ಶಿವಮೊಗ್ಗ : ಆಟೋದಲ್ಲಿ ಬಿಟ್ಟು ಹೋಗಿದ್ದ ಸುಮಾರು 5 ಲಕ್ಷ ಮೌಲ್ಯದ ಚಿನ್ನಾಭರಣವನ್ನು ವಾರಸುದಾರರಿಗೆ ವಾಪಸ್ ನೀಡಿ ಚಾಲಕ ಪ್ರಮಾಣಿಕತೆ ಮೆರೆದಿರುವ ಘಟನೆ ನಡೆದಿದೆ.
ನಗರದ ಕರ್ನಾಟಕ ಸಂಘದ ಆಟೋ ನಿಲ್ದಾಣದ ಚಾಲಕ ಮಾಜೀದ್ ಎಂಬುವರ ಆಟೋದಲ್ಲಿ ಪ್ರಯಾಣಿಕರೋರ್ವರು ಆಟೋದಲ್ಲೇ 5 ಲಕ್ಷದ ಚಿನ್ನಾಭರಣವಿದ್ದ ಬ್ಯಾಗ್ ಬಿಟ್ಟು ಹೋಗಿದ್ದರು. ಇದನ್ನು ಕಂಡ ಅಟೋ ಚಾಲಕ ತಕ್ಷಣ ಬ್ಯಾಗ್ ಅನ್ನು ಕೋಟೆ ಪೊಲೀಸ್ ಠಾಣೆಗೆ ನೀಡಿದ್ದ.
ಅದೇ ಸಮಯಕ್ಕೆ ಬ್ಯಾಗ್ ಕಳೆದುಕೊಂಡಿದ್ದ ವ್ಯಕ್ತಿ ದೂರು ನೀಡಲು ಬರುತ್ತಿದ್ದರು. ಈ ವೇಳೆ ಪೊಲೀಸರು ಆಟೋ ಚಾಲಕನ ಮೂಲಕವೇ ವಾರಸುದಾರನಿಗೆ ಬ್ಯಾಗ್ ತಲುಪಿಸಿದ್ದಾರೆ. ಈ ಸಂದರ್ಭದಲ್ಲಿ ಆಟೋ ಚಾಲಕರು ಹಾಗೂ ಮಾಲೀಕರ ಸಂಘದ ಪದಾಧಿಕಾರಿಗಳು ಹಾಜರಿದ್ದರು.
ಓದಿ: ರಾಜ್ಯದಲ್ಲಿಂದು ಕೊರೊನಾ ಸೋಂಕು ಭಾರಿ ಇಳಿಕೆ : 673 ಮಂದಿಗೆ ಕೋವಿಡ್,13 ಸೋಂಕಿತರ ಸಾವು
