ರಾಯಚೂರು: ಕಲ್ಲಿದ್ದಲು ಘಟಕ ಆಧಾರಿತ ವಿದ್ಯುತ್ ಉತ್ಪಾದನೆ ಡಿಮ್ಯಾಂಡ್ ಕಡಿಮೆಯಾದ ಕಾರಣ ಶಕ್ತಿನಗರ ಆರ್ಟಿಪಿಎಸ್ನ ಮೂರು ಘಟಕಗಳು ಕಾರ್ಯ ಸ್ಥಗಿತಗೊಳಿಸಿವೆ.
ಕಲ್ಲಿದ್ದಲು ವಿದ್ಯುತ್ ಉತ್ಪಾದನೆಗೆ ಡಿಮ್ಯಾಂಡ್ ಕಡಿಮೆ, ಆರ್ಟಿಪಿಎಸ್ನ 3 ಘಟಕಗಳು ಸ್ಥಗಿತ...!
ತಲಾ 210 ಮೆಗಾವ್ಯಾಟ್ ವಿದ್ಯುತ್ ಉತ್ಪಾದನೆ ಸಾಮರ್ಥ್ಯ ಹೊಂದಿದ 2,6 ಮತ್ತು 7 ಘಟಕಗಳು ಸ್ಥಗಿತಗೊಂಡಿವೆ. ಕಲ್ಲಿದ್ದಲು ಘಟಕ ಆಧಾರಿತ ವಿದ್ಯುತ್ ಉತ್ಪಾದನೆ ಡಿಮ್ಯಾಂಡ್ ಕಡಿಮೆಯಾದ ಕಾರಣ ಮೂರು ವಿದ್ಯುತ್ ಘಟಕಗಳನ್ನ ನಿಲ್ಲಿಸಲಾಗಿದೆ. ಆರ್ಟಿಪಿಎಸ್ನಲ್ಲಿ ಒಟ್ಟು 8 ವಿದ್ಯುತ್ ಘಟಕಗಳಿದ್ದು, 1720 ಮೆಗಾವ್ಯಾಟ್ ವಿದ್ಯುತ್ ಉತ್ಪಾದನೆ ಸಾಮರ್ಥ್ಯ ಹೊಂದಿದೆ.
ಸದ್ಯ ಮೂರು ಘಟಕ ಸ್ಥಗಿಗೊಳಿಸಲಾಗಿದ್ದು, ಉಳಿದ 5 ಘಟಕಗಳಿಂದ 799 ಮೆಗಾವ್ಯಾಟ್ ವಿದ್ಯುತ್ ಉತ್ಪಾದನೆ ಮಾಡುವ ಮೂಲಕ ರಾಜ್ಯ ವಿದ್ಯುತ್ ಜಾಲಕ್ಕೆ ರವಾನಿಸಲಾಗುತ್ತಿದೆ ಎಂದು ಆರ್ಟಿಪಿಎಸ್ ಮೂಲಗಳು ತಿಳಿಸಿವೆ.
