ರಾಮನಗರ: ಸೋಂಕಿತರು ಕೋವಿಡ್ ಕೇಂದ್ರದ ಬಳಿ ವಾಕಿಂಗ್ ಮಾಡಿದ್ರೆ ನಮಗೂ ಕೊರೊನಾ ಬರುತ್ತೆ ಎಂದು ನೆರೆ ಹೊರೆಯವರು ಕೊರೊನಾ ಕೇಂದ್ರಕ್ಕೆ ಕಲ್ಲು ತೂರಾಟ ನಡೆಸಿರುವ ಘಟನೆ ಜರುಗಿದೆ.
ರಾಮನಗರ ಜಿಲ್ಲೆ ಮಾಗಡಿ ತಾಲೂಕಿನ ಕುದೂರು ಹೋಬಳಿಯಲ್ಲಿನ ಕೋವಿಡ್ ಕೇಂದ್ರಕ್ಕೆ ಕಲ್ಲು ತೂರಾಟ ನಡೆಸಲಾಗಿದೆ. ಕ್ವಾರಂಟೈನ್ ಕೇಂದ್ರದಲ್ಲಿ ವಾಕಿಂಗ್ ಮಾಡಿದ್ರೆ ಸೋಂಕು ನಮಗೂ ಹರಡುತ್ತದೆ ಎಂದು ಕೇಂದ್ರದ ನೆರೆ ಹೊರೆಯವರು ಕಲ್ಲು ಹೊಡೆದಿದ್ದಾರೆ.
ಈ ಸಂಬಂಧ ಕ್ವಾರಂಟೈನ್ ಕೇಂದ್ರದಲ್ಲಿರುವ ಸೋಕಿಂತರು ಮಾತನಾಡಿ, ಊಟ, ತಿಂಡಿ ಮಾಡಿದ ಮೇಲೆ ಮಹಡಿಯ ಮೇಲೆ ವಾಕಿಂಗ್ ಮಾಡುವಾಗ ನೀವು ಹೂರಗಡೆ ಬರಬೇಡಿ. ಒಳಗೆ ಇರಿ ಎಂದು ಬೈದು ಕಲ್ಲು ಎಸೆದಿದ್ದಾರೆ. ಇದರಿಂದ ಕ್ವಾರಂಟೈನ್ ಕೇಂದ್ರದಲ್ಲಿ ನಮಗೆ ತೀವ್ರ ಕಿರಿಕಿರಿ ಉಂಟಾಗಿದ್ದು, ಸ್ಥಳಕ್ಕೆ ತಹಶೀಲ್ದಾರ್ ಬರುವವರೆಗೂ ನಾವು ಊಟ ಮಾಡುವುದಿಲ್ಲ ಎಂದು ಗಲಾಟೆ ಮಾಡುತ್ತಿದ್ದರು.
ಕೋವಿಡ್ ಸೋಂಕಿತರ ಮೇಲೆ ಕಲ್ಲು ತೂರಟ
