ಸೂಚಿಸಲಾಗಿತ್ತು. ಸಾಗರದ ವ್ಯಕ್ತಿಗೆ ಸೋಂಕು ತಗಲಿದೆ ನಂತರ ಇವರು ಸಹ ಸ್ವ್ಯಾಬ್ ಪರೀಕ್ಷೆ ನಡೆಸಿದ ಬಳಿಕ ಸೊಂಕು ಇರುವುದು‌‌‌ ಧೃಡಪಟ್ಟಿದೆ. ಹಾಗಾಗಿ ಇವರನ್ನು ಮೆಗ್ಗಾನ್ ಕೋವಿಡ್ -19 ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಇವರು ಜೈಲಿನ ಹೊರಭಾಗದಲ್ಲಿ‌ ಕರ್ತವ್ಯ‌ ನಿರ್ವಹಿಸಿದ ಕಾರಣ‌ ಜೈಲಿಗೆ ಯಾವುದೇ ಅಪಾಯವಿಲ್ಲ ಎಂದು‌‌ ಕೇಂದ್ರ‌ ಕಾರಾಗೃಹದ‌ ಚೀಫ್‌ ಸೂಪರಿಂಟೆಂಡೆಂಟ್ ಡಾ.ರಂಗನಾಥ್‌ ತಿಳಿಸಿದ್ದಾರೆ.