ಸಿಗದ ಸಮರ್ಪಕ ಆರೋಗ್ಯ ಸೇವೆ: ಶುಶ್ರೂಷಕಿಯರನ್ನೇ ಆಶ್ರಯಿಸಿರುವ ರಾಯಚೂರು ಸರ್ಕಾರಿ ಆಸ್ಪತ್ರೆಗಳು

ಬಿಸಿಲೂರು ರಾಯಚೂರಿನ ಕೊಳಗೇರಿ ನಿವಾಸಿಗಳಿಗೆ ಸರಿಯಾಗಿ ಸೂಕ್ತ ರೀತಿಯಲ್ಲಿ ಆರೋಗ್ಯ ಸೇವೆ ದೊರೆಯುತ್ತಿಲ್ಲ ಎಂಬ ಮಾತುಗಳು ನಗರಲ್ಲಿ ಕೇಳಿ ಬರುತ್ತಿವೆ. ಅಲ್ಲದೇ ಇರುವ ಆಸ್ಪತ್ರೆಗಳಲ್ಲಿ ವೈದ್ಯರು ಸರಿಯಾದ ಸಮಯಕ್ಕೆ ಸಿಗದೇ ರೋಗಿಗಳು ಶುಶ್ರೂಷಕಿಯರ ಮೇಲೆ ಅವಲಂಬಿತವಾಗಬೇಕಾಗಿದೆ.

ರಾಯಚೂರು: ಸರ್ಕಾರ ನಗರ ಪ್ರದೇಶದ ಕೊಳಗೇರಿ ನಿವಾಸಿಗಳಿಗೆ ಸೂಕ್ತವಾದ ಆರೋಗ್ಯ ಸೇವೆ ಒದಗಿಸುವ ನಿಟ್ಟಿನಲ್ಲಿ ಪ್ರಾಥಮಿಕ ಆರೋಗ್ಯ ಕೇಂದ್ರಗಳನ್ನ ತೆರೆದಿದ್ದರೂ ಅಲ್ಲಿ ವೈದ್ಯರಿಗಿಂತ ಹೆಚ್ಚಾಗಿ ಶುಶ್ರೂಷಕಿಯರ ಮೇಲೆ ಹೆಚ್ಚು ಅವಲಂಬಿತ ವಾಗಬೇಕಿದೆ.

ನಗರದಲ್ಲಿ ಒಟ್ಟು 5 ಪ್ರಾಥಮಿಕ ಆರೋಗ್ಯ ಕೇಂದ್ರ (ಪಿಎಚ್​ಸಿ)ಗಳನ್ನ ಸ್ಥಾಪಿಸಲಾಗಿದೆ. ಹರಿಜನವಾಡ, ಜಹಿರಾಬಾದ್, ಎಲ್​ಬಿಎಸ್ ನಗರ ಸೇರಿದಂತೆ 5 ಪಿಎಚ್​ಸಿಗಳಿವೆ. ಈ ಐದರಲ್ಲಿ ನಾಲ್ವರು ವೈದ್ಯರಿದ್ದು, ಒಂದು ವೈದ್ಯರ ಹುದ್ದೆ ಖಾಲಿಯಿದೆ. ಸಿಬ್ಬಂದಿ, ಶುಶ್ರೂಷಕಿಯರ ಕೊರತೆ ಇಲ್ಲ.