ಶಿವಮೊಗ್ಗ: ಸಂಸದ ಬಿ.ವೈ ರಾಘವೇಂದ್ರ ಯಡಿಯೂರಪ್ಪ ಅವರ ಮಗನಾಗಿ ಉಳಿಯದೇ ಜನನಾಯಕನಾಗಿ ಗುರುತಿಸಿಕೊಂಡಿದ್ದಾರೆ ಎಂದು ಗೃಹ ಸಚಿವ ಆರಗ ಜ್ಞಾನೇಂದ್ರ ಹೇಳಿದ್ದಾರೆ. ಇಂದು ಶಿಕಾರಿಪುರದ ಕುಮದ್ವತಿ ಕಾಲೇಜು ಆವರಣದಲ್ಲಿ ಸಂಸದ ಬಿ. ವೈ ರಾಘವೇಂದ್ರ ಅವರ ಹುಟ್ಟುಹಬ್ಬದಲ್ಲಿ ಭಾಗಿಯಾಗಿ ಅಭಿನಂದನಾ ನುಡಿಗಳನ್ನು ಆಡಿದರು.
ಮೊದಲು ನಾವೆಲ್ಲಾ ರಾಘವೇಂದ್ರ ಅವರನ್ನು ಯಡಿಯೂರಪ್ಪ ಅವರ ಮಗ ಎಂದು ಎತ್ತಿ ಅಪ್ಪಿಕೊಂಡಿದ್ದೇವೆ. ಆದರೆ, ಈಗ ರಾಘವೇಂದ್ರ ತಮ್ಮ ಅಭಿವೃದ್ದಿಯ ಕೆಲಸದ ಮೂಲಕ ತಮ್ಮನ್ನು ಗುರುತಿಸಿಕೊಂಡಿದ್ದಾರೆ ಎಂದರು.
ಕ್ಷೇತ್ರದಲ್ಲಿ ರಾಘವೇಂದ್ರ ಅವರು ತಮ್ಮದೇ ಆದ ಚಾಪು ಮೂಡಿಸಿದ್ದಾರೆ. ಅವರು ನಾಯಕತ್ವ ಗುಣವನ್ನು ಹೊಂದಿದ್ದಾರೆ. ಹಿಂದಿನ ಲೋಕಸಭಾ ಸದಸ್ಯರುಗಳು ಏನೂ ಮಾಡಿದ್ರು ಅಂತ ಗೂತ್ತಾಗುತ್ತಿರಲಿಲ್ಲ. ಲೋಕಸಭೆಗೆ ಹೋಗಿದ್ರಾ, ಅಲ್ಲಿ ಪ್ರಶ್ನೆ ಕೇಳಿದ್ರಾ ಅಂತ ಗೊತ್ತಿಲ್ಲ. ಆದರೆ, ರಾಘವೇಂದ್ರ ಅವರು ಪ್ರತಿ ಗ್ರಾಮೀಣ ಪ್ರದೇಶ ಸುತ್ತಿ ಅಭಿವೃದ್ದಿ ಮಾಡಿದ್ದಾರೆ. ನಮ್ಮ ಕ್ಷೇತ್ರದ ಅಭಿವೃದ್ದಿ ಮಾಡಿದ್ದಾರೆ. ಇದರಿಂದ ನಮ್ಮ ಹೆಮ್ಮೆ ರಾಘಣ್ಣ ಎಂದು ತಿಳಿಸಿದರು.
ರಾಘವೇಂದ್ರ ಅವರು ಪಾದರಸದ ರೀತಿ ಓಡಾಟ ನಡೆಸಿ ಕ್ಷೇತ್ರವನ್ನು ಅಭಿವೃದ್ದಿ ಪಡಿಸಿದ್ದಾರೆ. ಅಭಿವೃದ್ದಿಗೆ ಕೇವಲ ಪತ್ರ ಬರೆಯದೇ, ಟೇಬಲ್ ಟೇಬಲ್ ತಿರುಗಾಡಿ ಅನುದಾನ ತಂದು ಅಭಿವೃದ್ದಿ ಮಾಡಿದ್ದಾರೆ. ಅವರ ಅಭಿವೃದ್ದಿ ನಮ್ಮ ಕಣ್ಣಿನ ಮುಂದಿದೆ. ಸ್ವಾತಂತ್ರ ಪೂರ್ವದ ತೀರ್ಥಹಳ್ಳಿ ತುಂಗಾ ಸೇತುವೆಗೆ ನೂತನ ಸೇತುವೆ ಮಂಜೂರು ಮಾಡಿಸಿದ್ದಾರೆ.
