ರಾಯಚೂರು: ಜಿಲ್ಲೆಯ ಲಿಂಗಸುಗೂರು ತಾಲೂಕು ಸರ್ಜಾಪುರ ಬಳಿಯ ಪ್ರೌಢಶಾಲೆಯಲ್ಲಿ ಇನ್ಸ್ಟಿಟ್ಯೂಷನಲ್ ಕ್ವಾರಂಟೈನ್ ಆರಂಭಕ್ಕೆ ಕುಪ್ಪಿಗುಡ್ಡ-ಸರ್ಜಾಪುರ ಸ್ಥಳೀಯರು ವಿರೋಧ ವ್ಯಕ್ತಪಡಿಸಿದ್ದಾರೆ.
ಇನ್ಸ್ಟಿಟ್ಯೂಷನಲ್ ಕ್ವಾರಂಟೈನ್ಗೆ ಕುಪ್ಪಿಗುಡ್ಡ-ಸರ್ಜಾಪುರ ಸ್ಥಳೀಯರು ವಿರೋಧ
ಗುರುವಾರ ಗೋವಾದಿಂದ ಸರ್ಜಾಪುರಕ್ಕೆ ಆಗಮಿಸಿದ ಕಾರ್ಮಿಕರನ್ನ ಇನ್ಸ್ಟಿಟ್ಯೂಷನಲ್ ಕ್ವಾರಂಟೈನ್ ಮಾಡುವ ಸುದ್ದಿ ತಿಳಿಯುತ್ತಿದ್ದಂತೆ ಸ್ಥಳಕ್ಕಾಗಮಿಸಿದ ಸ್ಥಳೀಯರು, ಇಲ್ಲಿ ಕೂಲಿಕಾರ್ಮಿಕರಿಗೆ ಇರಲು ಅಗತ್ಯ ಸೌಲಭ್ಯವಿಲ್ಲ. ಇದರಿಂದ ಕುಪ್ಪಿಗುಡ್ಡ - ಸರ್ಜಾಪುರ ಗ್ರಾಮದ ಜನತೆಗೆ ತೊಂದರೆಯಾಗಲಿದೆ ಎಂದು ಆರೋಪಿಸಿದರು.
ಇನ್ಸ್ಟಿಟ್ಯೂಷನಲ್ ಕ್ವಾರಂಟೈನ್ ಸ್ಥಳ ಬದಲಾವಣೆ ಮಾಡಿ, ಎರಡು ಗ್ರಾಮಸ್ಥರ ಆರೋಗ್ಯ ರಕ್ಷಣೆಗೆ ಮುಂದಾಗದಿದ್ದಲ್ಲಿ ಹೋರಾಟ ನಡೆಸುವುದಾಗಿ ಎಚ್ಚರಿಕೆ ನೀಡಿದರು.