ಋಣ ತೀರಿಸುವ ಕೆಲಸ: ಲೋಕಸಭೆಯ ಅಭಿವೃದ್ದಿಯ ಬಾಗಿಲು ನೋಡಿ, ನಮ್ಮ ಕ್ಷೇತ್ರಕ್ಕೆ ಅಭಿವೃದ್ದಿಯನ್ನು ಎಳೆದು ತಂದಿದ್ದಾರೆ. ರಾಘವೇಂದ್ರ ತಂದೆಗೆ ತಕ್ಕ ಮಗನಾಗಿದ್ದಾರೆ. ಹುಚ್ಚರಾಯಸ್ವಾಮಿ ಆಯುಷ್, ಆರೋಗ್ಯ ಕರುಣಿಸಲಿ. ಗೆಲ್ಲಿಸಿ ಕೊಟ್ಟ ಮತದಾರರ ಋಣ ತೀರಿಸುವ ಕೆಲಸ ಮಾಡುತ್ತಿದ್ದಾರೆ. ರಾಘವೇಂದ್ರ ಅವರ ನೂರನೇ ಹುಟ್ಟು ಹಬ್ಬವನ್ನು ನಾವೆಲ್ಲಾ ಸೇರಿ ಆಚರಿಸೋಣ ಎಂದು ಶುಭ ಹಾರೈಸಿದರು.
ರಾಜ್ಯ ರಾಜಕಾರಣಕ್ಕೆ ಬನ್ನಿ: ಎಂಎಸ್ಐಎಲ್ನ ಅಧ್ಯಕ್ಷ ಹರತಾಳು ಹಾಲಪ್ಪ ಮಾತನಾಡಿ, ಸಂಘ ಪರಿಹಾರ ಹಾಗೂ ಲಕ್ಷಾಂತರ ಕಾರ್ಯಕರ್ತರು ನಿಮ್ಮ ಜೊತೆಗಿದ್ದಾರೆ. ಇನ್ನಷ್ಟು ಅಭಿವೃದ್ದಿ ಕೆಲಸ ಮಾಡಿ ರಾಜ್ಯ ರಾಜಕಾರಣಕ್ಕೆ ಬನ್ನಿ ಎಂದು ಕರೆ ನೀಡಿದರು.
ಕ್ಷೇತ್ರದ ಅಭಿವೃದ್ಧಿ ಮಾಡಿದ್ದಾರೆ: ರಾಘವೇಂದ್ರ ಅವರ ಈ ಯಶಸ್ಸಿನ ಹಿಂದೆ ಅವರ ಪತ್ನಿ ತೇಜಸ್ವಿನಿ ಅವರು ಇದ್ದಾರೆ. ಅದೇ ರೀತಿ ಕುಟುಂಬದ ಸಹಕಾರ ಚೆನ್ನಾಗಿ ಇದೆ. ಅವರು ಯಾರು ಮಾಡದಷ್ಟು ತಮ್ಮ ಕ್ಷೇತ್ರದ ಅಭಿವೃದ್ಧಿ ಮಾಡಿದ್ದಾರೆ ಎಂದರು.
ಓದಿ: ಸಂಸತ್ನಲ್ಲಿ ಪ್ರತಿಪಕ್ಷಗಳನ್ನು ನಿಯಂತ್ರಿಸಿದ್ದು ಮಾರ್ಷಲ್ಗಳಲ್ಲ, ಗೂಂಡಾಗಳು: ಹನುಮಂತಯ್ಯ
